Карин Жан-Пјер – Kurir.mk

Жан Пјер: Нема индикации дека Русија се подготвува да употреби нуклеарно оружје на непосреден начин

Ивана Ефремовски — Fri, 07 Oct 2022 17:49:30 +0000

Немаме причина да ја актуелизираме нашата стратешка нуклеарна позиција, исто како што немаме индикации дека Русија се подготвува да користи нуклеарно оружје на непосреден начин, изјави денеска портпаролката на Белата куќа, Карин Жан Пјер. Оваа изјава доаѓа еден ден по изјавата на американскиот претседател Џо Бајден, кој рече дека за првпат по Студената војна, светот се соочува со ризик од нуклеарен Армагедон. На прашањето дали предупредувањата на Бајден се поврзани со нови разузнавачки информации достапни за САД, портпаролката на Белата куќа одговори: „Не“. Таа додаде дека зборовите на Бајден се засилена верзија на претходните изјави од Белата куќа, кои покажуваат колку сериозно се сфаќаат заканите на Русија. (МИА)

Жан-Пјер: Русите кои бараат азил се добредојдени во САД

Тале Кристо — Tue, 27 Sep 2022 19:23:09 +0000

Во САД се добродојдени Русите кои бараат азил од „непопуларната“ војна на претседателот на Русија, Владимир Путин, изјави денеска портпаролката на Белата куќа, Карин Жан-Пјер. „Ние веруваме дека без разлика на нивната националност, тие можат да поднесат барање за азил во САД“, рече таа. Според неа, нивното барање ќе се разгледува од случај до случај.

Жан-Пјер: Подготвени сме да воведеме дополнителни трошоци за Русија, доколку се продолжи со анексија

Ивана Ефремовски — Mon, 26 Sep 2022 20:10:59 +0000

САД „никогаш нема да ги признаат“ окупираните територии од Русија како „што било друго туку … дел од Украина“, соопшти Белата куќа, додека сепаратистички лидери во четири региони на Украина велат дека во тек се референдуми за дали да се отцепат и да се приклучуват кон Руската Федерација, пишува „Си-ен-ен“. Портпаролката на Белата куќа, Карин Жан-Пјер за „Си-ен-ен“ денеска изјави дека „лажниот референдум“ е „флагрантно кршење на меѓународното право“. -Што се однесува до она што го правиме, ние сме подготвени да воведеме дополнителни брзи и сериозни економски трошоци за Русија, заедно со нашите сојузници и партнери, како одговор на овие дејствија што ги гледаме моментално, доколку тие продолжат со анексија, појасни Жан-Пјер. Таа најави повеќе детали на темата наредните денови. (МИА)

Бајден именува нова портпаролка

Ивона Петрова — Fri, 06 May 2022 05:49:39 +0000

Американскиот претседател Џо Бајден назначи нова портпаролка на Белата куќа, Карин Жан-Пјер, првата црнкиња и прокламирана лезбејка на таа функција, истакнувајќи го нејзиното досегашно искуство, талент и искреност. Карин Жан-Пјер беше заменичка на портпаролката Џен Псаки и ќе ја преземе функцијата на 13 мај, соопшти Белата куќа. – Таа ќе биде првата црнкиња, прокламирана ЛГБТК+ личност на оваа позиција. Таа ќе им го даде својот глас на многу луѓе и ќе им овозможи на многумина да сонуваат големи соништа, напиша Псаки на Твитер, најавувајќи од самиот почеток дека ќе се повлече за време на мандатот. Псаки од Белата куќа заминува на телевизискиот канал MSNBC, јавуваат американските медиуми. Карин Жан-Пјер (44) е родена во Мартиник. Нејзините родители, по потекло од Хаити, емигрирале во САД. Таа пораснала во Њујорк, каде што нејзиниот татко работел како таксист, а нејзината мајка се грижела за домаќинството. Таа живее со новинарка на Си Ен Ен и имаат една ќерка. Жан-Пјер дипломирала на престижниот Универзитет Колумбија, а потоа влезе во политиката, често истакнувајќи дека животниот пат на нејзиното семејство, пример за „американскиот сон“, ја одредил нејзината кариера. Таа работеше и во кампањите на Барак Обама, а потоа и во кампањата на Џо Бајден.