Карлос Алкарас – Kurir.mk

Алкарас го губи приматот: Само чудо може да го спречи Ѓоковиќ да се врати на врвот на АТП ранкингот

Ристе Здравков — Tue, 22 Aug 2023 09:36:57 +0000

Новак Ѓоковиќ го победи Карлос Алкарас во финалето за паметење во Синсинати, но барем привремено не можеше да го преземе и првото место на АТП ранкингот. Младиот Шпанец ја задржа „пол-позицијата“ во пресрет на Ју-Ес Опен и тоа само за 20 поени кои беа недостижни за српскиот ривал, но тоа многу веројатно ќе се промени по турнирот во Њујорк. Алкарас годинава ќе ја брани титулата од минатата година на Ју-Ес Опен, што значи дека брани 2000 поени и притоа не може да заработи нови на својот ранкинг, додека секој поен на Ѓоковиќ ќе му биде додаден на неговото конто. Српскиот тенисер минатата година не настапуваше во Њујорк, па сега со една победа ќе си обезбеди враќање на првото место на АТП ранкингот по крајот на турнирот. Единствена утеха за Алкарас е што ќе биде прв носител на Ју-Ес Опен, а пласманот на големите ривали е гаранција дека можат да се сретнат само во финалето.

Првиот светски рекет Алкараз се пласираше во третото коло на Мастерсот во Париз

Тале Кристо — Wed, 02 Nov 2022 18:06:34 +0000

Шпанецот Карлос Алкарас го победи Јапонецот Јошихито Нишиока во второто коло на Мастерс 1000 турнирот во Париз со 2:0, по сетови 6:4 и 6:4. Следен противник на првиот светски рекет ќе биде Григор Димитров од Бугарија кој вечерва го победи Фабио Фоњини од Италија со 2:0, по сетови 6:0 и 7:5. АТП Ролекс Мастерс турнир во Париз се игра за награден фонд од 5,4 милиони евра. Досега од првите шест фаворитите пласман во осминафиналето обезбедија и Стефанос Циципас (5. носител), Каспер Руд (3. носител), Новак Ѓоковиќ (6. носител).

Алкарас: Ми се оствари сонот да станам прв светски рекет

Ристе Здравков — Thu, 15 Sep 2022 17:45:45 +0000

Новиот лидер на АТП ранг-листата, шпанскиот тенисер Карлос Алкарас соопшти дека му се исполнил сонот да стане најдобар. – Многу сум горд што станав број 1 во светот, мојот сон се оствари. Голема радост е да се види колку луѓе ме поддржуваат во секој момент и секој натпревар. Многу сум горд што можам да ја претставувам Шпанија каде и да одам, изјави Алкарас. Деветнаесетгодишниот Алкарас во неделата го освои Грен слемот УС опен и изби на водечката позиција на светската ранг-листа.