Карло Ромео – Kurir.mk

Мицкоски до Ромео: Поради неспобноста на власта, Република Македонија нема никаков напредок

Ристе Здравков — Wed, 23 Sep 2020 10:55:27 +0000

Претседателот на ВМРО-ДПМНЕ, Христијан Мицкоски заедно со потпретседателот, Александар Николоски денес остварија средба со италијанскиот амбасадор, Карло Ромео. На средба разговараа за актуелната политичка состојба во државата како и за тоа кои се приоритетите на ВМРО-ДПМНЕ како политичка партија. Претседателот Мицкоски посочи дека поради пандемијата предизивикана од КОВИД 19 државата е во тешка економска и здравствена состојба, а старо-новата влада не превзема никакви конкретни мерки се со цел да им се помогне на граѓаните како и на бизнис секторот. Во текот на средбата Мицкоски потенцираше дека во државата криминалот и корупцијата се на високо ниво и правдата важи само за некои луѓе. Имено тој укажа дека се власта дели тендери на лица блиски до власта, за тоа никој не одговара, а народот се осиромашува. -ВМРО-ДПМНЕ како политичка партија има јасни и конкретни политики кои ќе ја изнесат Република Македонија на прав пат, како и ќе имаат влијание на патот кон Европската унија, истакна Мицкоски. Претседателот Мицкоки му се заблагодари на италијанскиот амбасадор за средбата и се надева дека ваквите средби ќе продолжат и понатаму во иднина кои ќе придонесат за доброто на целата држава.

Ромео за МИА: Италија одлично се справува со состојбата со коронавирусот

Ивана Ефремовски — Tue, 03 Mar 2020 19:54:23 +0000

Италијанската Влада одлично се справува со состојбата создадена со коронавирусот, максимално е транспарента и е во постојана комуникација со меѓународните партнери. Само 0,05 проценти од италијанската територија и 0,089 отсто од италијанското население подлежат на рестриктивни мерки, истакна италијанскиот амбасадор Карло Ромео во интервју за МИА. Тој нагласи дека состојбата не е толку сериозна како што е опишано во некои медиуми, со оглед на тоа дека 80 отсто од заразените имаат само благи симптоми, 15 проценти закрепнуваат преку медицински третман и само пет отсто имаат посериозно симптоми, честопати како последица од претходно компромитирана здравствена состојба. -Сведоци сме на загрижувачко ширење на неточни и алармантни вести за состојбата во нашата земја во врска со овој здравствен проблем. Таквите вести не ја отсликуваат реалноста, а тоа е дека сепак, сериозната појава на ширењето на вирусот е во значителна мерка ограничена само на некои зони во мал број региони, нагласи италијанскиот амбасадор. Ромео изрази очекување дека мерките преземени од пријателските земји ќе се засноваат на рационалност и ќе произлезат од дијалог и од проценки засновани врз објективни и научни податоци. МИА целото интервју со италијанскиот амбасадор Карло Ромео ќе го објави утре. (МИА)

Министерката Мизрахи се сретна со италијанскиот амбасадор Ромео

Ивана Ефремовски — Fri, 24 Jan 2020 14:11:52 +0000

Односите меѓу Италија и нашата држава се солидни, но постојат конкретни услови за нивно подобрување, констатираа на денешната средба министерката за труд и социјална политика, Рашела Мизрахи и амбасадорот на Република Италија, Карло Ромео. На средбата, како што соопшти Министерството за труд и социјална политика, уште еднаш беа потврдени врските кои ги соеднуваат двете земји и беше истакната поддршката на Италија на нашиот еврионтеграциски процес. Република Италија, како што се наведува, отсекогаш била еден од нашите главни поддржувачи на патот на интеграција кон евроатлантските институции и тоа преку неопходниот внатрешен реформски процес. Министерката Мизрахи посочила дека двете држави се поврзани и со успешно спроведување на Договорот за социјална сигурност потпишан меѓу двете земји во 2014 година, кој меѓу другото вклучува задолжително пензиско и здравствено осигурување. Договорот се применува на граѓаните од двете држави и е од ислкучително значење бидејќи им дава сигурност на граѓаните кои престојуваат во другата држава. Амбасадорот Ромео соопштил дека двете држави имаат значајна традиција на соработка на политичко, економско и културно поле и цврсти билатерални врски окарактеризирани со бројни средби и институционални посети на највисоко ниво. Ромео, како што се наведува во соопштението, ја потврди и поддршката на процесите во Министерството за труд и социјална политика кои се во правец на унапредување на системот за социјална и детска заштита. (МИА)

Министерот Чулев оствари средба со италијанскиот амбасадор

Ивана Ефремовски — Wed, 15 Jan 2020 14:31:50 +0000

Mинистерот за внатрешни работи Наќе Чулев оствари средба со амбасадорот на Италија во Република Македонија Н.Е Карло Ромео. На средбата, амбасадорот Ромео беше запознаен со заложбите на министерството за внатрешни работи за организирање фер и демократски избори, како и мерките кои се преземаат за превенција од нарушување на изборниот процес. Министерот Чулев се заблагодари за поддршката што министерството за внатрешни работи континуирано ја добива во форма на обуки, проекти и ресурси од Италија. Двете страни заеднички ја потврдија заложбата за зацврстување на меѓусебна соработка во иднина.

Италијанскиот амбасадор Ромео во посета на Парламентот

Ивона Петрова — Fri, 01 Nov 2019 07:03:21 +0000

Амбасадорот на Италија во Република Македонија Карло Ромео денеска ќе го посети законодавниот дом. Како што информираат од собраниската прес-служба, амбасадорот Ромео ќе се сретне со претседателот на Пратеничката група на Собранието за соработка со Парламентот на Италија, Бетиан Китев.

Мицкоски оствари средба со амбасадорот на Република Италија во Македонија, Ромео

Катерина Бојаџиева — Thu, 29 Nov 2018 15:19:47 +0000

Претседателот на ВМРО-ДПМНЕ Христијан Мицкоски денес оствари средба со амбасадорот на Република Италија во Македонија, Карло Ромео. На средбата се разговараше за актуелните политички случувања во Република Македонија, економската состојба во државата како и реформските процеси кои се клучни за остварување на стратешките приоритети на Македонија, информираат од партијата и додаваат: „Претседателот Мицкоски го истакна политичкиот прогон кој се врши врз десетици членови на опозицијата и директниот атак врз опозициската мисла и посочи дека таквото однесување на власта ја оддалечува државата од остарување на стратешките приоритети, членството во ЕУ и НАТО. ВМРО-ДПМНЕ смета дека економската состојба во државата е значително влошена, а власта недоволно се посветува на реалните области за живот кој се од суштествено значење за граѓанинот, напоменувајќи ги големиот број на афери и сомнежи за злоупотреби на власта на штета на граѓаните“. На средбата се говорело и за понатамошно продлабочување на пријателството и соработката помеѓу Република Италија и Република Македонија како и значењето на поддршката која Македонија ја добива од Италија на патот кон членството на државата во ЕУ и НАТО.

Средба Мицкоски- Ромео: Политичкиот прогон кој го спроведува власта кон политичките неистомисленици е сериозен проблем и ја оддалечува државата од ЕУ и НАТО

Катерина Бојаџиева — Tue, 27 Mar 2018 11:28:19 +0000

Претседателот на ВМРО-ДПМНЕ Христијан Мицкоски денеска оствари средба со амбасадорот на Република Италија во Македонија, Карло Ромео. Мицкоски на средбата го запозна амбасадорот Ромео со видувањата за политичката состојба и економските случувања во државата. Претседателот на ВМРО-ДПМНЕ Мицкоски истакна дека е сериозен проблем политичкиот прогон кој го спроведува власта кон политичките неистомисленици кој меѓу другото ја оддалечува државата од стратешките цели влезот на државата во ЕУ и НАТО. На средбата се разговараше и за насилното носење на Законот за јазици кој е надвор од рамките на Уставот како и за неажурноста на Владата по однос на реформските процеси. Законот за јазици преставува подривање на уставниот поредок, но и соживотот, и внесување на поделби во граѓанското ткиво на државата, времето потрошено на тоа, значи помалку внимание за клучните реформи кои треба да го направат животот на граѓаните поквалитетен, истакна Мицкоски. Претседателот на ВМРО-ДПМНЕ Мицкоски го информираше амбасадорот за загрижувачкиот застој во економијата кој се должи на недоволната посветеност и неспособноста на владата да менаџира со државната каса. На средбата се говореше и за понатамошно продлабочување на пријателството и соработката помеѓу двете држави како и интеграциските процеси. Мицкоски истакна дека стратешки приоритет на Република Македонија е членството на државата во ЕУ и НАТО, а на тој план Владата на СДСМ има неуспех во реализација на планот 369.