каратисти – Kurir.mk

Македонските каратисти подготвени за Светското првенство

Ивона Петрова — Fri, 20 Oct 2023 11:22:09 +0000

Будимпешта од 24 до 29 октомври ќе биде домаќин на Светското првенство во карате на кое меѓу 1.100 натпреварувачи од 120 земји од пет континенти ќе настапат и 14 македонски каратисти. Пред новото големо натпреварување на кое ќе биде собрано елитното друштво, македонското карате со причина има големи очекувања од експедицијата предводена од освојувачот на сребрениот медал на Светското првенство 2021, Емил Павлов. По повод настапот на македонските каратисти на завршниот турнир во Унгарија, денеска во Агенцијата за млади и спорт (АМС) се одржа прес – конференција на која претседателот Наумче Мојсоски потсети дека каратето е меѓу најтрофејните македонски спортови и на репрезентативците им посака успешен настап. - Добив информација од челните луѓе на Федерацијата за успешно реализирана соработка на тренинг кампот во Охрид, карате елитата од Хрватска, и се надевам дека споделеното искуство ќе биде мотив плус за подобри резултати во Будимпешта. Посакувам на сите репрезентативци успешен настап на светското првенство, и секако сакаме повторување на остварениот медал на Емил Павлов и успешен настап на новите сениори во тимот, истакна директорот на АМС Наумче Мојсовски. На пресот свои излагања имаа селекторите Александар Кузмановски и Стојан Андриевски, како и вд претседателот на КФМ, Бесник Мурати. Павлов и дел од неговите репрезентативни колеги, Берат Јакупи, Петар Спасеновски, Вероника Костовска, порачаа дека физички и психички се подготвени за остварување на високи резултати, кои би дошле благодарение на одличните подготовки и позитивната атмосфера во тимот.

Одлична вест: Финале за каратистите Стефан Стојановиќ и Витомир Трајковски

Ивана Ефремовски — Fri, 28 Oct 2022 16:32:13 +0000

Одлични вести на третиот ден од Светското првенство за кадети, јуниори и помлади сениори У21 што се одржува во Коња, Турција. Нашите репрезентативци во категориите У21 кумите -84 кг на Витомир Трајковски и +84 кг на Стефан Стојановиќ успеаа да се изборат за финале на најелитното младинско карате првенство во светот. Витомир Трајковски во првиот круг го елиминираше натпреварувачот од Индија со резултат 8:0, во второто коло извојува победа со 3:0 против словенецот Јордан Тимотеј, во третиот круг го победи натпреварувачот од Катар со 2:1, во четвртиот круг против натпреварувачот од Азербејџан победи со 1:0 со што се пласираше во полуфиналето каде со 2:0 против натпреварувачот од Мароко успеа да се избори за финале. Стефан Стојановиќ во првото коло го победи гркот Карвоунис Сергиос со 2:0, во вториот круг извојува победа со 1:0 против натпреварувачот од Косово, во третиот круг извојува победа против американецот Едуард Сагилиан со 2:1, во четвртиот круг го победи босанскиот натпреварувач Анес Бостаџиќ со 2:1 со што и тој се пласираше во полуфиналето а по 4:0 над азербејџанецот Османли Осман исто така успеа да се избори за финале. Двете финалиња ќе се одржат во недела 30.10.2022 година.

Македонските каратисти со медал се враќаат од СП во Чиле

Ивона Петрова — Tue, 29 Oct 2019 07:07:52 +0000

Македонскиот каратист Бојан Костов го освои третото место и бронзениот медал на 11. Светско карате првенство за кадети, јуниори и постари јуниори У21, кое се одржа од 23 до 27 октомври во Чиле. Костов во категоријaта -52кг повторно до медал дојде по победите над натпреварувачи од Романија, Србија, Мароко, Индонезија и Русија. Единствено во полуфиналето беше 0-0, но по судиското изјаснување подобар беше противникот од Јордан, кој освои златен медал. Висок пласман оствари и нашиот најдобар млад натпреварувач во кати Александар Неделковски, кој се бореше за медал и заврши како 5-ти. Во конкуренција на помлади сениорски (У21) Ангела Мојсовска во категоријата -68кг исто така го освои петтото место. Вероника Костовска победи во првите три рунди, по што загуби од Русинката Ана Родина со 7:1 која не уепеа да влезе во финалето, а со тоа Костовска не доби шанса да учествува во репасаж во борба за медалите. Другите македонски каратисти имаа симболичен настап.

Каратистите на Макпетрол на силен турнир во Хрватска

Ристе Здравков — Fri, 28 Sep 2018 07:48:22 +0000

Каратистите на Макпетрол ќе учествуваат на еден од најсилните европски карате турнири Кроација Опен 2018 во Риека, Хрватска. Турнирот ќе се одржи од денес до 30 септември и на него ќе учествуваат 1.908 каратисти од 25 држави. Тренерот на Макпетрол Бошко Заборски изјави дека неговите избраници подготвени одат во Риека. - Овој турнир претставува почеток на есенската сезона која ќе биде напорна и тешка како никогаш до сега од причина што каратистите на Макпетрол се подготвуваат за три големи натпреварувања кои следат во наредниов временски период а тоа се: Светската 1 Премиер лига, Светското првенство и Државното првенство, вели Заборски. Во составот на Металург на „Кроација Опен“ ќе бидат: Петар Заборски, Петар Спасеновски, Давид Петков, Глигор Петков, Моника Пендаровска, Анѓела Мојсовска, Абдурахим Идризи и Давуд Рамадановски.

Македонија со седум каратисти на Балканскиот шампионат во Романија

Дарко Андоновски — Thu, 19 Apr 2018 09:33:21 +0000

Македонската репрезентација во традиционално карате од 20 до 22 април 2018 година ќе настапи на Обединетиот Балкански карате шампионат во Тарговиште, Романија. Македонија на ова првенство ќе ја претставуваат пет каратисти и две каратистки. Во машка конкуренција ќе настапат: Дејан Недев, Аљоша Недев, Матеј Ангеловски, Петар Костов и Димитар Витанов. На женскиот дел од турнирот боите на нашата земја ќе ги бранат Јана и Берта Милевски.