Карло Анчелоти – Kurir.mk

Анчелоти: Знаевме дека Белингем е топ-играч, Модриќ го смени текот на дербито

Бошко Тасиќ — Sat, 28 Oct 2023 17:43:27 +0000

Џуд Белингем е херојот на Реал Мадрид во големата победа во Барселона, но тренерот Карло Анчелоти како клучен играч во големата пресметка го истакна Лука Модриќ. Реал долго се мачеше да воспостави контрола на средината на теренот, но кога Модриќ влезе на местото на Крос во 62. минута „кралевите“ конечно почнаа подолго да ја задржуваат топката во свој посед, да креираат шанси, на крајот и со голем пресврт да стигнат до победата. „Да бидам искрен, сите сме изненадени од Белингем и бројот на голови што ги постигна. Нормално, знаевме дека е одличен играч, но никој не очекуваше толку многу важни погодоци во првите месеци во клубот, пресреќни сме што го имаме. Секоја чест за головите денеска, но мислам дека Лука Модриќ беше играчот што го смени текот на натпреварот. Ја задржа топката кај себе, го контролираше ритамот, креираше на средината од теренот. Лука беше клучен во нашиот пресврт“, прокоментира Анчелоти.

Анчелоти: Модриќ е вистински професионалец

Бошко Тасиќ — Sat, 28 Oct 2023 03:57:11 +0000

На прес-конференцијата тренерот на Реал Мадрид Карло Анчелоти беше запрашан како би му објаснил на „играч како Модриќ“ дека ќе биде резерва. „Овде сите се професионалци, не бараат објаснувања. На ист начин и јас не давам објаснувања на некој што не игра. Нема за што да се грижите“, изјави италијанскиот стручњак. Во сабота е првото овосезонски „Ел Класико“ во Примера, меѓу актуелниот шампион Барселона и Реал Мадрид, актуелниот водечки тим во шпанското првенство. Реал Мадрид по десет одиграни кола има 25 бодови, а Барселона 24. Доколку Модриќ настапи на овој меч, ќе стане најстариот фудбалер кој некогаш играл на „Ел Класико“, објави весникот „Мундо Депортиво“. Тој рекорд сега го држи поранешниот голман на Реал, Пако Бујо, кој во 1996 година стоеше меѓу стативите на возраст од 38 години и 38 дена. На тој дуел Барселона победи со 3-0. Модриќ има 38 години и 47 дена

Реал Мадрид ќе го продаде оваа зима иако го доведе оваа сезона

Бошко Тасиќ — Sun, 15 Oct 2023 06:50:53 +0000

До сега само Џуд Белингем ги оправда вложувањата во Реал Мадрид, во него се гледа долгорочно решение во средниот ред и наследник на Лука Модриќ. Во исто време има и такви играчи кои не ги оправдааа очекувањата. Дијаз се врати во Реал како позајмица од Милан, но е далеку од формата во која играше за „росонерите“. Анчелоти смета дека не е баш вистинскиот фудбалер за неговиот тим, па Перез веќе во јануари ќе мора да го даде на позајмица, иако е на мисла дека треба да остане. На крајот се прашува Анчелоти кога станува збор за составот.

Анчелоти: Имаше голема битка во Неапол до последната минута

Ристе Здравков — Wed, 04 Oct 2023 07:51:04 +0000

Тренерот на Реал Мадрид, Карло Анчелоти, беше задоволен од победата (2-3) над Наполи на стадионот „Диего Марадона“. Тој ги пофали своите играчи за одличната игра, а исто така даде забелешки за судиите, особено за пеналот досуден за Начо. „Тежок натпревар, голема борба до последната минута. Примивме гол кој можевме да го избегнеме. Потоа почнавме да играме и да создаваме шанси. Најтешкиот момент беше кога ни израмнија од тој прилично контроверзен пенал. Правилата велат дека кога топката ќе удри во рака по рикошет, не треба да се досуди пенал, барем така е во Лигата на шампионите. Внесувањето на Модриќ ни помогна подобро да ја контролираме топката и да го контролираме центарот на теренот. Апсурдно е што нашиот трет гол беше постигнат како автогол на Мерет затоа што Валверде го изведе тој неверојатен удар. Тој е неверојатен играч за врска со многу квалитети, а меѓу нив се и ударите од далечина. Не е важно колку голови ќе постигне оваа сезона“, изјави Анчелоти. Италијанецот го изрази своето воодушевување од Џуд Белингам, кој одигра уште еден квалитетен натпревар од почетокот на сезоната. „Тој игра феноменално, многу зрело за неговите години. Тоа е она што најмногу ме одушевува“, додаде Италијанецот.

Анчелоти призна дека му понудил избор на играч на Реал Мадрид

Бошко Тасиќ — Tue, 03 Oct 2023 03:55:03 +0000

Едуардо Камавинга е еден од играчите кои најмногу се користени од Карло Анчелоти во 2023-та година, бидејќи Французинот минатата година извршуваше задачи и кои не се карактеристични за него. Камавинга добар дел од сезоната го одигра како принудна опција на левата бековска позиција, а на ова место играше и пред неколку дена на мечот против Џирона. Едурадо повторно позитивно одговори и професионално си ја изврши задачата, но Карло Анчелоти откри дека неговиот фудбалер имал едноставен избор пред натпреварот. – Камавинга е сестран играч и може да ни помогне и како лев бек. Знам дека тоа не е природна позиција за него, но истата е добро покриена со двајца дефанзивци и Камавинга по потреба.Тој и натаму е опција за таа позиција, тој е комплетен играч и може да одговори на повеќе позиции. Кога го прашувам дали сака да игра како лев бек, или да седи на клупа, тој секогаш бира да биде лев бек, – открива Анчелоти.

Жестока караница меѓу Дон Карло и Винициус!

Бошко Тасиќ — Sat, 30 Sep 2023 04:05:29 +0000

Бразилецот Винициус Жуниор по четори меча пауза се врати во првиот тим на Реал Мадрид на мечот со Лас Палмас, меч кој “кралевите“ го добија со 2:0. Но сепак не беше се така идеално во редовите на тимот на Карло Анчелоти. Камерите за време на мечот забележаа дека нешто чудно се случува покрај аут линијата, имено во неколку наврати Дон Карло и Бразилецот жестоко се расправаат. “Мораш да играаш поотворено“ му се дерел Карло на Вини, а овој му одговорил-„Па, што сакаш од мене!“. Дека има проблеми меѓу нив двајцата говори фактот дека по завршување на мечот двајцата не се ни поздравиле, туку само се погледнале онака непријателски.

Анчелоти: Кога тимот не го прави она што треба, тоа е моја одговорност

Дарко Андоновски — Mon, 25 Sep 2023 09:49:14 +0000

Карло Анчелоти ја презеде вината за поразот на Реал Мадрид синоќа од Атлетико Мадрид. Реал загуби од Атлетико Мадрид со 1:3 во дерби натпреварот од 6. коло на Ла Лига, при што за 18 минути прими два гола. Ова е прв пораз на тимот оваа сезона по шест победи. - Можев подобро, тоа е очигледно. Кога тимот не го прави она што треба, тоа е моја одговорност. Но, тешкотиите ги прифаќам стоечки, нема проблеми. Веќе размислувам за следниот натпревар. Не одигравме многу добро на овој натпревар. Но, поентата не е во резултатот. Овој неуспех може да биде можност да се направи нешто подобро во иднина. Вознемирени сме и лути, но досега многу добро се снајдовме. Така ќе продолжи, изјави тренерот на Реал Мадрид. Следниот натпревар Реал Мадрид го игра на 27 септември на домашен терен против Лас Палмас.

Анчелоти има свој фаворит за освојување на ЛШ, тоа не е Реал Мадрид

Ристе Здравков — Tue, 19 Sep 2023 12:40:37 +0000

Карло Анчелоти ќе ја почне својата последна сезона во Лигата на Шампионите, ако се знае дека трофејниот стратег следното лето по истекот на договорот ќе го напушти Реал Мадрид и ќе се пресели на клупата на бразилската репрезентација. Искусниот стручњак е свесен дека борбата за европскиот трон е исклучително тешка, па Анчелоти за главен фаворит за трофејот не гледа својот Реал, туку актуелниот европски првак Манчестер Сити. „Сити е фаворит број еден. Англискиот гигант ја задржа речиси целата екипа со која лани ја освои титулата и дополнително се засили. Сепак, не е исто да се биде фаворит и да се триумфира на крајот, убавината на Лигата на Шампионите е токму во тие изненадувања во нокаут фазата. Ние дефинитивно нема да се предадеме, одиме чекор по чекор, најпрвин да ја минеме групата, па осминафиналето, четвртфиналето… желба ни е да играме во големото финале и да го освоиме трофејот“, изјави Анчелоти. Реал Мадрид во првото коло утре ќе се сретне со Унион Берлин, меч за кој нема да може да смета на десниот бек Карвахал.

Флорентино Перез и Анчелоти се договорија: Реал заврши со засилувањата, нема да има понуда за Мбапе

Ристе Здравков — Wed, 30 Aug 2023 12:24:49 +0000

Реал Мадрид нема намера да прави „бура“ во самата завршница од преодниот рок и воопшто нема да преговара со ПСЖ за трансферот на Килијан Мбапе. Мадридскиот весник „Ас“ пишува дека ова е одлуката на последниот состанок меѓу претседателот Флорентино Перез и тренерот Карло Анчелоти, при што било решено дека „кралевите“ не треба да влезат во пазарење со францускиот првак, кога следното лето би можеле без никаква отштета да го доведат Мбапе на „Сантијаго Бернабеу“. Планот на Реал отсекогаш бил потпис со Мбапе од 2024 година, но ова беше нарушено со неочекуваното заминување на Карим Бензема во Саудиска Арабија. „Кралевите“ останаа без класична „деветка“ со исклучок на Хоселу, Перез ги разгледал опциите на пазарот, но веќе станува јасно дека првиот човек на Реал нема намера да троши богатство летово, чекајќи догодина да го донесе својот „џек-пот“ во Мадрид. Тој ги разгледувал опциите за едногодишна позајмица на неколку врвни голгетери, сите обиди биле експресно одбивани од нивните клубови, па Перез решил да не брза. Впрочем, тој во тимот ги има Винисиус и Родриго како напаѓачи, а за следната година е договорен и трансферот на бразилскиот суперталент Ендрик, кој ќе дојде во Мадрид веднаш штом стане полнолетен. Јасно е дека ќе недостига искуство во нападот, но Флорентино нема намера да троши богатство на играч што следното лето не би бил загарантиран првотимец (кога во тимот би дошол и Мбапе), па Перез е решен дури и да се коцка со пласманот сезонава, за следното лето да формира вистински дрим-тим во Мадрид. Со друг тренер на клупата, бидејќи Карло Анчелоти останува во Реал уште сезонава, а потоа заминува на функцијата селектор на репрезентацијата на Бразил.

Анчелоти кажа зошто го пуштил Бензема и даде коментар за трансфер-маркетот: Ова е крај за нас!

Ристе Здравков — Thu, 24 Aug 2023 12:23:41 +0000

Тренерот на Реал Мадрид, Карло Анчелоти на прес-конференција зборуваше за плановите на екипата и објасни зошто го пуштил Карим Бензема да замине од клубот, а воедно додаде дека нема да ангажираат нови засилувања. Анчелоти кажа дека клубот се ослободил од Бензема затоа што сметал дека Џуд Белингам ќе биде иделно решение за негова замена, а не Виктор Осимен, како што се шпекулираше. „Клубот веруваше дека отсуството на Бензема може да се компензира со купување на Белингам“, кажа Анчелоти. Италијанскиот стратег кажа дека „кралевите“ повеќе нема да ангажираат нови фудбалери, иако се шпекулираше дека ќе купат дефанзивец и ќе тргнат по потписот на Килијан Мбапе. „Ова е крај за нас. Нема да купуваме нови фудбалери“, додаде Анчелоти.