каролин вознијацки – Kurir.mk

Се враќа Каролин Вознијацки

Тале Кристо — Thu, 29 Jun 2023 18:07:26 +0000

Данската тенисерка Каролин Вознијацки најави денеска враќање на терените, откако официјално се повлече од тенисот во јануари 2020 година. „Во текот на изминатите три години надвор од тенисот морав да го надоместам загубеното време со своето семејство, станав мајка и сега имам две прекрасни деца на кои сум им многу благодарна. Меѓутоа, сè уште имам цели кои сакам да ги исполнам“, напиша Вознијацки на својот Инстаграм профил. „Се враќам да играм и едвај чекам“, порача 32-годишната тенисерка, која во кариерата освои 30 титули, но само еден грен-слем и тоа на Австралија опен во 2018. Вознијацки во минатото мина 71 недела на чело на ВТА листата пред да се повлече на 29-годишна возраст.

Вознијацки избори четвртфинале во Пекинг

Ивона Петрова — Thu, 03 Oct 2019 08:43:06 +0000

Данската тенисерка Каролин Вознијацки ќе игра во четвртфиналето на ВТА турнирот во Пекинг, откако утринава ја совлада Катерина Сињакова од Чешка со 2-0, по сетови (7:5 и 6:4). Мечот траеше еден час и 37 минути. Следна ривалка на Вознијацки ќе биде победничката од руската пресметка меѓу Екатерина Александрова и Дарија Касаткина. Познати се првите две двојки за четвртфиналната фаза: Ешли Барти – Петра Квитова и Елина Свитолина – Кики Бертенс. Награден фонд на турнирот во кинеската престолнина изнесува 7,4 милиони долари.

Имаа непосакувани гости: Летечки мравки го земаа шоуто на мечот меѓу Вознијацки и Макарова (ВИДЕО)

Матеја Петровски — Thu, 05 Jul 2018 07:21:20 +0000

Каролине Вознијацки е најголемото разочарување на досегашниот дел од женскиот дел на Грен слемот Вимблдон. Данската тенисерка која беше втора фаворитка за трофејот не успеа да се пласира ниту помеѓу 32-те најдобри. Вознијацки вчера загуби од Русинката Елена Макарова, а за време на нивниот меч беше вознемирувана од летечки мравки. Можеби мравките се една од причината за големото изненадување кое се случи во второто коло на Вимблдон. Макарова во следната рунда ќе игра со Луси Сафарова од Чешка.

Вознијацки може да го бојкотира Мајами поради заканите кон нејзиното семејство

Матеја Петровски — Thu, 19 Apr 2018 08:51:55 +0000

Второпласираната тенисерка на Светската ранг листа најави бојкот на турнирот во Мајами следната сезона поради навредите и заканите на навивачите за време на натпреварот од 2.коло Моника Пуиг од Порторико. Данската тенисерка конечната одлука ќе ја донесе следната година пред почетокот на натпреварот. - Неколку дена по завршувањето на натпреварот спиев страшно и се чувствував многу лошо. Тенисот се смета за одличен спорт, семеен спорт за сите генерации, каде што има прекрасни навивачи и традиции. Но, она што се случи во Мајами беше страшно. Се надевам дека ова нема да се случи повторно. Играв со Елена Докич во Австралија, и имаше одлични гледачи. Иако ја поддржуваа, тие се однесуваа со почит. Тоа треба да биде така секаде, изјави Вознијацки. Во Мајами, внукот и внуката кои имаат по 10 години, плачеа по мечот. Морав да им објаснам дека ова не е нормално, а луѓето не треба да се однесуваат на овој начин. Морам да одлучам дали следната година ќе се вратам во Мајами или не? Сега не можам да дадам точен одговор, додаде данската тенисерка. 27-годишната Вознијацки загуби од Пуиг во 2.коло на ВТА турнирот кој во март се играше на Мајами, Флорида. Порториканката живее на Флорида и се чувствува како дома кога игра во Мајами. Таа има голема поддршка од навивачите. За време на мечот со неа, Вознијацки и нејзиното семејство добиваа смртни закани и навреди, а обезбедувањето не реагираше. (Mиа)