карлос тевез – Kurir.mk

Карлос Тевез стана тренер на Индепендиенте

Бошко Тасиќ — Wed, 23 Aug 2023 03:53:42 +0000

Аргентински Индепендиенте го именува Карлос Тевез за нов тренер на екипата. Поранешниот напаѓач на Манчестер Сити, Манчестер Јунајтед и Јувентус потпиша договор со 16-кратниот аргентински шампион. Претходно, во 2022 година Тевез кратко работеше во Росарио Централ. Минатата сезона, Индепендиенте заврши на 24. позиција од 28 тимови, шест бода од дното. Во новата сезона во првото коло доживеа пораз на домашен терен од Колон (0:1).

Тевез почнува тренерска кариера во Аргентина

Ивана Ефремовски — Tue, 21 Jun 2022 18:43:08 +0000

Поранешниот аргентински репрезентативен напаѓач Карлос Тевез (38) започнува своја тренерска кариера како прв човек на клупата на локалниот премиерлигаш Росарио Централ. Двете страни, како што јавија денеска аргентинските медиуми, потпишале договор на една година. Тевез ја заврши кариерата како фудбалер минатата година во дресот на Бока Јуниорс, клубот во кој зачекори во професионалниот фудбал, настапувајќи и за Коринтијанс, Вест Хем, Манчестер јунајтед, Манчестер сити, Јувентус и Шангај Шеншу. (МИА)

Карлос Тевез ја напушта Бока

Бошко Тасиќ — Sat, 05 Jun 2021 13:06:27 +0000

Напаѓачот на Бока јуниорс, Карлос Тевез изјави дека го напушта клубот иако не успеа да каже дека целосно се повлекува од фудбалот. Тевез, кој освои титула во Премиерлигата со Манчестер Јунајтед и Манчестер Сити и беше шампион во Серија А со Јувентус, и помогна на Бока да освои две титули откако се врати во клубот од Буенос Аирес по трет пат во јануари 2018 година. -Денес е еден од најтажните денови во мојот живот, но јас сум задоволен од мојата одлука. Јас не сум 100% психички подготвен, па чувствувам дека морам да се оддалечам и тоа е она што го правам, изјави Тевез.

Бока со понуда за Карлос Тевез

Дарко Андоновски — Tue, 23 Jun 2020 14:03:14 +0000

Бока Јуниорс му понуди нов договор на напаѓачот Карлос Тевез до крајот на 2021 година, јавуваат аргентинските медиуми. Триесет и шест-годишниот договор на Тевез со клубот истекува на крајот на месецот. Карлос се пресели во Бока во зима 2018 година, а пред тоа ги бранеше боите на Шангај, Јувентус, Манчестер Сити, Манчестер Јунајтед и други. Во сезоната 2019/20, Тевез одигра 18 натпревари на сите турнири со 9 голови и 2 асистенции.