карпа – Kurir.mk

ЦУК ПРЕДУПРЕДУВА: Опасност од карпа што повеќе од 18 дена виси над автопатот Скопје-Велес по првиот тунел

Ивона Петрова — Fri, 30 Jun 2023 10:35:39 +0000

Oд Центарот за управување со кризи (ЦУК) беше испратено известување за опасност од карпа што виси над автопатот Скопје-Велес, на делот после патарината пред Велес, а после првиот тунел, до Јавното Претпријатие (ЈП) за одржување и заштита на магистрални и регионални патишта и до Јавното претпријатие (ЈП) за државни патишта. За истата опасна карпа, на бројот за итни случаи 112 во ЦУК, има повеќе јавувања - пријави од граѓани. -Ситуацијата со опасната карпа и можен одрон на дополнителен материјал од високиот масив покрај автопатот, при нејзино паѓање, налага превентивно е дека корисно во најбрз можен рок да биде извршена санација и отстранување на наведената карпа, како превенција да не дојде до загрозување на човечки живот и на уништување на материјални добра, велат од ЦУК. Конкретно, известувањето од ЦУК, до јавните претпријатија, е ургенција за преземање на мерки и активности во надлежност на јавните претпријатија за санација - отстранување на карпа што виси над автопатот Скопје-Велес, на делот после патарината пред Велес, а после првиот тунел. Имено, повеќе од 18 денови карпата е одвоена од основниот масив високо над патот и паѓаат парчиња од карпа и камења на автопатот со што директно се загрозени учесниците во сообраќајот, односно постои директна опасност по животот на луѓето и материјални добра на учесниците на сообраќајот. -Утрово од тим на ЦУК беа поминати и разгледани повеќе критични точки за можни одрони и нестабилни карпи на автопатот Скопје - Велес, при што беа забележани на повеќе локации мали карпи и камења коишто, иако се заштитени со мрежи, е можно истите да се стркалаат на брзата сообраќајна лента. По нашето неодамнешно укажување за опасност јавните претпријатија за државни патишта и за одржување и заштита и магистрални патишта препорачливо е да направат стручен надзор и да ја санираат и обезбедат состојбатата на критичните места за одрони, велат од ЦУК.

Познат идентитетот на лицето кое падна од карпа кај плажата Лабино

Ивона Петрова — Thu, 03 Nov 2022 11:20:40 +0000

Охриѓанец е тешко повреден откако вчера паднал од карпа на плажа. Од охридската полиција велат дека случајот кај нив бил пријавен во 13:00 часот. -Пријавено е дека е пронајдено повредено лице на плажата „Лабино“ на брегот на Охридското езеро во Охрид. Од извршениот увид констатирано е дека В.П.(68) од Охрид се движел покрај карпите над плажата и паднал, при што се здобил со телесни повреди, констатирани од лекар од Итната медицинска помош, информираат од СВР Охрид.

ФОТО: ЧОВЕК ПАДНА ОД КАРПА ВО ОХРИД – лицето веднаш е пренесено во болница

Магдалена Андонова — Wed, 02 Nov 2022 14:37:58 +0000

Човек паднал од карпа кај Лабино во Охрид, на тешко пристапен терен. Во спасувачката акција учествувале припадници на ТППЕ-Охрид. Брзата реакција на пожарникарите, придонела за брзо пронаоѓање на повредениот и транспорт на истиот со пловен објект. Како што обајви „Охрид1“, лицето дава знаци на живот и истото веднаш е пренесено во Општата болница во Охрид на хируршкото одделение. СВР виши увид, по што ќе се утврдат причините за несреќата.

ФОТО: Голема карпа се урна на пешачката патека покрај Брегалница кај штипско Ново Село, дадена забрана за движење

Магдалена Андонова — Tue, 14 Dec 2021 10:46:27 +0000

Голема карпа се урна на пешачката патека покрај реката Брегалница. Свлечиштето се појавило синоќа околу 22 часот и не е безбедено да се поминува и пешачи на патеката од населбата Ново Село до фитенс зоната. Вршителот на должност директор на ЈП „Стипион“, Игор Ефтимов на прес-конференцијата рече дека одронот е резултат на обилните врнежи од дожд и снег. -Бидејќи има уште надвиснати карпи на пешачката патека, ние како ЈП „Стипион“ ја блокираме патеката, односно е забранета за движење од местото каде се поставени справите, па се до Ново Село. Во првата прилика, кога стручни лица ќе кажат дека местото, каде што е одронот не е опасен за работење, со посебна машина клукач ќе гледаме да ги срушиме карпите, кои се надвиснати со цел патеката да можеме да ја ослобидиме, односно да биде слободна за движење, вели Ефтимов. На местото каде што е одронот се наоѓа и тунелот, кој води до тврдината „Исар“, токму, како што вели Ефтимов, поради овие причини ќе се ангажираат и геолози, кои треба да дадат стручно мислење. Поставени се и црвени ленти, кои пешаците и велосипедистите ги предупредуваaт дека не смеат да се движат на овој дел од клисурата на реката Брегалница, која ги поврзува населбите Ново Село и Осми Ноември. Штипјани патеката ја користат за рекрекреација во сите сезони од годината, бидејќи се поминува по живописна природа низ клисурата на реката Брегалница. (МИА)

Трагедија: Маж паднал од карпа и починал на лице место

Магдалена Андонова — Thu, 25 Feb 2021 12:24:50 +0000

Во Полициската станица Кавадарци, М.Џ.(71) од Скопје вчера попладне пријавила дека нејзиниот сопруг Е.Џ.(75), паднал од карпа кај село Кошани, на место викано „Дол“, по што починал, информираше попладнево портпаролот на СВР Велес Верољуб Додевски. Лекар од Итна медицинска помош констатирал смрт без траги на насилство. Увид извршиле јавен обвинител и увидна екипа од ОВР Кавадарци, а по наредба на обвинителот, телото на починатиот било предадено на семејството.

Смртоносно селфи: Загинала пред детето сакајќи да направи добра фотографија

Ивана Ефремовски — Tue, 15 Dec 2020 08:48:01 +0000

Австралијката Роси Лумба била со сопругот и детето кога се случила несреќата во Националниот парк Грампианс, во австралиската држава Викторија. Имено, семејството било на местото за гледање на Борок до карпа со панорамски поглед на планините и градот подолу. -Роузи се искачила игнорирајќи ги безбедносните бариери и знаците за предупредување, позирајќи на камен за фотографија, кога се сопнала на работ и паднала, пренесува Си-Ен-Ен. Сведоците слушнале како Рози вреска, но ништо не можеле да сторат. На полицијата и на државната служба за итни случаи и биле потребни шест часа да го пронајдат и извлечат нејзиното тело. Ова место е особено популарно за фотографии, брзото пребарување на ознаката за локација на Инстаграм покажува десетици фотографии на кои се гледаат луѓе на карпа, а нивните нозе висат над работ, што е крајно опасно.

View this post on Instagram

A post shared by Nato Henderson (@nato_fsu)

Познат идентитетот на повредениот планинар кој падна од карпа

Ивона Петрова — Mon, 14 Oct 2019 09:07:28 +0000

Дваесет и шест годишниот К.М. од Битола е планинарот кој е повреден вчера додека се искачувал на Пелистер. Според официјалните податоци од МВР, К.М. се искачувал по патека кон врвот ,,Илинден“ заедно со П.А.(23), М.И.(31) од Битола, Т.Х.(23) од с.Новаци, Л.К.(37) од Кавадарци и М.Р.(28) од Неготино. При искачувањето, К.М. се лизнал и паднал од карпа. Тој со хеликоптер на МВР бил пренесен во Комплекс клиники ,,Мајка Тереза’’ за укажување на лекарска помош. Увид на местото на настанот извршила екипа од СВР Битола.

Со карпа потпирал врата во домот 30 години: Не бил ни свесен дека тоа парче е нешто сосема друго и чини 100.000 долари (ВИДЕО)

Ивана Ефремовски — Fri, 05 Oct 2018 18:24:53 +0000

Карпа од 22 килограми што со децении служела за потпирање врата во Мичиген се покажа дека е метеорит вреден 100.000 долари, објави Централниот универзитет во Мичиген. Мона Сирбеску, професор по геологија на ЦМУ, постојано е замолувана од луѓе да ги испита карпите што ги носат кај неа, но досега ниту една не била карпа од вселената. За изминативе 18 години, според неа, за ниту една од карпите не било потврдено дека е метеорит. Но, сето тоа се сменило кога била замолена да ја испита неверојатно обликуваната голема карпа што еден човек од Мичиген, кој не сакал да биде именуван, ја чувал изминативе 30 години. -Можам веднаш да кажам дека ова е нешто посебно, рече Сирбеску. По тестирањето, таа утврдила дека станува збор за метеорит што се состои од 88,5% железо и 11,5% никел. Со тежина од 22 килограми, тоа е шестото најголемо снимено откритие во Мичиген – чија потенцијална вредност е 100 000 долари. -Тоа е највредниот примерок што некогаш сум го држела во рацете – и според паричната, но и научната вредност, рече Сирбеску. За двојна верификација, парче од карпата е испратено до Смитсонијан институтот во Вашингтон, каде што беше потврдено дека е всушност метеорит.

ВИДЕО: Несреќа за време на фотосесија, згодната манекенка падна во море

Ивона Петрова — Sat, 17 Feb 2018 13:26:56 +0000

Американскиот топ-модел Кејт Аптон паднала од карпа во морето додека се фотографирала „топлес“ на островот Аруба за списанието „Спортс Илустрејтед“. Во видеото таа е качена на карпа, во златни гаќички за капење и без градник на себе... Фотосесијата не траела долго. Додека Кејт била потпрена на реквизит за седење, еден соработник се приближил да и каже нешто, и токму тогаш еден бран ја поклопил и ја турнал во водата. Помошникот се обидел да ја фати, но не успеал. За среќа, карпата не била висока, а и морето не било длабоко, па манекенката не е сериозно повредена.