карл лагерфелд – Kurir.mk

Прва голема ретроспектива по смртта на Карл Лагерфелд (ВИДЕО)

Ивана Ефремовски — Wed, 03 May 2023 07:24:21 +0000

Во Метрополитен музејот во Њујорк, САД, на 5 мај ќе биде отворена првата голема ретроспектива по смртта на модниот дизајнер Карл Лагерфелд. Познат како „креаторот-камелеон“, Лагерфелд остави голем белег на светската мода и култура. Дизајнерот, кој почина во 2019 година, беше 60 години во модата - во куќи за висока мода како „Шанел“ за која работеше од 1983 до 2019 година, „Фенди“ (1964 - 2019) и „Клои“ (1963 - 1983). Кустосот Ендрју Болтон вели дека Лагерфелд работел за модните куќи прилагодлив „како камелеон“, со различни стилови. -Лагерфелд беше целосен креатор, зашто тој правеше сè - облека, модни детали и козметика, што успеваше да ги спои уметноста и трговијата и измисли успешни модели на работа во модната индустрија, додаде Болтон. Ретроспективата насловена „Карл Лагерфелд: Линија на убавината“ (Karl Lagerfeld: A Line of Beauty) ќе трае од 5 мај до 16 јули и ја истражува двојноста на уметникот, мајстор на иновациите. На изложбата ќе бидат претставени 150 парчиња облека и цртежи. (МИА)

Познато е кој ќе го наследи богатството на Лагерфелд: Шокантно е кој ќе добие најмногу пари

Ивана Ефремовски — Thu, 21 Feb 2019 18:03:19 +0000

Меѓу наследниците на познатиот моден креатор Карл Лагерфелд се споменуваат неговата мачка и 11-годишното кумче, кои би добиле дел од 200 милиони долари, колку што е проценето неговото богатство. Легендарниот моден креатор Карл Лагерфелд, кој почина на 85-годишна возраст ќе биде кремиран, а неговата пепел ќе биде помешана со починатиот партнер Жак де Башер. Партнерот на Лагерфелд во 1989 година почина од СИДА и му беше партнер на креаторот цели 18 години, иако во исто време бил во врска со дизајнерот Ив Сен Лорен. Лагерфелд сакал неговата пепeл да биде измешана со онаа на мајка му Елизабет или на мачката Шупет, доколку угине пред него. Но, мачката за која се грижеле две слугинки и возач, е жива и е еден од наследниците на богатството на уметничкиот дизајнер на Шанел. Освен мачката, дел од богатството ќе му припадне и на неговото 11-годишно кумче, Хадсон Крениг, син на моделот Бред Крениг, кој му бил муза и близок пријател на Лагерфелд. Хадсон од својата втора година учествувал во кампањите на Шанел .

Манекенка распали со жестоки навреди за покојниот моден креатор

Ивана Ефремовски — Wed, 20 Feb 2019 16:27:55 +0000

Актерката Џамела Џамил на необичен начин реагирала на смртта на модниот креаторот Карл Лагерфелд. Додека целиот моден свет вчера бил во солзи поради смртта на првиот човек на "Chanel" и додека славните манекенки и актерки на социјалните мрежи се простувале од него, Џамела имала нешто поразличен став кон покојниот Лагерфелд. "Немилосрден женомразач кој се гадеше од дебелината не треба да се наоѓа по целиот интернет како некој светец кој е окарактеризиран како човек кој заминал прерано. Во неговиот талент не се сомневам, но не беше добра личност", напишала Џамела на својот профил на Твитер.

I’m glad somebody said it. Even if it is a little soon. A ruthless, fat-phobic misogynist shouldn’t be posted all over the internet as a saint gone-too-soon. Talented for sure, but not the best person. https://t.co/RK3Q9HilpP
— Jameela Jamil (@jameelajamil) February 19, 2019

Актерката со оваа објава споделила и статија во која директорот на "Chanel" бил опишан како очајна личност. Инаку, Џамела е позната како жена која се бори против диетите и разубавувањето на фотографиите, а се заложува и за прикажување на женските мани и позитивниот однос кон своето тело какво и да е.

Позната причината: Еве од што почина Карл Лагерфелд

Катерина Бојаџиева — Wed, 20 Feb 2019 13:47:30 +0000

Вчера одекна веста дека почина модниот дизајнер Карл Лагерфелд, но причината не беше обелоденета. Како што денеска пренесуваат светските медиуми тој починал од рак на панкреас. „Дејли мејл“ пишува дека Лагерфелд никогаш не говорел за болеста и дека со неа се борел „лавовски и во тишина“. Се занимавал со спорт, се хранел здраво и со големо неверување ја примил веста дека дека боледува од рак на панкреас. Поради болест, тој ги пропушти последните две ревии на модната куќа „Шанел“ каде што беше креативен директор.

Почина во 86 година од животот.

„Забите ги заборавил дома“: Кралот на модата никогаш не се смее, а сега само со една насмевка го згрози светот (ФОТО)

Дарко Андоновски — Fri, 23 Nov 2018 19:08:30 +0000

Германецот Карл Лагерфелд е вистинска модна икона и еден од најголеми дизајнери некогаш. Овој 85 годишен дизајнер секогаш е сериозен на фотографиите и има препознатлив стил, но овој пат за прв пат се насмеа и откри голема тајна на светската јавност. Од фотографиите на светските фотографи може да се забележи дека неговата насмевка не е најсјајна и ги нема сите заби на број. Тој во едно интервју претходно има изјавено дека е во одлична форма иако има повеќе од осумдесет години.