Карен Донфрид – Kurir.mk

Заменик-државниот секретар на САД Карен Донфрид денеска и утре во посета на Бугарија

Магдалена Андонова — Wed, 18 May 2022 07:30:42 +0000

Заменик-државниот секретар на САД за европски и евроазиски прашања Карен Донфрид денеска и утре ќе престојува во Софија на серија средби на кои ќе се потврди силното билатерално партнерство меѓу САД и Бугарија, се вели во соопштението на американскиот Стејт департмент. За време на нејзината посета, Донфрид ќе се сретне со високи бугарски владини претставници и лидери на политички партии за да разговараат за голем број клучни прашања, како што се билатералната безбедносна соработка, унифицираниот одговор на НАТО на неиспровоцираната војна на Русија против Украина и посветеноста на САД за зајакнување на енергетската безнедност на Бугарија, напорите за борба против корупцијата и други регионални прашања. Американскиот потпретседател Камала Харис, американскиот државен секретар Ентони Блинкен, советникот за национална безбедност на Белата куќа Џејк Саливан и заменик-државниот секретар за политички прашања Викторија Њуланд се сретнаа со премиерот Кирил Петков за време на посетата на Вашингтон на 9 и 10 мај. Во март, американскиот секретар за одбрана Лојд Остин ја посети Бугарија, а во февруари во Софија беше и советникот на Стејт департментот Дерек Шоле, се вели во соопштението. Посетата на Донфрид ќе се надоврзе на овие неодамнешни контакти и ќе го отвори патот за следниот американско-бугарски стратешки дијалог подоцна оваа година, соопшти Стејт департментот.

Донфрид: Иднината на Северна Македонија е во Европската Унија

Ристе Здравков — Thu, 28 Apr 2022 12:06:41 +0000

Иднината на Северна Македонија е во Европската Унија – ова денеска во Скопје го порача американскиот помошник државен секретар за европски и евроазиски прашања. Карен Донфрид, која е прв висок претставник на Вашингтон што доаѓа во земјава по почетокот на руската агресија врз Украина, на средбите со државно владиниот пренела дека САД ќе продолжат да го поддржуваат пристапувањето на Северна Македонија кон Унијата. Според неа, ова прашање предолго се одолговлекува. „Силно ги поддржуваме вашите европски аспирации и сакаме што е можно побрзо одржување на меѓувладината конференција на ЕУ со Северна Македонија и Албанија. Предолго ова прашање се одолговлекува. Вие ја завршивте тешката работа, ги преземавте непотребните реформи и заслужувате брзо да напредувате. Веќе кажавме и пак ќе кажеме – иднината на Северна Македонија е во ЕУ. Вашето пристапување ќе донесе поголема стабилност на Балканот и поголем просперитет на Европа“, вели Карен Донфрид, помошник државен секретар на САД за европски и евроазиски прашања. Не прецизираше како американската администрација конкретно ќе помогне имајќи предвид дека зад европската блокада стои Бугарија, членка и на НАТО и на Унијата. Побара продолжување на реформите за кои кажа дека има уште работа. Се заблагодари за придонесот на државата за регионалната стабилност, како и за поддршката на Украина за што земјата ја стави во редот на, како што рече, бранители на демократијата и човековите права. Проценките на шефот на македонската дипломатија, Османи, се дека сега е вистинско време ЕУ да преземе чекори за деблокада што би довело до одржување на првата Меѓувладина за време на француското претседателство. „Војната во Украина демонстрираше јасна потреба од внесување нова динамика во евроинтеграциите на Западен Балкан. Проширувањето на ЕУ претставува и безбедносна политика и оттука членството на регионот во Унијата е од суштинска важност за регионалната и европската стабилност. Никој од нас нема време за губење. Отсуство на напредок ќе има сериозни последици за нашата држава и за регионот, но и отвора простор за влијанија од трети земји поради што забрзувањето на евроинтеграциите има гео стратешко значење и за нашите партнери“, рече министерот за надворешни работи Бујар Османи. Донфрид и Османи потврдија дека на 2-ри јуни во Вашингтон ќе се одржи стратешки дијалог меѓу САД и Македонија, што се толкува како силен знак за продлабочување на меѓусебното партнерството и чекор за зајакнување на американското присуство во регионот.

Стратешки Дијалог меѓу Македонија и САД на 2 јуни

Ристе Здравков — Thu, 28 Apr 2022 11:54:54 +0000

Министерот за надворешни работи, Бујар Османи, денес оствари средба со помошникот државен секретар на САД за европски и евроазиски прашања, Карен Донфрид, која беше придружувана од заменик помошникот државен секретар и специјален претставник на САД за Западен Балкан, Габриел Ескобар. На средбата, министерот Османи изрази благодарност за континуираната поддршка од САД за реализација на нашите стратешки цели, притоа истакнувајќи ја значајната улога на нашите американски пријатели за постигнување на долгорочна стабилност, демократизација и просперитет на земјава и регионот како целина. “Денес договоривме зајакнување на нашето стратешко партнерство преку претстојниот Стратешки дијалог меѓу Северна Македонија и САД, што ќе се одржи на 2-ри јуни, во Вашингтон. Нам ни претставува посебна чест што Северна Македонија ќе стане прва земја од Западен Балкан која отвара стратешки дијалог со САД, преку кој ќе се продлабочи нашето стратешко партнерство и поконкретно ќе се врами нашата билатералната соработка.” – истакна Османи. Соговорниците се согласија дека војната во Украина демонстрираше јасна потреба и за внесување нова динамика во евроинтегративните процеси на земјите од Западен Балкан, со што ќе се потврди кредибилноста на ЕУ и ќе се охрабрат процесите за надминување на разликите и помирување во Регионот. “Процесот на проширување на ЕУ претставува безбедносна политика и оттука членството на регионот во Унијата е од суштинска важност за регионалната и европската безбедност и стабилност. Северна Македонија е европска земја и лојален партнер со значителен напредок во реформските процеси. Затоа, цениме дека сега е вистинското време за Европската унија да го исполни својот дел од задачата и да го деблокира нашиот пристапен процес преку усвојување на преговарачката и одржување на првата Меѓувладина конференција за време на Француското претседателство.”- нагласи Османи На средбата страна збор и за актуелните безбедносни предизвици, при што беше упатена заедничка осуда на руската воена инвазија во Украина, како и силна поддршка и солидарност со украинскиот народ.

Помошник државната секретарка Донфрид во посета на Македонија

Ивона Петрова — Thu, 28 Apr 2022 05:28:47 +0000

Помошник државната секретарка на САД за европски и евроазиски прашања Карен Донфрид денеска ќе ја посети Северна Македонија во рамки на која ќе оствари средба со претседателот Стево Пендаровски, премиерот Димитар Ковачевски, министерката за одбрана, Славјанка Петровскаи и со нејзиниот домаќин, министерот за надворешни работи, Бујар Османи. Како што соопшти МНР, во фокусот на разговорите се очекува да бидат билатералните односи меѓу двете земји, евроинтеграциските перспективи на Северна Македонија, соработката во НАТО и актуелните состојби во земјава и регионот. По средбата во МНР, Донфрид и Османи ќе одржат заедничка прес-конференција. Посетатата на Донфрид на Скопје е во рамки на нејзината турнеја низ земјите од Западен Балкан. Како што соопшти Стејт департментот, Донфрид во Скопје ќе има средби со функционерите на земјава при што ќе изрази силна поддршка за преговорите на земјата за влез во ЕУ и ќе се заблагодари за помошта за Украина. Таа ќе ја повика Северна Македонија, како најнова членка на НАТО, да ја продолжат блиската соработка за низа регионални, безбедносни и одбранбени прашања за промовирање на демократијата и регионалната стабилност. Дел од турнејата на Донфрид на Западен Балкан се и Албанија, Босна и Херцеговина, Црна Гора, Србија и Косово, од каде на 25 април ја започне посетата на регионот. Донфрид доаѓа во Северна Македонија еден ден по посетата на Скопје на еврокомесарот за проширување Оливер Вархеји, кој на средбите со државниот врв во земјава порача дека се посветени да ги продолжат напорите за почеток на преговори со Северна Македонија пред завршувањето на француското претседателство со Европската Унија. Вархеји во Скопје дојде од Софија каде си замина со истата порака – прашањето за почеток на преговорите на Северна Македонија со ЕУ да се реши до крајот на франуцското претседателство, во јуни.

Утре средба Пендаровски-Донфрид

Ивона Петрова — Wed, 27 Apr 2022 12:13:57 +0000

Претседателот Стево Пендаровски, утре ќе оствари средба со Карен Донфрид, помошник државен секретар на САД за европски и евроазиски прашања. Како што најавуваат од Кабинетот на Пендаровски, средбата ќе се одржи во 12:15 часот. Посетата на Македонија на Донфрид е во рамки на нејзината турнеја низ државите од Западен Балкан. Како што соопшти Стејт департментот, Донфрид во Скопје ќе има средби со функционерите на Македонија, при што ќе изрази силна поддршка за преговорите на земјата за влез во ЕУ и ќе се заблагодари за помошта за Украина. Таа ќе ја повика Северна Македонија, како најнова членка на НАТО, да ја продолжат блиската соработка за низа регионални, безбедносни и одбранбени прашања за промовирање на демократијата и регионалната стабилност. Дел од турнејата на Донфрид на Западен Балкан се и Албанија, Босна и Херцеговина, Црна Гора, Србија и Косово од каде на 25 април ќе ја започне посетата на регионот.

Карен Донфрид посредник во спорот меѓу Украина и Русија

Тале Кристо — Sun, 12 Dec 2021 08:52:34 +0000

Американскиот помошник државен секретар за европски прашања, Карен Донфрид, следната недела ќе ги посети Украина и Русија за да разговара за воените тензии на границата меѓу двете земји, соопшти вечерва американското Министерство за одбрана. Донфрид од понеделник до среда ќе престојува во Киев и Москва, а со претставниците на земјите домаќини ќе разговара за посветеноста на САД на суверенитетот, независноста и територијалниот интегритет на Украина, се наведува во соопштението на Пентагон. Таа ќе „инсистира на можностите да се постигне дипломатски напредок за да заврши конфликтот во Донбас, во источна Украина, со спроведување на мировниот договор усвоен во 2015 година во Минск“. САД, НАТО, ЕУ и Украина веќе неколку недели ја обвинуваат Русија дека трупа свои војници на границата со Украина со цел да се подготви за напад. Кремљ тоа во неколку наврати го демантираше. По Киев и Москва, Донфрид ќе замине за Брисел каде ќе има консултации со европските и НАТО сојузниците.