кардиологија – Kurir.mk

Вработен на кардиохирургија истепал медицинска сетрса

Тале Кристо — Mon, 18 Sep 2023 14:55:15 +0000

На 18.09.2023 околу 10.00 часот во СВР Скопје добиена е пријава од Клиниката за кардиохирургија дека С.Ј. (вработен во клиниката) вербално нападнал медицинска сестра, а потоа физички го нападнал М.Ш. (директор на клиниката), по што ја напуштил клиниката и самиот се пријавил во ПС Центар. Известен е јавен обвинител и се преземаат мерки за расчистување на настанот.

На Кардиологија не е ништо подобро од Онкологија: Пациентите оставени без Електростимулација!

Тале Кристо — Thu, 07 Sep 2023 17:41:39 +0000

Случајот со “Онкологија” каде организирано се крадела терапијата за болните од рак и истата се продавала на црниот пазар, не е изолиран случај на државната клиника. Извори на Радио Лидер од Клиниката за Кардиологија веќе подолго време јавуваат за слична пракса на оваа клиника, предводена од директорот Жан Зимбаков. Како што дознаваме, Зимбаков – кој важи за екстеремно близок до поранешниот министер Венко Филипче и семејството Заеви – веќе подолго време ги остава пациентите со сериозни срцеви заболувања, без нивната основна терапија со електростимулација. Како што претходно објавивме, бројни поплаки се испратени до Министерството за здравство, во кои вработените ги објаснуваат нерегуларностите во работењето поради кои трпат стотици пациенти. – Пациентите на кои им е потребна електростимулација се принудени чарето да го бараат на приватните клиники или во странство. Ова ги чини многу, а како што се зборува кај нас на клиниката директорот има разработено шема за проценти. – стои во писмо од лекар на Кардиологија до Министерството, до кое имаше пристап Радио Лидер. Затоа, како што се жалат докторите, не страдаат разработените бизнис шеми. -Директорот не потпишува за набавките за материјали за електростимулација, но затоа редовно се набавуваат материјали за методите кои тој ги применува. Целата клиника е впрегната за тој да собере што е можно повеќе искуство во одредени методи за оперирање а често се случуваат и злоупотреби со статистиките за одредени набавки. Трча по некакви европски сертификати за себе, додека ја запоставува целата клиника. Се ова е поради бизнис, додека сме оставени без некои од основните материјали. – стои во една од поплаките испратени до Министерството за здравство од еден од повидните доктори на клиниката. Радио Лидер откри дека доктори и персонал од клиниката за Кардиологија целосно незадоволни од функционирањето на клиниката бараат разрешување на директорот Жан Зимбаков. Како што дознаваме, од вработените биле испратени бројни писма со поплаки до Министерството за здравство затоа што, како што велат, на штета на пациентите клиниката не набавува основни материјали. -Директорот и заменикот не набавуваат основни материјали за извршување на дел операциите, па приморан сум пациентите да ги праќам на приватни клиники или во странство иако овде ја имаме најсофистицираната апаратура. – стои во едно од писмата до министерството за здравство до кое имаше увид Радио Лидер. Во писмото, докторот опишува и пример со конкретен случај. -Нашата клиника поседува најсофистицирани и скапо платени Мапинг системи за електростимулација на срцевите заболувања но не се набавуваат потребните материјали иако има постоечки тендер. Како последица од тоа, пациентите се принудени спасот да го бараат во странство каде што за истите интервенции се плаќа повеќе од десетина илјади евра. Колегите шпекулираат дека материјалите не се набавуваат поради нерешени бизнис релации на медицинскиот директор Жан Зимбаков и заменикот Бушлетиќ со добавувачите, поради наводно неисплатени проценти. Но не би навлегувал во тоа, факт е дека пациенти одат во странство иако истите зафати може да се извршат кај нас. – пишува докторот до министерството. Огромно незадоволство во јавноста предизвика случајот со “Онкологија”, но вработените на Кардиологија велат дека трпението им е при крај и токму тие ќе го поведат отпорот против нивниот директор. – Нема некоја голема разлика помеѓу тоа што се случува таму и тоа што се случува тука. На двете места станува збор за нелегален бизнис поради кој страдаат пациентите. – вели еден од нашите извори.

По пандемијата во Албанија се зголемиле приемите во болниците, најмногу во кардиологија и психијатрија

Ивана Ефремовски — Thu, 04 May 2023 12:12:44 +0000

Според податоците од мониторинг извештајот на Министерството за здравство и социјална заштита во Албанија, за 2022 година, вкупниот број на хоспитализирани пациенти изнесува 277.881 пациенти. По пандемијата Ковид-19 во 2022 година достигна најголем број хоспитализирани. -Лекарите предупредија дека по пандемијата ќе има зголемување особено на операциите на срце како бајпас и коронарни стентови, поради проблемите по Ковид-19 кои мора навреме да се третираат. Во 2022 година, најголем пораст на пациенти има кај пациенти кои се лекуваат на кардиологија-кардиохирургија и во психијатриските болници во Албанија. Приемите во клиниката за кардиологија во Тирана се зголемени за 23 отсто во однос на 2021 година, додека третманот на пациентите во психијатриските болници е зголемен за 17,5 отсто, јави Ора њуз. Потсетува дека психијатрите уште порано го поврзуваа трендот на зголемување на пациентите во овие болници со зголемувањето на употребата на наркотици од страна на пациентите кои ја напуштаат болницата по рехабилитација. За 2022 година, се зголемија скрининг тестовите за рак на дојка за 43 отсто во однос на претходната година. Додека радиотерапијата кај туморските заболувања е зголемена за 8,5 отсто. Онкологот Силвана Челику претходно за весникот " Монитор" рече дека поради страв од зараза со Ковид-19 во 2020-2021 година, многу жени се двоумеле да направат скрининг за рак на дојка и матка. Според неа, последиците ќе се почувствуваат по здравјето, бидејќи Ковид-19 спречи рана дијагностика и ризикува зголемување на смртноста кај заболените од разни видови тумори. -Во последните 8 години, периодот 2014-2022 година, најголем број на приеми во болниците има во 2019 година со 310.315 , а најмал број на хоспитализации има во 2014 година. (МИА)

Акција за подигнување на свеста за ризикот од кардиоваскуларни заболувања кај жените

Ивона Петрова — Tue, 29 Oct 2019 06:34:39 +0000

Подигнување на свеста за ризикот од кардиоваскуларни заболувања кај жените е целта на акцијата „Црвен аларм за женското срцево здравје”, што вечер ќе ја промовираат Универзитетската клиника за кардиологија, Здружението на матични и семејни лекари и Центарот за семејна медицина, а во рамки на одбележувањето на 29 Октомври, Светски ден на срцето. На промоцијата на акцијата, како што е најавено, ќе се обратат Елизабета Ѓоргиевска, сопруга на претседателот, проф. д-р Љубица Георгиевска – Исмаил, пациенти со кардиоваскуларни болести, а ќе проговорат и жените за значењето на кардиоваскуларното здравје…. Aкцијата се организира со цел да ја зајакне врската меѓу трите основни алки кои го чинат синџирот неопходен за успешна и навремена кардиоваскуларна превенција: пациентите, матичните и семејни лекари и кардиолозите. Во рамки на акцијата во текот на ноември и декември и јануари 2020 година, избрани матични и семејни лекари од територијата на град Скопје ќе вршат кардиоваскуларен скрининг на жените без докажана кардиоваскуларна болест. Целна популација се жените во работоспособна возраст, до 65 години со недокажана кардиоваскуларна болест. Жените со среден и висок ризик ќе бидат упатувани на превентивни кардиолошки прегледи на Клиниката за кардиологија. Резултатите од кардиоваскуларниот скрининг ќе бидат презентирани пред стручната јавност и публикувани во медицинските и електронските медиуми, информираат од Клиниката. Покровител на акцијата, на која се очекува присуство на истакнати жени од областа на медицината, јавниот живот и дипломатскиот кор, е фармацевтската компанија Алкалоид АД Скопје. Во промотивните активности се вклучува и Здружението на пациенти со кардиоваскуларни болести „Здрава иднина”, информираат од Клиниката и додаваат дека ќе организираат и други настани до крајот на годинава и на почетокот на идната година, кои ќе финишираат на 1 февруари на Денот на одбележувањето на женското срцево здравје.

Драма во Клинички центар: Медицински сестри се степаа на Кардиологија

Ивана Ефремовски — Fri, 28 Dec 2018 13:47:26 +0000

На 27.12.2018 година во 08:20 часот било пријавено дека во Клиниката за кардиологија при комплекс клиники „Мајка Тереза“ поради претходно меѓусебно недоразбирање бил нарушен јавниот ред и мир со физичка пресметка меѓу М.Т.(47) и Д.Р.(41) и двете од Скопје. Двете биле вработени како медицински сестри. По преземени мерки против лицата е поднесен соодветен поднесок.

Клиниката за кардиологија осветлена во црвено за Светскиот ден на срцето

Ивана Ефремовски — Mon, 01 Oct 2018 19:29:13 +0000

Под мотото „И моето срце, и твоето срце“, Универзитетската клиника за кардиологија во Скопје го одбележува Светскиот ден на срцето - 29 Септември. Одбележувањето на Светскиот ден на срцето е со цел да се подигне свеста кај граѓаните за значењето на крадиваскуларните заболувања, кои се водечка причина за смртност ширум светот, но и кај нас. - Лани починале околу 11.000 луѓе во нашата земја и врз основа на тоа ја направивме Стратегијата за унапредување на јавното здрваје, пред се, се однесува на препораки за здрава исхрана, за физичка активност, кои се насочени кон младите луѓе, рече министерот за здравство Венко Филипче, кој вечерва ја посети Клиниката за кардиологија. Најави дека со директорот на Универзитетската клиника за кардиологија Жан Зимбаков активно работаат и планираат набавка на нова опрема, ехо апарати. Додаде дека разговарале и за замена на едниот ангиограф во салата, а можно е да се заменат и останатите. Филипче најави дека се планира да се реновира објектот на Клиниката за кардиологија. - Планираме да ја сместиме и детската кардиохирургија и да стане ова еден Центар за срце. Планираме и понтамау да ја промовираме едукацијата. Да се подобри едукацијата во областа на кардиохирургијата со експерти од страна, а постојаната експертиза на Клиниката за кардиологија да ја дисперзираме низ сите центри во нашата држава и тоа да стане една промоција на Националната стратергија за третман на срцевите болести, рече Филипче. Директорот Зимбаков ја нагласи превенцијата и сугерираше дека таа треба да почне токму од нас, од самите себе. - Алелираше до сите луѓе да дадат ветување на своето срце барем за една здрава навика, дали е тоа зголемена физичка активност, внес на здрава храна, намалување на телесната тежина, откажување од некои лоши навики, како пушењето цигари, редукација на сол во исхраната..., рече Зимбаков. Тој информира дека одбележувањето на Светскиот ден на срцето го почнале со активности од 29 септември, кои ќе траат до 7 октомври. Активностите се од информативен карактер во консултација со медицинскиот персонал и ќе се дели печатен информативен матетријал. Неделата ќе се заокружи со настан на 7 октомври во скопско кафуле, каде средствата кои ќе бидат собрани ќе бидат дадени во хуманитарни цели. На актерот Александар Микиќ, кој беше избран по случаен избор, му беа извршени основните кардиолошки неинвазивни прегледи. - Срцето мора да се одржува здраво, особено ако сакате некому да го подарите. Затоа јас редовно одам на лекар и го прегледувам своето срце, изјави Микиќ. Осветлувањето на зградата на Клиниката за кардиологија во Скопје во црвено, во траење од два часа, е само една од предвидените активности во рамки на одбележувањето на Светскиот ден на срцето.