кариера – Kurir.mk

„Меси донесе важна одлука за кариерата, една работа е сигурна“

Ристе Здравков — Fri, 10 Mar 2023 08:55:40 +0000

Лионел Меси влегува во последните три месеци од договорот што го има со ПСЖ, Аргентинецот се уште нема решено каде точно ќе настапува наредната сезона, но според каталонскиот весник „Ел Мундо Депортиво“, големиот ас донел многу важна одлука за својата кариера. Имено, Меси пресекол околу дестинацијата и решил да остане во Европа, одбивајќи ги притоа понудите на клубови од Саудиска Арабија, Катар и од американската МЛС-лига. „Меси донесе важна одлука за кариерата. Една работа е сигурна, тој нема да го следи Кристијано Роналдо со трансфер надвор од Европа. Се чувствува подготвен да продолжи да игра на највисоко ниво и тоа ќе го докаже и во наредната сезона“, пишува Ел Мундо Депортиво во своето денешно издание. Барселона се споменува како најверојатна дестинација, но според каталонскиот весник тоа се уште не е сигурна работа. Меси се уште им дава приоритет на преговорите за нов договор со ПСЖ, но и чека да види како ќе се одвива ситуацијата во францускиот првак, пред се околу иднината на Килијан Мбапе, но и на неговиот добар пријател Нејмар кого клубот сака да го продаде. Иако Барса останува опција, ако Меси стане слободен на пазарот големи се шансите во офанзива за негов потпис да тргнат и клубови од Премиер-лигата, Пеп Гвардиола со Манчестер Сити, потоа Челси и Манчестер Јунајтед.

СИТУАЦИЈАТА СО БОЛКИТЕ МУ СЕ ВЛОШУВА : Рибери официјално ја заврши фудбалската кариера

Дарко Андоновски — Fri, 21 Oct 2022 16:23:34 +0000

Поранешниот француски репрезентативец Франк Рибери објави дека става крај на професионалната кариера на 39-годишна возраст. -Болките во коленото само се влошуваа и докторите се јасни: веќе немам избор, морам да престанам да играм. Така што, морам да ставам точка на својата кариера, порача Рибери во видеоснимка која денеска ја објави на социјалните мрежи. Во текот на кариерата која траеше повеќе од две децении, Рибери настапуваше за Булоњ, Олимпик Але, Брест, Мец, Галатасарај, Олимпик Марсеј, Баерн Минхен, Фиорентина и Салернитана. Најголем печат остави во дресот на Баерн кој о носеше од 2007 до 2019 година и во тој период освои 23 трофеи. За француската репрезентација одигра 81 натпревари од дебито во 2006 година и постигна 16 голови.

Светот му се поклонува, а големите ракометни имиња сонуваат да го достигнат неговиот успех, НАЈГОЛЕМИОТ меѓу ГОЛЕМИТЕ испиша историја која тешко се достигнува

Ристе Здравков — Tue, 07 Jun 2022 10:01:33 +0000

Ракометните терени уште долго време нема да видат голгетер како нашиот Кирил Лазаров. По две децении македонската легенда заминува во пензија и зад себе остава кариера која е на рамниште на најголемите ѕвезди во историјата. 41-годишникот секогаш бил пример за помладите, неговата професионалност му овозможи долго време да решета мрежи на терените, а желбата за успех го однесе до најголемите височини кои може да се достигнат во ракометот. Иконата на македонскиот спорт заминува како најдобар стрелец во историјата на Лигата на шампионите. Тој прв ја раситна „илјадарката“ и до крајот на оваа сезона постигна повеќе од 1.300 погодоци. Голгетери како Никола Карабатиќ, Микел Хансен, Тимур Дибиров и Момир Илиќ му гледаат во грб на актуелниот селектор на македонската сениорска репрезентација. Долго време ќе се памети и неговата фантастична игра на Светското првенство во 2009 година. Рекордните 92 гола и натаму го држат на врвот и тешко е да се верува дека во блиска иднина тоа ќе се промени. Македонија секогаш се потпирала на неговиот талент, па затоа секогаш ќе му биде благодарна за секој гол, емоција и успех на големите натпреварувања. Но, не го слават само македонските фанови, туку целиот ракометен свет денес му се поклонува на единствениот Кирил Лазаров.

Саша Матиќ слави 20 години кариера: Сега открива што би променил ако може да го врати времето

Ивана Ефремовски — Thu, 31 Mar 2022 13:09:36 +0000

Во радио „Пинк“ денеска гостуваше легендарниот фолк пејач Саша Матиќ. Освен што се слушаа неговите најголеми хитови и хитови од новиот албум „Два живота“, тој проговори за сите актуелни настани од неговиот живот и кариера. На својот нов албум Саша објави дует со регионалната поп ѕвезда Јелена Розга. Песната „Ти и јас“ наиде на позитивни реакции кај публиката, а верните слушатели на радиото „Пинк“ можеа да ја слушнат и попладнево. -Оваа година славиме 20 години кариера. Имам многу работа, но кога човек е добро организиран, секогаш има време за себе. Денот го започнувам во 9 часот, во 10:30 тренирам, малку вежбање. Деновиве повеќе сум приврзан за домот од вообичаено, вели Саша. -Го сакам животот, кога ќе се разбудам наутро да не слушам лоши вести и ништо не ми недостасува, имам причина да бидам среќен и задоволен. Сè ме мотивира. Љубов, музика, живот, пријатели, семејство. Нема причина да кажам дека не можам повеќе. Единственото нешто што би го променил е, можеби би направил на почетокот подобар избор на соработници, мислам на мојот тим, на менаџерите. Би го направил овој избор што го имам во последните 11 години. Богатство е кога можам да го исклучам телефонот кога сакам и никој да не ми каже “еј си бил исклучен“, знам дека се работи како часовник и кога јас не сум таму, призна Саша Матиќ за Пинк радио.

Дали вашиот датум на раѓање има некаква врска со вашата избрана кариера?

Магдалена Андонова — Sun, 13 Mar 2022 14:17:00 +0000

Неделно попладне е, пиете кафе или го јадете омилениот десерт, а додека пребарувате по весници или сурфате на Интернет, веројатно, како и повеќето луѓе, ве заинтригира „што има да каже хороскопот“. Без разлика дали верувате во тоа или не, многу луѓе се забавуваат читајќи одредени изјави или предвидувања, додека патем „проверуваат“ колку слични особини на личноста имаат со другите, родени во ист знак. Дали знаете што е ефектот Форер? Овој термин претставува тенденција да се процени некои тврдења како „исклучително точни и вистинити за нас лично“, иако тие може да се однесуваат на голем број луѓе. Порталот Пинквил неодамна објави интересен напис за корелацијата помеѓу жената и бизнисот, односно кариерата, врз основа на нивниот датум на раѓање, т.е. Хороскопски знак. Погрижете се да припаѓате на овој „шаблон“. OВЕН Жените родени во овој знак (21.03 – 20.04) „треба“ да бидат енергични, топли, ентузијастички и полни со самодоверба. Идеални професии се: претприемачи, спасители во вода, работа во трговија или ангажирање во политика, на пример, владини службеници. БИК Жените родени во овој знак (21.04 – 20.05) наводно се упорни, реални, организирани и одлучни, а најмногу ги избираат следните професии: право и сметководство, инженерство, јавно говорење, планирање на свадби, работа за прием. БЛИЗНАЦИ Дали сте „типичен“ близнак? (21 мај - 21 јуни). Овие жени се карактеризираат со доблести како што се интелигенција, мудрост, љубопитност. Професиите со кои најчесто се занимаваат се односи со јавност, туризам, маркетинг, а често се и наставници. РАК Жените родени во овој знак (22.06 – 22.07) важат за дарежливи, грижливи, но и чувствителни. Можеби најдобрите деловни средини за нив се: социјална работа, човечки ресурси, психологија, медицина. ЛАВ Доколку сте родени помеѓу 23 јули и 23 август, идеални професии / функции за вас би биле: менаџмент, извршен директор, агент за недвижности, политичар. „Лавовите“ се шармантни, весели, амбициозни и креативни, барем според порталот Пинквил. ДЕВИЦА Жените родени во овој знак (24.08 – 23.09) „треба“ да бидат практични, аналитички, вредни, многу добро организирани. Со еден збор - перфекционисти. Идеални професии: писател, уредник, учител, критичар, дизајнер. ВАГА Жените родени во овој знак (24.09 – 23.10) се наводно социјални, шармантни и елегантни и со задоволство избираат работни места во областа на организацијата, туризмот, архитектурата. СКОРПИЈА Дали се пронаоѓате во карактеристиките кои го карактеризираат овој знак? (24 октомври - 22 ноември). Тоа се сила, снаодливост, интелигенција, одлично познавање на човечкиот ум. Жените родени во овој знак често избираат да бидат правници, научници, лекари. СТРЕЛЕЦ Ако сте родени помеѓу 23 ноември и 21 декември, можеби ги имате овие квалитети: слободно време, активност, радосен дух. Идеални деловни опции: уредник, односи со јавноста, хотелски менаџмент. ЈАРЕЦ Жените родени во овој знак (22 декември – 20 јануари) по правило се амбициозни, одговорни, перцептивни, упорни и рационални. Тие се „родени“ да бидат банкари, уредници, администратори. ВОДОЛИЈА Станува збор за хороскопски знак (21.01 – 19.02) кој се карактеризира со великодушност, љубопитност, креативност, но и тврдоглавост. Жените водолија имаат тенденција да избираат работни места поврзани со наука, иновации, музика. РИБИ Жените родени во овој знак (20.02 – 20.03) се сметаат за мудри, креативни, страсни, сочувствителни или со еден збор – тие во душата се уметници. Најчесто се занимаваат со уметност, но избираат и професии како психолог или социјален работник.

Softeligence почна со вработување ИТ експерти

Super Admin — Mon, 31 Jan 2022 13:07:24 +0000

Технолошката компанија специјализирана за дизајнирање и испорака комплексни решенија и интегрирани платформи водени од податоци и вештачка интелигенција Softelligence почна со вработување на ИТ експерти од разни области. Огромниот број работни позиции може да се погледнат и сите заинтересирани лица може да ги следат активните огласи за работа на интернет страницата https://www.softelligence.net/job-openings/ или на официјалната Facebook страна https://www.facebook.com/softelligence.mk/ на компанијата. Во моментов, компанијата бара Аналитичар за интеграција на податоци (Data Integration Analyst), Консултант за Power BI (Business Intelligence), Инженер за контрола на квалитет (Quality assurance), Експерт за Scrum (Scrum е програма за менаџирање на процесите и работењето при работа со софтвери), Инженер за .Net софтвер (.Net Software Engineer), потоа Salesforce програмер (Salesforce е еден од најпознатите CRM софтвери), Инженер за автоматизација за контрола на квалитет (QA Automation Engineer ) и други отворени работни позиции. Нејзиниот основач Адриан Блидарус наведува дека се потребни програмери, развивачи на софтвер, инженери за софтвер и податоци, архитекти за решенија, научници за податоци, лидери на тимови, проект менаџери и многу повеќе. Според него, компанијата се фокусира на .NET и технологијата поврзана со податоци (Data Science), класичната (SQL) и најсовремената (Big Data, NoSQL, data lakes). „Најчесто бараме луѓе кои имаат цврста основа во софтверското инженерство и работно искуство поврзано со „cloud“ (облак) технологиите. Ќе ги поддржиме и обучуваме да стекнат повеќе знаења и да се сертифицираат. Ова е нешто од кое сите имаат корист: нашите нови колеги, нашиот постоечки тим, компанијата и македонската ИТ индустрија, бидејќи знаењето останува кај луѓето“, објаснува Блидарус. Softelligence основаше фирма во Северна Македонија и најави дека ќе инвестира милион евра и ќе отвори сто работни места за ИТ професионалци преку изградба на Центар за испорака во Скопје. Според престижниот Financial Times FT1000, компанијата е еден од лидерите за раст на регионот во Централна и Источна Европа во областа на информатичката технологија. Предвидените милион евра, компанијата ќе ги вложи во обезбедување одлични услови за работа, пристап до најнова технологија, обуки и специјализирани курсеви за македонските колеги, кои ќе припаѓаат на голема група технолошки мајстори и ќе решаваат витални проблеми за глобални клиенти. Исто така, компанијата нуди решенија и на секоја банка, заемодавач, закупувач, осигурител, MGA или брокер ширум светот, но тоа значи дека секоја таква компанија во Северна Македонија ќе може да има корист од нашите решенија. Softelligence има седиште во Лондон, Обединетото Кралство и има два центри за испорака во Букурешт и Крајова, Романија. Компанијата е основана во 2006 и е рангирана меѓу првите 150 најбрзо растечки технолошки компании во Европа од страна на Financial Times. Softelligence има долготрајни партнерства со Microsoft, Instanda, FintechOS, Databricks и други воспоставени провајдери на технологија и платформи. Сегашни клиенти вклучуваат компании-членки на Erste Group, Vienna Insurance Group, TBI Bank, како осигурителните гиганти Beazley и Howden Group.

Џонсон Мети останува партнер во професионалниот развој на студентите

Super Admin — Thu, 20 Jan 2022 09:56:51 +0000

Четириесетина студенти од технички факултети неодамна ја посетија фабриката Џонсон Мети во Македонија. Студентите се запознаа со процесот на производство и со опремата со која располага компанијата во слободната индустриска зона Бунарџик.

„Преку посетата се стекнав со ново практично искуство кое ми оди во прилог на моите студии на Машинскиот факултет, посебно од областа на роботиката што е широко применета во производниот погон и има простор за дополнително подобрување. Се запознав и со начините на кои една компанија може да го подобри своето производство со примена на почисти технологии или со третман на отпадните материи пред нивно испуштање во околината, што за мене како студент по енергетика и екологија е од особено значење. Вработените воспоставија коректен однос со нас кој не приближи до материјата од интерес и овозможи внатрешен поглед на производствените процеси и пример за секојдневните практики на компанијата. Од голема едукациска значајност претставува ваквата можност за соработка помеѓу една вистинска компанија и студентите, кои се стремиме еден ден да станеме дел од едно вакво опкружување и работа“, вели Бисера Мишевска, студент од четврта година на Машинскиот факултет во Скопје.

За нејзината колешка од прва година, Паола Укајдари, најголем впечаток при посетата на компанијата и оставил фактот што целта на производството во Џонсон Мети е подобрување на животната средина.

„Досега не сум имала прилика да влезам во фабрика која користи најмодерна технологија. Моето присуство ги потврди очекувањата кои ги имав и навистина сум воодушевена што постои ваков објект во мојата земја. Секако тоа и ме мотивираше да ги совладам моите студии што побргу за да можам да бидам дел од тимот во Џонсон Мети. Најголем впечаток ми остави целта на производството - подобрување на животната средина. Огромна благодарност до Џонсон Мети“, вели Укајдари.

Во обиколката на фабриката, студентите од Машинскиот факултет, од Факултетот за електротехника и информациски технологии и од Факултетот за информациски науки и компјутерско инженерство при Универзитетот „Св. Кирил и Методиј“ во Скопје, беа придружувани од менаџмент тимот и од инженери, кои детали ги објаснија стручните аспекти на производството и одговараа на различни прашања на студентите.

„Се радуваме на големиот број студенти кои ја посетија фабриката. Како општествено одговорна компанија, остануваме посветени на студентите, партнер во нивниот професионален развој, пред се во стекнувањето практични вештини и знаења“, објаснува Александра Симоновска, партнер за пронаоѓање таленти во Џонсон Мети.

* * *

Британската компанија Џонсон Мети ја користи науката за да создаде почист, поздрав свет. Тие се светски лидер во производство на катализатори за автомобилската индустрија и системи на катализатори за контрола на загадувањето. Џонсон Мети работи во над 30 земји ширум светот и вработува повеќе од 15 000 луѓе. Една третина од сите нови возила ширум светот имаат катализатори од Џонсон Мети. Џонсон Мети ја одбра Северна Македонија како дестинација за својата европска мега-фабрика за автокатализатори во Технолошко-индустриската развојна зона Скопје 1. Ова е најголемиот инвестициски проект, а воедно и најсофистицирана и најнапредна фабрика на Џонсон Мети во светот и компанијата е најголем извозник од Северна Македонија. Џонсон Мети минатата година ја затвори со 1.696 милиони евра увоз и 1.850 милиони евра извоз. Џонсон Мети во Северна Македонија вработува повеќе од 1.000 луѓе. Ја инспирираме науката, го подобруваме животот.

Заев: За Скопје ја ставам на коцка мојата лична кариера – Арсовска да се повлече веднаш

Тале Кристо — Wed, 27 Oct 2021 08:08:35 +0000

Претседателот на СДСМ, Зоран Заев во гостувањето на „Утрински брифинг“ рече дека за Скопје ја става на коцна неговата лична кариера и ги повика скопјани на одговорност пред себе и пред татковината. Според него, изборите профилираат правец на движење на државата, а вели и дека опозициската ВМРО-ДПМНЕ во првиот круг го достигнала плафонот. -Ги следиме аналитиките. ВМРО-ДПМНЕ го достигна плафонот. Нема повеќе апсорбционен капацитет заради нивните политики. Нашитите политики имаат поголем апсорбционен капацитет. Тука е НАТО, суперлавите од европските лидери кон РС Македонија. Вториот дел е концептот „едно општество за сите“. Тука има еден огромен потенцијал кој што остана дома а треба да излезе на гласање. Затоа повикот е кон тие луѓе – излезете затоа што пропуштате и вие да учествувате во дефинирањето на иднината на државата, вели Заев. Коментирајќи ги наводите дека независната кандидатка поддржана од ВМРО-ДПМНЕ, Данела Арсовска има и бугарско државјанство, Заев рече дека тоа е сериозно и оти таа досега не ги демантирала овие наводи. -Скопјани верувам дека нема да дозволат да бидат изманипулирани. Во живот ако се определите да бидете претставник на странска држава тогаш тоа го работите. Не можете да биде претставник на странска држава, а да водите влада во влада. Вториот дел е што Арсовска е државјанин на друга држава. Многу е сериозна оваа работа. Таа не демантира. Чист демант нема. Вистината ќе излезе до крај. Во Скопје се бира градоначалник, кмет се бира во Бугарија. Имало Скопје кмет 1941 но овде бираме градоначалник. Тврдам дека Данела Арсовска е државјанин и на Бугарија. Проблемот е политички, етички, нечесен. Мора да им кажете на своите граѓани. -Очекувам Аровска да се повлече веднаш, ако малку си го сака Скопје и скопјани. Ова е понижување, рече Заеев.

Буфон може да ја заврши кариерата во странство

Тале Кристо — Mon, 29 Mar 2021 17:26:01 +0000

Голманот на Јувентус, Џанлуиџи Буфон, размислува за уште еден ангажман во странство пред да ја заврши кариерата, која, со исклучок на една сезона, во целост ја мина во Серија А. Како што пишува весникот „Газето дело Спорт“, 43-годишниот Буфон се уште не размислува да се пензионира од фудбалот и сака уште еднаш да се испроба во странски клуб, а одлуката за тоа ќе ја донесе на крајот од сезоната. Буфон оваа сезона бранеше на пет натпревари во Серија А, како и на четири меча во националниот куп и се очекува да биде меѓу стативите во финалето против Аталанта во мај. Од своето деби во 1995 година, Буфон целата своја кариера ја мина во Италија, бранејќи за екипите на Парма и Јувентус, со исклучок на сезоната 2018/19 кога го носеше дресот на актуелниот француски првак Пари Сен-Жермен (ПСЖ).

Рашфорд сака да ја помине целата своја кариера во Манчестер jунајтед

Тале Кристо — Fri, 11 Dec 2020 07:22:14 +0000

Напаѓачот на Манчестер јунајтед, Маркус Рашфорд изјави дека сака да ја помине целата своја кариера во редовите на „црвените ѓаволи“. – Никогаш не сум размислувал за други клубови, освен за „МЈ“, – го цитира „Тајмс“ Рашфорд. Го имам тоа мислење уште од детството. Ако носам дрес на друг тим, тоа ќе биде погрешно. Сакам да направам што е можно повеќе за Манчестер јунајтед и се надевам дека ова ќе трае што е можно подолго. Не сакам да го напуштам тимот, додаде 23-годишниот фудбалер. Рашфорд е дете на Манчестер јунајтед. Тој има 77 голови и 45 асистенции на 232 натпревари за англискиот тим.