карло анџелоти – Kurir.mk

Анчелоти: Азард ако сака да замине, нека си оди

Бошко Тасиќ — Sat, 30 Oct 2021 13:23:00 +0000

Белгискиот фудбалер Еден Азард имаше катастрофални две и пол години на „Сантијаго Бернабеу“ по скапиот трансфер од Челси, каде имаше голем број на повреди повреди и откако неодамна Анчелоти призна дека има фудбалери кои повеќе ги преферира од него, сега додава дека нема да го заддржува фудбалерот доколку тој сака да си замине веќе во јануари. „Никогаш во кариерата не сум приморал фудбалер да остане ако сакал да замине. Според мое мислење тоа нема смисла и никогаш не било под сомнеж“, вели Анчелоти. Од друга страна, Анчелоти има бесконечна доверба во Винисиус Жуниор, и потврди дека нема да го „штеди“. „Не верувам дека го туркам премногу Вини. Тој е добар, млад е и се опоравува побргу од другите. Ако има проблем или пад на формата ќе го одморам, но сега сум пресреќен од неговата форма“, додава Италијанецот.

Шериф е четвртиот клуб што го победи Реал во ЛШ под водство на Анчелоти

Тале Кристо — Wed, 29 Sep 2021 06:27:17 +0000

Екипата на Шериф Тираспол е четвртиот тим што го победи Реал Мадрид во Лигата на шампионите под водство на тренерот Карло Анчелоти. Молдавците за кои настапува македонскиот репрезентативец Бобан Николов, синоќа со 2:1 славеа сензационална победа на „Сантијаго Бернабеу“. За прв пат, Италијанецот водеше клуб од главниот град на Шпанија од 2013 до 2015 година. Тогаш Реал во две сезони загуби само од Борусија Дортмунд (во четвртфиналето на Лигата на шампионите 2013/14, но се пласира во полуфиналето), Шалке (во осминафиналето од Лигата на шампионите 2014/15, но успеа да помине во четвртфиналето) и Јувентус (во полуфиналето на Лигата на шампионите 2014/15 кога беше елиминиран). Така, Анчелоти на чело на Реал Мадрид загуби за прв пат во групата од Лигата на шампионите. Во следното коло, Реал ќе се соочи со Шахтјор на 19 октомври. По две кола во Д-групата, Шериф е прв со шест бода, Реал има три, Интер и Шахтјор освоија по еден бод.

Карло Анчелоти нов тренер на Реал Мадрид

Бошко Тасиќ — Tue, 01 Jun 2021 20:44:46 +0000

Италијанскиот стратег Карло Анџелоти е новиот тренер на шпански Реал Мадрид. Она што се шпекулираше со денови, сега го доби својот епилог. Карло Анчелоти се враќа на „Сантијаго Бернабеу“ по шест години и ќе седи на клупата на Кралскиот клуб во следните три сезони Зинедин Зидан неодамна ги напушти Кралевите со кои освои многу трофеи, а Флорентино Перез многу брзо ја најде неговата замена. Италијанскиот стручњак повторно ќе го води Реал, а сега пристигна и официјалната потврда. Анчелоти го водеше Реал Мадрид од 2013 до 2015 година, а во тој период ги освои Купот на кралот, Лигата на шампионите, како и Суперкупот на УЕФА со Кралевите. На 119 натпревари славеше на 89 од нив, додека беше поразен 16 пати, а ремизираше 14 пати