Карл-Хајнц Румениге – Kurir.mk

Румениге: Среќен сум што клубот ме повика назад во Минхен

Бошко Тасиќ — Wed, 31 May 2023 04:36:59 +0000

Екс германската легенда Карл-Хајнц Румениге се приклучи на Надзорниот одбор на Баерн Минхен. Тој се враќа во клубот после две години, откако од 2001 до 2021 година беше генерален директор на клубот. Под негово водство тимот освои 14 трофеи, и два пати Лигата на шампионите. Румениге се враќа во раководството на клубот по отказите на Оливер Кан и Хасан Салихамиџиќ, кои добија „шут-карта“ веднаш откако тимот ја освои титулата во Германија под многу среќни околности.

„Му благодарам на надзорниот одбор за довербата и со задоволство прифатив да му помогнам на тимот. Имав голема чест и голема среќа да славам бројни успеси со овој клуб, и со задоволство одговорив на повикот од Баерн Минхен“, рече Румениге.

УЕФА разгледува можност за одржување на ЕП со еден домаќин

Ивона Петрова — Wed, 20 Jan 2021 10:29:31 +0000

Претседателот на УЕФА Александар Чеферин разгледува одржување на претстојното Европско првенство (ЕП) во една, наместо во 12 држави, како што првично е планирано. Ова, синоќа го изјави првиот човек на европскиот првак Баерн Минхен, Карл – Хајнц Румениге, а Европската фудбалска асоцијација (УЕФА) не ги демантираше неговите наводи. -Во оваа фаза немаме информации што би можеле да ги споделиме, соопшти УЕФА, откако Румениге во изјава за германските медиуми рече дека Чеферин ја разгледува можноста за еден домаќин на завршниот турнир од 11 јуни до 11 јули. -Знам дека претседателот на УЕФА Александар Чеферин, кој е исклучително внимателен во врска со коронавирусот, размислува дали можеби е поразумно, во време на пандемија, турнирот да се организира во само една држава, изјави Румениге. Според првичниот план, УЕФА одреди 12 градови – домаќини на ЕП во во исто толку држави, а одлуката поединечно за секој град треба да биде донесена до 5 март. Во опција се четири сценарија, од максимална исполнетост на стадионот до натпревари без навивачи.

Румениге: УЕФА лошо ја заврши работата и затоа е укинувањето на суспензијата на Манчестер сити

Ивона Петрова — Tue, 28 Jul 2020 09:33:48 +0000

Претседателот на Баерн, Карл-Хајнц Румениге не се сложува со укинувањето на суспензијата на Манчестер сити на европската сцена. Претходно, „граѓаните“ беа суспендирани на две години и беа казнети со парична казна од 30 милиони евра за прекршување на финансискиот фер-плеј (ФФП). Сепак, Судот за арбитража во спортот (КАС) делумно ја прифати жалбата на англискиот клуб и ја откажа суспензијата, а исто така ја намали казната на 10 милиони. – Мислам дека донесената конечната одлука на КАС е резултат на лошо завршената работа на УЕФА. Тоа го слушнав од многумина. Сепак, им честитам на моите колеги од Манчестер сити. Мило за мојот пријател Гвардиола. Знам што значи учество во Лигата на шампионите за него, изјави Румениге.

Румениге: Не го пуштаме Тијаго без пари

Ивона Петрова — Sat, 04 Jul 2020 07:54:43 +0000

Претседателот на одборот на Баерн Минхен Карл-Хајнц Румениге разјасни една од најактуелните теми околу баварскиот клуб, имено желбата на Тијаго Алкантара да се пресели во Ливерпул. Шефот на баварците потврди дека шпанскиот репрезентативец одбил да го обнови својот договор и ќе биде продаден. – Тијаго е исклучителен и на теренот и надвор од него. Ние преговаравме и ги исполнивме сите негови барања. Сепак, се чини дека тој сака да проба нешто ново во неговата кариера. Немавме никаков контакт со Ливерпул. Ако Тијаго инсистира да си замине,ќе мора да се договориме. Едно е сигурно – нема да го пуштиме бесплатно на крајот од неговиот договор, изјави Румениге за „Билд“. Претходно, медиумите објавија дека Алкантара веќе ги договорил личните услови со Ливерпул и им кажал збогум на своите соиграчи. Сепак, тренерот Ханси Флик објави дека има намера да се потпира на играчот од средниот ред во финалето на германскиот куп против Баерн (Леверкузен).

Румениге: Целта на Баерн е да ги привлече најдобрите германски репрезентативци

Магдалена Андонова — Fri, 03 Jul 2020 10:45:36 +0000

Претседателот на одборот на директори на Баерн (Минхен) Карл-Хајнц Румениге рече дека целта на баварските гиганти е да ги привлечат најдобрите германски играчи. Шампионот на Бундеслигата го финализира трансферот на репрезентативецот Лерој Сане од Манчестер Сити за 50 милиони евра. – Задоволни сме затоа што во последните години Сане во повеќе наврати ги докажуваше своите квалитети на теренот, особено со репрезентацијата. Нашата цел е да ги собереме најдобрите германски фудбалери во Баерн, а привлекувањето на Лерој го потенцира нашето движење на овој пат, прокоментира Румениге. (МИА)

Румениге: Мора да го завршиме шампионатот, дури и ако следната сезона не започне пред зимата

Ивона Петрова — Tue, 31 Mar 2020 06:26:48 +0000

Претседателот на Баерн, Карл-Хајнц Румениге смета дека сезоната треба да се одигра по завршување на пандемијата. – Ако ова не е во спротивност со епидемиолошката состојба и политичката состојба, тогаш оваа опција треба да се разгледа доколку е потребно. Дури и ако тоа значи дека следната сезона не започнува пред зимата. Дефинитивно треба да ја играме оваа сезона заради спортска искреност, но, секако, за да ги задржиме економските штети што е можно пониски, изјави Румениге. Претходно раководството на Бундеслигата ги прекина натпреварите поради пандемијата на коронавирус.

Румениге: Иднината на Хамес не е решена

Дарко Андоновски — Thu, 09 May 2019 16:04:50 +0000

Спортскиот директор на Баерн Минхен, Карл-Хајнц Румениге прокоментира за медиумите дека конечната одлука за иднината на полудефанзивецот Хамес Родригез уште не е донесена. Колумбискиот фудбалер игра на заем во баварскиот колос, но е во сопственост на Реал Мадрид. – Уште не сме одлучиле, тој побара разговор со мене, но тој не се остварил уште. Во блиска иднина ќе зборуваме, а потоа ќе продолжиме да ја следиме ситуацијата. Тој ми се допаѓа, секогаш сум го сакал, и така ќе остане во иднина, изјави шефот на Баерн.

Румениге: Роналдо? Баерн не би платил толку пари за играч на 33 години

Ивона Петрова — Thu, 02 Aug 2018 13:28:54 +0000

Претседателот на Одборот на директори на Баерн Минхен, Карл-Хајнц Румениге повторно покажа дека баварците се категорични во ставот да не издвојуваат големи трансфер суми за фудбалери. Легендата на германскиот фудбал го прокоментира трансферот на Кристијано Роналдо, поради кој Јувентус му плати на Реал Мадрид над 100 милиони евра. - Кристијано? Баерн не би платил толку пари за играч на 33 години. Тој е фудбалер кој постигна се со Реал Мадрид во последниве години. Пет години беше најдобриот во светот. Маркетингот, исто така, одигра важна улога во овој трансфер, изјави Румениге во интервју за минхенскиот весник „TЗ“. Тој додаде дека бил изненаден дека шефот на Јувентус, Андреа Ањели решил да влезе во оваа операција со ЦР7, но и дека италијанскиот фудбал ќе добие многу од овој трансфер. - Италија доби големо одобрение. Од гледна точка на Јувентус договорот има смисла. Италијанскиот фудбал во последно време изгуби многу. Со овој голем трансфер, Италијанците очекуваат повторно да го привлечат вниманието на светскиот фудбал, додаде Руменгеге.

Во Баерн задоволни од постигнатото во 2017

Ристе Здравков — Sun, 24 Dec 2017 14:51:22 +0000

Извршниот директор на Баерн (Минхен), Карл-Хајнц Румениге во традиционалното божиќно обраќање кон навивачите ја опиша годината која изминува како успешна за Баварците и изрази огромната благодарност кон Јуп Хаинкес кој го „препороди“ тимот, откако се врати на тренерската позиција на местото на отпуштениот Карло Анчелоти. - Можеме да бидеме задоволни од 2017 година. Во текот на летото прославивме петта последователна титула во Бундеслигата - тоа е историско достигнување! Таква доминација на Баерн немало ниту во „златната ера“ од 70-тите. И ние сме подготвени да продолжиме оваа серија вели Руменгеге. Седма последователна година сме есенски шампион, во Лигата на шампионите и Купот на Германија исто така се движиме по план. Затоа сакам од срце да им се заблагодарам на тимот, додаде Румениге. Тој изрази посебни благодарност кон Јуп Хаинкес и тренерскиот штаб. - Јуп создаде неверојатен пресврт. Со него добивме 15 од 16 можни натпревари. Уверен сум дека по зимската пауза тој ќе продолжи да го развива тимот. Би сакал да се заблагодарам и на Карло Анчелоти, кој кон крајот на минатата сезона ни ја донесе веќе споменатата петта последователна титула, додаде Румениге.