карил – Kurir.mk

Салиу: Опасните бактерии МРСА и ацинетобактер детектирани на КАРИЛ

Ивона Петрова — Wed, 30 Nov 2022 07:00:10 +0000

Новинарот Фуркан Салиу во објава на социјалните мрежи пишува дека во интензивниот оддел во КАРИЛ детектирани се две опасни бактерии МРСА и ацинетобактер. -Знаете колку голема стана темата со интрахоспитални инфекции пред некое време? Секако оправдано знаејќи како се третираат во нормални држави и како се третираат кај нас. Имено, според наши извори во интензивниот оддел во #КАРИЛ детектирани се две опасни бактерии: #МРСА и #АЦИНЕТОБАКТЕР. МРСА знаеме колку брзо се шири и за пациенти во тешка состојба какви што се во интензивниот оддел на КАРИЛ можат да бидат и фатални. Што прават нашите институции? Па да, може да претпоставите... Спијат. На 21.11 откриено присуство на МРСА кај 4 пациенти, а кај едниот и присуство на ацинетобактерија. После три дена, а не после 48 часа како што е пропишано во законот за заштита од заразни болести се информира одделот дека има присуство на две опасни бактерии. Осум дена покасно, институциите немаат врска што се случува. Одамна немало појава на вакви бактерии и одеднаш се појавуваат што значи дека најверојатно е внесен. Наместо да се земат брисеви од вработени, и да се следат сите други инструкции ова е на пример одговорот на ИЈЗ. “Во врска со Вашето прашање за пријавени интрахоспитални инфекции од КАРИЛ, би сакале да Ве известиме дека до ИЈЗ - Оддел за епидемиологија на заразни заболувања, од страна на Центрите за јавно здравје не е доставена пријава за интрахоспитална инфекција од посочената установа. Во однос на прибирање пријави за интрахоспитални инфекции, нивна анализа и превземање соодветни мерки, надлежна установа е Центар за јавно здравје, а за посочената установа надлежен е Центар за јавно здравје Скопје.“ А од Центарот за јавно здравје велат дека имаат пријава за еден пациент, кој најверојатно е друг случај. И додека институциите се разберат како и што треба, којзнае (а ќе дознаеме) дали сите 4 пациенти сеуште се живи. Но еве и во случај да се побара изолација на просторијата и преместување на пациентите, во КАРИЛ нема резервна соба за интензивна нега. Господ и да сака да ни помогне со ваков здравствен систем едноставно НЕ МОЖЕ. Секако, се собираат и други детали од целава прича па ако институциите не удостојат со точни и навремени одговори можеби и ќе склопиме сторија, стои во објавата на Салиу.

МЛАДО ДЕВОЈЧЕ ЗАВРШИ НА УРГЕНТЕН – за да снима Тик Ток видео се качила на вагон кај Маџари и добила струен удар!

Магдалена Андонова — Sun, 27 Nov 2022 17:13:59 +0000

Тежок инцидент се случил во Маџари, на железничката станица. Медиумите јавуваат дека 17 годишна девојка со изгореници по грбот и нозете била итно донесена во ургентниот центар, откако било пријавено дека добила струен удар од жиците поставени над вагон од воз. Девојката е во свесна состојба и е на одделението КАРИЛ. Според Канал 5, деовојката била качена на еден од вагоните на железничката станица Маџари каде дошло до струен удар при што се здобилеа со повреди. На местото на настанот пристигнале полициски службеници. Истрагата се уште е во тек, а според нефицијалните информации девојката се качила на вагонот за да снима ТИК ТОК видео.

Лекари од КАРИЛ сведочеа на судењето за убиството на ракометарот Тот

Магдалена Андонова — Wed, 26 Oct 2022 10:37:42 +0000

Дури и да ја знаевме повредата на ‘рбетниот мозок, курсот на лекување ќе остане ист, изјави Маја Мојсова Миовска, лекар од Клиника за анестезија и реанимација во врска со лекувањето на ракометарот Денис Тот кој бил примен на клиниката на 7 април 2022 година откако бил претепан до смрт пред дискотека во Градскиот парк во Скопје. Мојсова Миовска на прашање од одбраната денеска пред Судот изјави дека во лекувањето учествувала од денот кој што, како што рече „практично е 7 и наредниот ден 8, до моментот кога стварно не го изгубивме човечкиот живот“. Според неа причината за смртта генерално е престанок на работа на срце или на дишење. – За жал ние сме анестезиолози и немаме алатка која што може да ни даде увид во тоа која е главната причина за смртта, ние во тој момент немавме податок, рече таа. Прашана какви надворешни повреди биле забележан при приемот, одговори дека на видливите регии не успеале да видат нешто што ќе ја објасни состојбата на престанок на работа на срце и престанок на дишење. – До моментот кога пациентот почина немавме никаков податок што се случило со тој пациент, рече таа. На предлог на одбраната денеска сведочеше и лекарката Билјана Андоновска, исто така од КАРИЛ, која што пред судот изјави дека во лекувањето се приклучила на денот на настапувањето на смртта на оштетениот. – Пациентот е донесен без знаци на живот и без срцева акција, пристапено е кон основно и напреднато одржување во живот, рече таа. Прашана за причината за смртта, таа одговори дека немале изведено заклучок. – Првичната информација беше дека колабирал во кафич, се спровела долга реанимација, беше спроведена компјутерска дијагностика, беа повикани сите специјалности за кои што мислевме дека можат да помогнат, беа направени низа биохемиски и микробиолошки анализи, пациентот во текот на целото лекување беше респираторно и хемодинамски поддржан, рече таа, дополнувајќи дека со оглед на нејаснотиите за причината за смртта, пациентот бил испратен на судска медицина. На прашање дали повредата на ‘рбетениот мозок им била позната, таа одговори дека според првичната дијагностика што била направена, како што рече „немавме таков опис во документацијата која што ја имавме на увид“. Прашана дали преземале дејствија за лекување на таа повреда таа одговори дека по протокол кај сите пациенти постои, како што рече „шансова кравата, која што превенира евентуално постоење на повреди или влошување на таквата состојба“. Обвинителката Тања Трајчевска претходно на денешното рочиште изведе материјални докази – рентген снимки од оштетениот Денис Тот изготвени од Судска медицина. Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот. – По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава. Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. (МИА)

Стојаноска: Поплавата во КАРИЛ не се чисти само со џогер – дали се направени микробиолошки брисеви поради опасност од инфекции?

Ивона Петрова — Sat, 03 Sep 2022 10:16:40 +0000

Пред неколку дена здравствениот систем беше хендикепиран, поради поплавувањето на Клиниката за анестезија, реанимација и интезивно лекување, позната како КАРИЛ. Поради поплавувањето на клиниката, пациентите не беа примани на истата и беа препраќани во други градови и болници. Со ова, беше ставен надвор од функција можеби клучниот објект во терцијарното здравство. Дали и каква солуција е тоа за пациентите, граѓаните може самите да донесат заклучок, изјави на денешната прес-конференција челнот на ИК на ВМРО-ДПМНЕ, Дафина Стојаноска. Таа праша што се превзело оваа клиника соодветно да се подготви и да профункционира? -Внимавајте, ова не е обична гаража или подрум, од кој што треба да се испумпа само водата и да се зачисти со џогер. Доколку клиниката била поплавена од излевање на атмосферска канализација или други води до степен да препраќа пациети, тогаш овде се работи за многу сериозен и темелен процес на враќање во фунција. Не смее брзоплетоста на надлежните да чини животи. Оваа клиника е мошне сериозен и чувствителен дел од здравствениот систем и терцијарното здравство и не смее да се дозволи на било каков начин да се случуваат интерхоспитални инфекции. Оттука прашуваме: Што е преземено за санирање на поплавите во КАРИЛ? Дали се направени микробиолошки брисеви од страна на Центарот за јавно здравје? Да потсетиме дека оваа институција е надлежна да го споведе ова земање на брисеви и само со три последователни негативни брисеви може да дозволи клиниката да продолжи да работи. Дали Министерството за здравство и Санитарниот и здравствен инспекторат се вклучени и запознаени со активностите за враќање на клиниката во функција? На крајот, дали е спроведено испитување на електричната инсталација во клиниката, ако се има предвид дека од нејзината исправност зависат апарати и инструменти кои имаат животовитално значење за пациентите, вели Стојаноска. Истакнува дека Клиниката не е дворче или гаража, за после таква поплава да се расчистува фушерски. Оваа клиника третира едни од најтешките случаи во Македонија и мора во најкратко време и според сите строги стандарди да се врати во функција. Животите на граѓаните се важни. Досегашните фушераи и неодговорности на власта во здравството граѓаните многу скапо ги чинеа. Да не дозволиме нешто слично да се повтори.

Клиниката КАРИЛ не е во функција по невремето во Скопје – директорката блиска до власта не мрднала со прст шест години откако е на функцијата

Дарко Андоновски — Thu, 01 Sep 2022 09:53:50 +0000

По невремето во Скопје пред два дена испливаа сите криминални аномалии кои што ги имаа направено владата на поранешниот премиер Зоран Заев и министер за здравство Венко Филипче, а ги поддржува актуелниот министер за здравство, Беким Сали. Имено со силниот дожд и невреме кое го зафати Скопје во вторникот попладнето испливаа на виделина сите промашувања и стратешки грешки и истата клиника не е во функција, а пациентите се препраќаат во другите клиники. Мојсова во најкус можен рок треба да преземе одговорност и санација на оштетените делови во клиниката. Клиниката за интензивна нега и реанимација треба да биде лице на здравствениот систем на една земја, а нејзиниот раководител да биде најкомпетентен за таа позиција. Клиниката освен тоа требаше во овие шест години да биде најопремена, најсовремена, најорганизирана и со најквалитетен персонал. Директорката освен што се појавува во позадината на сите политички настани, е дел од раководството на власта и гостува по телевизии, не покажува никакви други менаџерски способности и покрај сите врски и политички влијанија што и се на располагање. Во време на здравствена криза не се вклучи со анестезиолошки тим во борбата против Ковид 19, а се обиде да ги прикрие и повредите на несреќно починатиот ракометар кој беше претепан пред дискотека, а во актуелната енергетска криза, продолжува со непрофесионално и неодговорно однесување, не само таа туку и сите структури во Министерството за Здравство како и сите раководни структури во болниците и здравствените установи. Ваквата состојба треба да претставува прва и основна причина за смена на било која власт, па и на оваа која што е раководена од СДСМ, а диригитрана од криминалната ДУИ.

Пациентите од КАРИЛ се препраќаат во други клиники, еве каде ќе добијат интензивна нега и лекување

Ивана Ефремовски — Wed, 31 Aug 2022 19:26:24 +0000

Во Клиниката за ТОАРЛИУЦ-КАРИЛ не се примаат нови пациенти поради нивна безбедност и се препраќаат во други клиники, откако беа поплавени магацините во вчерашното невреме. До Клиниката стигнало и официјално соопштение потпишано од министерот за здравство, Беким Сали. – Ве известуваме дека заради технички проблеми на единицата за интензивно лекување ЈЗУ УК ТОАРЛИУЦ КАРИЛ, сите пациенти кои бараат интензивна нега и лекување ќе се препраќаат во следните јавни здравствени установи, се до санација на дефектот: пациентите од Скопје во ГОБ „8 Септември“ и КБ „Наум Охридски“; пациентите од источна Македонија во КБ Штип; пациентите од централна Македонија во КБ Битола; Пациентите од западна Македонија во КБ Тетово“, се вели во соопштението.

Поплавена клиника: Здравствениот систем остана без КАРИЛ

Ивана Ефремовски — Wed, 31 Aug 2022 15:40:45 +0000

Здравствениот систем остана без КАРИЛ по вчерашната поплава. Оваа клиника е поплавена и е надвор од функција. Пациентите веќе се препраќаат по други болници и клиники, а за тоа стигна и официјално соопштение потпишано од министерот. -Ве известуваме дека заради технички проблеми на единицата за интензивно лекување ЈЗУ УК ТОАРЛИУЦ КАРИЛ, сите пациенти кои бараат интензивна нега и лекување ќе се препраќаат во следните јавни здравствени установи, се до санација на дефектот: пациентите од Скопје во ГОБ „8 Септември“ и КБ „Наум Охридски“; пациентите од источна Македонија во КБ Штип; пациентите од централна Македонија во КБ Битола; Пациентите од западна Македонија во КБ Тетово“, се вели во соопштението.

Малолетничка се фрлила од прозор од Клиниката за психијатрија, со тешки повреди пренесена на КАРИЛ

Ивона Петрова — Tue, 09 Aug 2022 11:12:24 +0000

A.Ш. родена 2006 година денеска се фрлила од прозор од Клиниката за психијатрија во Клиничкиот центар „Мајка Тереза“ во Скопје, пренесува веб порталот Локално.мк. По инцидентот, таа се здобила со тешки телесни повреди и моментално се наоѓа на КАРИЛ-Клиника за анестезија, реанимација и интензивно лекување, објави порталот.

Почина жената од Неготино која беше крвнички претепана од партнерот!

Ристе Здравков — Sun, 07 Aug 2022 12:27:33 +0000

Во тек на вчерашниот ден во Клиничкиот центар „Мајка Тереза“ во Скопје почина 46-годишната жена од Неготино, која беше претепана од страна на нејзиниот партнер П.Н. (51) во раните утрински часови на втори август. Таа од тогаш беше во кома поради тешките повреди и се бореше за живот. Според д-р Маја Мојсова, раководителка на Клиниката за анестезија, реанимација и интензивно лекување, жената кај нив била донесена со многу тешки повреди на мозокот и черепот. -Пациентката кај нас беше донесена во кома. Стануваше збор за многу тешки повреди на мозок и на череп и веднаш беше оперирана. За жал, почина – изјави за ,,Фокус” д-р Мојсова. Неготино е во шок од настанот. Жртвата беше мајка на две полнолетни деца, а со П.Н. од Неготино била во врска подолг период. Според информации од СВР Велес, во домот во кој живееле тој врз неа извршил насилство и ја удирал со боксови по главата. Настанот бил пријавен во полиција од страна на дежурниот лекар од Итната медицинска помош Неготино, по што насилникот бил лишен од слобода во 03.35 минути од страна на полициски службеници од ПС Неготино. Во итната помош пак, настанот го пријавил П.Н.. Од СВР Велес за ,,Фокус” велат дека П.Н. никогаш во минатото не бил пријавуван во полиција за било какви закани или пак физичко насилство, како од страна на жртвата, така и од поранешни партнерки. Насилството врз жените во Македонија е актуелен проблем кој никако не може да се искорени, и покрај сите кампањи кои се спроведуваат. Според истражување на Националната мрежа против насилство и семејно насилство, во Македонија секоја трета жена е жртва на семејно насилство. Во земјава нема стандарди и процедури за реинтеграција на жените жртви на родово, односно семејно насилство кои решиле да го напуштат насилниот партнер. Финансиските проблеми, како и немањето на свој кров над глава се едни од најголемите проблеми со кои се соочуваат жртвите, и се најчесто причина многу од нив да останат покрај насилникот. По трагедијата која се случи во Неготино, повторно се отвораат прашањата дали во земјава имаме доволно родово одговорни политики. Дали жртвите ја добиваат потребна помош и поддршка, како што е привремено домување, финансиска помош наменета за жртви на насилство, помош при вработување, или пак можности за обука и образование во различни области, со цел жртвата да може да започне самостоен живот, подалеку од насилникот, се теми кои се актуелизираат секогаш, откако веќе ќе се случи трагедија.

Министерот Сали тврди: Постапено е професионално во третманот на Денис Тот

Ивана Ефремовски — Thu, 14 Apr 2022 20:36:06 +0000

Министерот за здравство, Беким Сали вечерва истакна дека во третманот на сега починатиот ракометар Денис Тот, било постапено професионално, пренесе ТВ21. Во однос на извештајот од Државниот санитарен и здравствен инспекторат во врска со приемот и реанимацијата на ракометарот Денис Тот на КАРИЛ, министерот информира дека здравствените институции постапиле професионално во третирањето. -Во делот на судска медицина се уште чекаме извештај да ни стигне за да видиме дали се согласуваат, вели Сали.