Карлес Пучдемон – Kurir.mk

ЕП го разгледува барањето за одземање на имунитетот на Пучдемон

Ивона Петрова — Thu, 16 Jan 2020 09:22:24 +0000

Европскиот парламент почна процедура за разгледување на барањето за укинување на имунитетот на поранешниот претседател на Каталонија, Карлес Пучдемон, изјави денеска еден од потпретседателите на оваа институција, Ева Божена Копач. -Шпанските власти од претседателот (на Европскиот парламент) побарале да им го укине имунитетот на Карлес Пучдемон и Тони Комин, за да може да почне судската постапка против сега двајцата европратеници, рече Копач во Стразбур. Барањето се поднесува до Комитетот за правни работи, а процедурата може да трае со недели, па дури и со месеци. Шпанија го бара екстрадирањето на Пучдемон и Комин заради обидот за сецесија на Каталонија во 2017 година. Пучдемон и Комин во тоа време побегнаа во Белгија, а во мај 2019 година беа избрани за европратеници, како претставници на каталонските сепаратистички партии.

Пуџдемон се врати во Белгија по ослободувањето од домашен притвор во Германија

Даниел Василев — Sat, 28 Jul 2018 10:54:58 +0000

Поранешниот каталонски премиер Карлс Пуџдемон денеска се врати во Белгија откако беше ослободен од домашен притвор во Германија. Тој во Брисел изјави дека ќе продолжи „да се бори за праведната кауза на каталонскиот народ“. Во октомври минатата година, Пуџдемон избега од Шпанија во Белгија, откако регионалниот парламент на Каталонија усвои еднострана декларација за независност. Во март, на враќање од Финска во Белгија, поранешниот премиер беше уапсен во Германија врз основа на европска потерница издадена од шпанската Влада. Овој месец, шпанските власти ја укинаа потерницата и му дозволија да се врати во Белгија. МИА

Германија би можела да го екстрадира Пучдемон, но не поради бунт

Даниел Василев — Thu, 12 Jul 2018 15:00:32 +0000

Германскиот суд денеска одлучи дека поранешниот каталонски лидер Карлес Пучдемо може да и биде предаден на Шпанија за да се соочи со обвинувањата. Пучдемон се терети за финансиски малверзации, но и за бунт. Меѓутоа, германскиот суд смета дека поради второто дело тој не може да биде предаден. -Екстрадирање поради обвинувањата за проневера на јавни пари е можно, предавање поради бунт не е можно, соопшти судот. Прецизирано е дека обвинителството ќе биде надлежно за организирање на предавањето на Пучдемон на шпанските власти, и оти поранешниот каталонски лидер во меѓувреме „ќе биде на слобода“. Обвинителството соопшти дека „наскоро ќе одлучи за предавање на обвинетиот за проневера“. Одлуката на судот е удар врз шпанското обвинителство зашто би можело да спречи судење за бунт, за што во Шпанија казната може да биде и 30 години затвор. -Судот поаѓа од принципот дека шпанскиот суд ќе ја почитува одлуката и оти на обвинетиот Пучдемон нема да му се суди за бунт, туку само поради корупција, појаснува германскиот суд. Судиите ги отфрлија аргументите на Пучдемон дека е жртва на политички прогон и оти поради тоа треба да биде одбиено барањето за негово предавање. -Апсурдно е да се изнесе обвинување против Шпанија, членка на заедничките вредности правниот простор на ЕУ, оцени судот. Карлес Пучдемон е обвинет во Шпанија за бунт и проневера врзана за референдумот за независност на Каталонија во есента минатата година. Тој отиде во Белгија откако владата во Мадрид го тргна од функцијата претседател на Каталонија и оттогаш се обидува го интернационализира прашањето за каталонскиот сепаратизам. Уапсен е кон крајот на мај на северот на Германија, додека со автомобил се враќал во Белгија од Финска.

Шпанскиот Врховен суд ги отстрани Пуџдемон и пет пратеници од каталонскиот Парламент

Даниел Василев — Tue, 10 Jul 2018 19:59:57 +0000

Врховниот суд на Шпанија денеска им ги одзеде мандатите на шестмина членови на регионалниот Парламент на Каталонија, меѓу кои е и поранешниот претседател на каталонската регионална Влада, Карлес Пуџдемон. Судијата Пабло Ларена реши дека на шестмината каталонски сепаратистички лидери треба да им се суди за бунт против државата, дело за кое се предвидени казни до 30 години затвор. Тоа повлекува и забрана за вршење на јавна функција, поради што им беа одземени мандатите. Судијата реши дека од Парламентот на Каталонија зависи дали на нивните места ќе бидат именувани други пратеници. Дел од обвинетите се во притвор, а самиот Пуџдемон лани во октомври побегна во Белгија, а моментно е во Германија. - Оваа одлука го покажува нивото на демократија во шпанската држава. Гласот на граѓаните беше поништен од страна на „судството“, напиша Пуџдемон на својот профил на Твитер. МИА

Пуџдемон одби да биде избран за раководната позиција на Каталонија и предложи наследник

Даниел Василев — Thu, 10 May 2018 19:40:12 +0000

Поранешниот каталонски лидер Карлес Пуџдемон одби да биде кандидат за раководната функцијана Каталонија. Пуџдемон го предложи за кандидат за регионален лидер Ким Тора. Пратениците од Каталонија имаат рок до 22 мај да изберат регионален лидер. Доколку ниту еден регионален водач не биде избран до тогаш, Каталонија оди на предвремени избори. Ким Тора (55) е член на парламентарната група Заедно за Каталонија. Останува претседателот на каталонскиот парламент, Рожер Торент, официјално да ја покрене кандидатурата на Ким Тора, а Парламентот да го избере. МИА

За Пучдемон кауција од 75 – за обвинетите од 27 април не се доволни ниту 125 илјади евра

Даниел Василев — Wed, 02 May 2018 19:04:04 +0000

Поранешниот претседател на каталонската регионална влада, Карлес Пучдемон од притвор во Германија излезе со кауција од 75 илјади евра, а за поранешниот шеф на обезбедувањето на Трајко Велјановски, Горан Ѓошевски и екс началникот во МВР, Оливер Поповски не се доволни 125, односно 54 илјади евра за ослободување од притвор. Скопскиот Апелациски суд ги сменила одлуките на Кривичен, поранешиот шефот на обезбедувањето на Велјановски, Горан Ѓошевски и екс началникот во МВР Оливер Поповски да бидат пуштени да се бранат од слобода со гаранција со што засега остануваат во притвор, јавува Телевизија Телма. Понудениот недвижен имот во висина од 54 илјади евра за Ѓошевски и недвижности во вредност од 125 илјади евра за Поповски, не биле соодветни. Од судот за Телма велат дека ги анализирале сите околности, меѓу кои и висината на понудената гаранци. -Во конкретните случаи понудената гаранција не е пропорционална на тежината на кривичното делото односно преземни дејствија за кои се товарат и во моментот таа гараницја не претставува ефикасен механизам за обезбедување на присуство на обвинетите, велат од Апелација. Засега само поранешниот министер за внатрешни работи и директор на Бирото за јавна безбедност, Митко Чавков би можел да излезе од Шутка бидејќи понудениот недвижен имот е во вредност од 600 илјади евра. Во Германија која е најголемата економска сила во Европа и каде што граѓаните имаат 8 пати поголем БДП по глава на жител, кауцијата е скоро двојно помала од имотот кој бил понуден за Ѓошевски. За Пучдемон се бараа 75, а за Ѓошевски 125 илјади евра не беа доволни, па судот ќе бара поголем имот. Инаку, Пучдемон во Шпанија е обвинет за бунт, поттикнување бунт и злоупотреба на државни средства за организирање на ланскиот референдум за независност на Каталонија.

Пучдемон ќе биде екстрадиран во Шпанија

Катерина Бојаџиева — Tue, 03 Apr 2018 08:54:14 +0000

Германското обвинителство поддржа екстрадирање на поранешниот каталонски премиер Карлес Пучдемон во Шпанија.

Пучдемон се откажа од местото претседател на Каталонија

Катерина Бојаџиева — Fri, 02 Mar 2018 11:33:49 +0000

Пребеганиот каталонски лидер Карлес Пучдемон, кандидат за претседател на Каталонија, се откажа од кандидатурата во корист на поранешниот претседател на парламентот на таа шпанска покраина Џорди Санчез кој е во затвор поради организирање на каталонскиот референдум во октомври лани. Пучдемон се наоѓа во доброволен егзил во Белгија по референдумот кој шпанската влада го прогласи за нелегален. По изборите во Каталонија во минатиот декември на кои заговорниците за независност освоија тенко мнозинство, Пучдемон беше предложен за претседател на Каталонија.