карате – Kurir.mk

БРАВО: Три медали за македонските каратисти на Балканското првенство за деца

Ивана Ефремовски — Sun, 28 May 2023 10:55:05 +0000

Три бронзени медали освоија македонските натпреварувачи на првиот ден од Балканското првенство во карате за деца кое овој викенд се одржува во црногорскиот град Бар. Со бронзени одличја се закитија Мила Николова во борби во категоријата над 50 килограми, како и Тодор Сутинов и Верон Дервиши во кати. Ова е најмасовно детско Балканско првенство во карате во историјата со преку 2.000 учесници (натпреварувачи, судии, тренери и официјални лица). (МИА)

Данка Стојкова со златен медал во кати на Медитеранското првенство во Тунис

Бошко Тасиќ — Sun, 21 May 2023 17:42:27 +0000

Од 19 до 21 мај се одржува 29 Медитеранското првенство за кадети, јуниори и сениори во карате во Тунис. Македонските каратисти се предводени од Бесник Мурати – шеф на делегација, Александар Кузмановски – селектор за сениори и Берат Јакупи – селектор за јуниори. На ова првенство освоени се вкупно три медали, од кои два сребрени и еден бронзен.Во јуниорска конкуренција со сребро се закити Бесарт Мемети (јуниори -55 кг.) кој во финалето загуби од Тунижанецот Ихеб Ферчичи, а втор во категоријата +76 кг. беше Андреј Басаров кој претрпе пораз во финалната борба од домашниот натпреварувач Јусеф Јериди. Кај јуниорите со медал од Тунис се враќа и Или Биљали во категоријата -68кг. кој во малото финале за бронзата триумфираше со 3:1 против Стефан Милуновиќ од Србија.

Македонската репрезентација во традиционално карате ќе учествува на меѓународниот меморијален карате куп

Ивана Ефремовски — Sat, 25 Feb 2023 16:06:26 +0000

Македонската репрезентација во традиционално карате на 26-ти февруари 2023 ќе учествува на меѓународниот меморијален карате куп “Оливер Томиќ” во Крушевац, Србија. За Македонија ќе настапат 15 напреварувачи во повеќе натпреварувачки категории и дисциплини. Македонската репрезентација ќе настапи во следниот состав: Камелија Недев, Филип Недев, Мариастела Топалоска, Софија Јарчевска, Матеј Мангаровски, Георги Кокорманов, Марко Илиевски, Максим Поп Трпев, Мила Младеновска, Марта Димковска, Изабела Пренковска, Ана и Марија Ѓуриќ, Ива Спасеновски и Срна Вапски. На меѓународниот карате куп ќе учествуваат на 600 натпреварувачи од повеќе земји од Балканот и Европа. Судии од Македонија ќе бидат: Аљоша и Јадранка Недеви, информира Дејан Недев.

Каратистите Трајковски и Стојановиќ освоија бронзени медали на ЕП за младинци во Кипар

Бошко Тасиќ — Mon, 06 Feb 2023 05:56:25 +0000

Македонските каратисти Витомир Трајковски и Стефан Стојановиќ се закитија со бронзени медали на Европското првенство за кадети, јуниори и У-21 кое викендов се одржа во Ларнака, Кипар. Трајковски и Стојановиќ запишаа голем успех за македонското карате, продолжувајќи ја својата низа медали на големите натпреварувања откако минатата година освоија сребрени медали на Светското првенство за кадети, јуниори и У-21 во Коња, Турција. Викторија Јовановска не успеа да донесе уште еден бронзен медал за Македонија. Нејзината борба со Мартина Куртеш од БиХ заврши 3-3, но противничката прва освои поен во продолжението и затоа се закити со бронзениот медал. На Европското младинско првенство настапија 1136 каратисти од 41 држава од Европа.

БРАВО: Македонските каратисти освоија 54 медали на светскиот шампионат

Ивана Ефремовски — Mon, 14 Nov 2022 14:38:45 +0000

Македонската репрезентација во традиционално карате постигна огромен резултат освојуваќи вкупно 54 медали 19 златни, 14 сребрени и 21 бронзени медали на 21. ИТКФ светскиот шампионат за ветерани, сениори, младинци, јуниори и кадети како и на 1. ИТКФ Светски куп за деца *Хидетака Нишијама кој се одржа на 11, 12 и 13 Ноември 2022 година во спортската сала Кале во Скопје. Златни медали освоија: Аљоша Недев - 1 место во фукуго и кати за сениори - (светски шампион) Јадранка Недев - 1 место во кати за сениорки - (светски шампион) Мила Саздова - 1 место во ката, кого кумите и фукуго за младинки - (светски шампион) Мила Младеновска - 1 место во ката и кого-кумите за кадетки - (светски шампион) Мила Саздова и Димитри Влахо - 1 место во енбу м/м за младинци- (светски шампион) Берта Милевска и Бојан Богдановиќ- 1 место во енбу м/м за сениори - (светски шампион) Марта Димковска - 1 место во кихон за деца 12-13г. Тиме Крстев - 1 место во кихон ипон за деца 6-7 г. Филип Недев - 1 место во ката и кихон ипон за деца 8-9 г. Лука Крстевски - 1 место во кихон за деца 8-9 г. Ива Димковска - 1 место во џиу ипон кумите за деца 10-11г. Бране Клепов - 1 место во кихин за деца 10-11г. Филип Пасков - 1 место во ката и кихон за деца 12-13 г. Сребрени медали освоија: Аљоша Недев - 2 место во кого кумите за сениори Берта Милевска - 2 место во кого-кумите сениорки Ристо Сакалиев - 2 место во ката за ветерани Антонија Белазелкоска - 2 место во ката младинки Димитри Влахо - 2 место во фукуго и кого-кумите за јуниори Мила Младеновска - 2 место во фукуго кадетки Мила Младеновска и Димитри Влахо - 2 место во енбу м/ж за јуниори Марта Димковска - 2 место во кати и џиу ипон кумуте за деца 12-13г. Мариастела Топаловска - 2 место во кихон за деца 10-11г. 2 место во ката тим деца 8-9г. (Филип Недев, Лука Крстевски и Дамјан Трајковски) 2 место ката тим деца 6-8г. (Срна Вапски, Ива Спасеновска, Ана Ѓуриќ) Војдан Паламидовски - 2 место во ката за деца 6-7г. Бронзени медали освоија: Јадранка Недева - 3 место во фукуго сениорки Антонија Белазелкоска - 3 место во фукуго за младинки Јана Милевска - 3 место во фукуго и кого кумите за младинки Ристо Сакалиев - 3 место во кумите за ветерани Кочо Василевски - 3 место во кумите за ветерани Елена Бичева - 3 место во кумите и кого-кумите за сениорки Сашо Спасовски - 3 место во кумите за сениори Наум Јаковлев - 3 место во кумите јуниори Изабела Пренковска - 3 место во ката деца 12-13г. Мариастела Топалоска - 3 место во џиу ипон кумите за деца 12-13г. Бране Клепов - 3 место во џиу ипон кумите за деца 10-11г. Жика Манасов - 3 место во кихон ипон за деца 8-9 г. Георги Кокорманов - 3 место во кихон деца 6-7г. 3 место кумите тим сениорки (Мила Саздова, Берта Милевска, Јана Милевска и Елена Бичева) 3 место кумите тим младинки (Мила Саздова, Антонија Белазелкоска, Јана Милевска ) 3 место ката тим деца 6-9г. (Ирина Крстевска, Неда Костадиновска, Софиа Топалоска) 3 место ката тим деца 6-7г. (Георги Кокорманов, Војдан Паламидовски, Максим Поп-Трпев) 3 место џ.ипон кумите тим деца 10-11г. (Камелија Недев, Ива Димковска, Марија Ѓуриќ, Софија Јарчевска) 3 место ката тим деца 10-11г. (Ива Димковска, Марија Ѓуриќ, Софија Јарчевска). ИТКФ светскиот шампионат и куп беше организиран на најспектакуларен начин од страна на Македонската традиционална карате федерација и сите земји учеснички беа презадоволни од целиот тек на натпреварот како и од корекното судењето. На ИТКФ светскиот шампионат и куп во традиционално карате учествуваа 456 напреварувачи од 44 земји.

Два сребрени медали за македонските каратисти во Турција (ФОТО)

Бошко Тасиќ — Sun, 30 Oct 2022 14:33:38 +0000

Македонските каратисти Витомир Трајковски и Стефан Стојановиќ се закитија со сребрени медали на Светското Првенство во Коња, Турција. Трајковски кој се натпреварува во категоријата до 84 кг во финалето настапи против Италианецот Фиоре Матео, додека Стојановиќ во категорија над 84кг со репрезентативецот на Саудиска Арабија, Суфјани Санад. Ова е досега најдобриот резултат во категорија У21 и воопшто на Светските првенства каде што настапила Македонија. Со двата сребрени медали нашите каратисти ја освоија 20 позиција од вкупно 1800 натпреварувачи од 105 земји од целиот свет.

Бронзен медал за македонскиот каратист Љупче Михајлов на Европското првенство во Чешка

Тале Кристо — Sun, 19 Jun 2022 13:01:50 +0000

Со резултат од 1:3 против Рамос Мат Стевен Аугуст од Италија, штипјанецот Љупче Михајлов го освои третото место и се здоби со бронзен медал на Европското првенство во карате, кое овој викенд се одржува во Прага-Чешка. Ова е уште еден од низата успешни резултати на Карате клубот (КК )-Штип од каде доаѓаат најдобрите каратисти во Македонија Сашко и Жарко Арсовски и Емил Павлов но и за Македонската карате репрезентација бидејќи од сите кандидати Михајлов го оставри најголемиот резултат. Од Карате клубот – Штип на Европското првенство учествуваа двајца каратисти Хаџикимов и Михајлов, кој со спонзорства на клубот и сопствени средства заминаа на првенството, наместо тоа да го обезбеди Македонската карате репрезентација.

Македонија со неверојатен успех на светското во Карате во Белград: Освоени вкупно 24 медали, од кои дури 5 златни!

Тале Кристо — Fri, 17 Jun 2022 10:27:45 +0000

Македонските натпреварувачи на WKDU (Wado Karate do Union) во Белград постигнаа неверојатен успех. Нашите натпреварувачи освоија 5 златни, 9 сребрени и 10 бронзени медали. -Фантастични резултати на WKDU (Wado Karate do Union) - Македонија, која освои 5 златни, 9 сребрени и 10 бронзени медали! Секоја чест!, стои во објавата на Фејсбук страницата на Светската Карате КОнфедерација.

Стефковски: Гази Баба има балкански првак во карате

Магдалена Андонова — Thu, 16 Jun 2022 11:45:21 +0000

Градоначалникот на општина Гази Баба Бобан Стефковски, денес во просториите на општина Гази Баба оддржа средба со Јован Врклевски и Ева Јовановска млади каратисти од општина Гази Баба, учесници на балканското првенство во карате. Јован Врклевски освоил златен медал и е балкански првак во карате категорија борби до 45 килограми, а Ева Јовановска освоила трето место и бронзен медал во карате категорија женски борби до 40 килограми. Градоначалникот Бобан Стефковски донесе Решение со кое за афирмација на општина Гази Баба и постигнување на меѓународен спортски успех на Јован и Ева ќе им се додели еднократна парична награда од буџетот на општина Гази Баба. За средбата градоначалникот Стефковски објави на својата официјална фејсбук страна.

Македонската репрезентација во традиционално карате на европскиот карате куп Унгарија опен во Будимпешта

Магдалена Андонова — Sat, 21 May 2022 07:42:56 +0000

Македонската репрезентација во традиционално карате денеска и утре ќе учествува на европскиот карате куп Унгарија опен во Будимпешта. За македонската репрезентација ќе настапат: Дејан Недев, Камелија Недев, Марта Димковска, Изабела Пренковска, Филип Недев, Ана Шаневска и Максим Поп Трпев. Натпреварите ќе се одржат во дисциплините кати и кумите поединечно и екипно по ЈКА правила. Како што наведуваат од МТКФ, овој натпревар ќе биде тест за македонските каратисти пред официјалниот ИТКФ светски шампионат што ќе се одржи во октомври 2022 година. (МИА)