Карин Кнајсл – Kurir.mk

На австриската министерка за надворешни работи и се слоши при работен разговор, мораше да интервенира брзата помош

Матеја Петровски — Mon, 27 Aug 2018 06:24:01 +0000

На министерката за надворешни работи на Австрија синоќа и се слоши за време на еден разговор во рамки на Европскиот форум Алпбах, по што веднаш пристигна брза помош, но министерката не морала да оди во болница. Сведоците на настанот тврдат дека министерката Карин Кнајсл изгубила свест. Таа минатата недела се омажи, а на нејзината свадба дојде и претседателот на Русија Владимир Путин.

Кнајсл: Важен напредок е регистриран во преговорите за името

Даниел Василев — Mon, 28 May 2018 13:44:42 +0000

Австриската министерка за надворешни работи на ЕУ, Карин Кнајсл, порача дека е постигнат важен напредок во спорот за името, и посочи дека регионот на Западниот Балкан е од геополитички интерес за Европската Унија. - Повеќе пати имав прилика да се сретнам со министрите за надворешни работи на ПЈРМ и Грција. Важен напредок е регистриран, но останува да се види кога може да се очекува решение. Следни чекори се потребни, нашето источно соседство не ни е само историски блиско, туку сакаме едноставно да избегнеме вакум што ќе може да биде експлоатиран од други сили. Придружувањето на регионот е геополитчки интерес за целата ЕУ, изјави Кнајсл. МИА

Австриската министерка за надворешни работи во посета на Македонија

Ивона Петрова — Tue, 27 Mar 2018 06:03:13 +0000

Сојузниот министер за Европа, интеграции и надворешни работи на Република Австрија, Карин Кнајсл, денеска ќе престојува во работна посета на Република Македонија, при што ќе се сретне со министерот за надворешни работи на Република Македонија, Никола Димитров.

- На средбата ќе се разговара за севкупните билатерални односи меѓу двете земји, економските потенцијали за соработка и нивното натамошно продлабочување, соопшти МНР.

Воедно, посочуваат оттаму, разговорите ќе се фокусираат на европската интеграција на Република Македонија и приоритетите на австриското претседателство со Европската унија во втората половина од 2018 година, а во светло на Стратегијата на Европската комисија за проширување со земјите од Западен Балкан до 2025 година.

Во рамките на посетата, министерката Кнајсл ќе оствари средба и со премиерот Зоран Заев, како и со вицепремиерот задолжен за европски прашања, Бујар Османи.