Кари – Kurir.mk

СОЧНО ПИЛЕШКО СО КАРИ И КРОМИД! Прсти да излижете!

Магдалена Андонова — Thu, 30 Jun 2022 14:01:07 +0000

Ова е познато иранско јадење, а оригиналот вклучува ореви (печени и мелени), кои можете да ги додадете и во вашето јадење. Можеби звучи чудно, но кромидот и калинката во комбинација со одбрани зачини даваат апсолутно неодолив вкус кој тешко се заборава… Уживајте! Состојки: килограм батак со карабатак една лажичка кардамом две лажици масло поголема главица кромид половина чаша бело вино мајчина душица чаша бобинки од калинка сол, бибер Подготовка: Измешајте кардамом, мајчина душица, сол и бибер, па со добиената смеса добро истријте го месото. Загрејте го маслото во тава, па пропржете го кромидот исечкан на ребра. Додадете го месото, пржете додека не порумени од сите страни, па прелијте со виното. Додадете ја калинката, промешајте, префрлете во рерна загреана на 200 степени и печете 20-25 минути.

Пилешко со кари! Ручек за сите гурмани

Ристе Здравков — Wed, 01 Jun 2022 08:18:11 +0000

Можете да направите пилешко на многу начини, а ние ви предлагаме специјалитет со кари Состојки: 400 гр пилешко филе лажица брашно три лажички кари во прав 300 мл пилешка супа од коцка 200 мл павлака за готвење масло магдонос сол, бибер Подготовка: Пилешкото се сече на коцки, се посолува и се пржи на масло. Се трга во чинија, па на исто масло како и прженото месо се пропржува брашното, се додава карито и се прелева со супата. Гответе неколку минути со постојано мешање за да нема грутки. Додадете ја павлаката, а кога ќе зоврие, вратете го испрженото пилешко. Додадете бибер по вкус и сол, промешајте и оставете на оган да се соединат вкусовите. Послужете го пилешкото со сос од кари со варен ориз.

Девет „тројки“ и 38 поени на Кари во триумфот на Голден Стејт

Тале Кристо — Sat, 09 Jan 2021 09:30:41 +0000

Кошаркарите на Голден Стејт триумфираа синоќа на домашен терен над Лос Анџелес клиперс, откако со помош на феноменалниот Стеф Кари се вратија од негатива од 20 поени за конечни 115:105. Кари имаше уште блескава шутерска вечер во својата кариера, постигнувајќи 38 поении, од кои девет „тројки“, а додаде и 11 асистенции. НБА резултати од ноќта меѓу петокот и сабота: Милвоки – Јута 118:131 Голден стејт – Лос Анџелес клиперс 115:105 Детроит – Феникс 110:105 (по продолжение) Бостон – Вашингтон 116:107 Њујорк – Оклахома 89:101 Њу Орлеанс – Шарлот 110:118 Хјустон – Орландо 132:90 Мемфис – Бруклин 115:110 Лос Анџелес лејкерс – Чикаго 117:115 Сакраменто – Торонто. 123:144.

Кари за време на натпревар дозна дека е заразен со коронавирус

Тале Кристо — Fri, 08 Jan 2021 09:35:14 +0000

Кошаркарот на Филаделфија, Сет Кари, дознал за позитивен тест за коронавирус за време на натпреварот против Бруклин (109:122) одигран ноќеска во Њујорк, објави новинарот на телевизискиот канал „ЕСПН“ Адријан Војнаровски. Првата четвртина Кари ја помина на клупата, по што мораше итно да ја напушти арената и да замине во самоизолација. Во меѓувреме, за заразени со коронавирус соопшти и НБА лигата. – Четворица НБА играчи добиле позитивни резултати како резултат на тестирање на коронавирус од 30 декември 2020 година, стои на веб-страницата на лигата. Имињата на заразените не се именуваат, но тие се изолирани. Вкупно 498 играчи се тестирани од 30 декември досега.

Повредата на Кари не е сериозна

Тале Кристо — Thu, 07 Jan 2021 12:47:25 +0000

Тренерот на Голден Стејт, Стив Кер, извести за состојбата на првата ѕвезда на тимот Стеф Кари, кој го повреди скочниот зглоб на крајот на мечот со Клиперс (101:108) одигран рано утрово. – Кари ми кажа дека повредата не е сериозна. Сепак, останува да се извршат медицински прегледи за да бидеме сигурни. Се надевам дека во многу скоро време ќе се врати на теренот, изјави Кер. Кари помина 35 минути на паркетот против Клиперс. Триесет и двегодишниот кошаркар постигна 13 поени.