карпи – Kurir.mk

Одрон од карпи го отежна сообраќајот на овој патен правец – возете внимателно!

Ивана Ефремовски — Sun, 31 Jan 2021 19:28:01 +0000

АМСМ соопшти дека вечерва, поради одрони од карпи и земја, сообраќајот на патниот правец Струмица – Берово над рудникот Огражден се одвива отежнато. Поради врнежите, АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите.

ТРАГЕДИЈА: Најмалку 19 загинати во одрон на карпи во рудник за мермер во Пакистан

Магдалена Андонова — Tue, 08 Sep 2020 08:12:25 +0000

Најмалку 19 работници загинаа, а голем број други се повредени при одрон на карпа во рудник за мермер во северозападен Пакистан, соопштија денеска локалните власти, пренесе ДПА. Во текот на ноќта падна огромен камен врз работниците во областа Мохманд, во провинцијата Кибер-Пахтунква, изјави началникот на локалната полиција Тарик Хабиб. -Карпата ги затрупа работниците и го блокира влезот во рудникот. Работниците неколку часа беа заробени внатре, рече Хабиб. Германската агенција, цитирајќи го спасувачот Билал Фаизи, пренесува дека повредените и мртвите биле извлечени од рудникот по неколкучасовни напори -Бројот на загинати може да се зголеми бидејќи некои од работниците се уште се заробени, рече шефот на локалната администрација Ифтихар Ахмед. Опасните услови за работа и лошите безбедносни режими секоја година во Пакистан убиваат стотици работници, кои работат во рудници за јаглен, смарагд, мермер и сол, појаснува ДПА. (МИА)

Рид од карпи се сруши на патот Кочани – Македонска Каменица – Делчево, еве до кога ќе биде затворен патот

Дарко Андоновски — Thu, 11 Jul 2019 11:43:01 +0000

Цел рид од карпи се сруши на патниот правец Кочани – Македонска Каменица – Делчево во близина на село Истибања, кај местото „Саваро“ со што целосно е прекинат сообраќајот на патниот правец Кочани – Македонска Каменица – Делчево. Според информациите од вработени во Македонија пат теренот е незбезбеден, камења се рушат на секои 5 минути и затоа возилата се пренасочуваат преку алтернативни сообраќајници. -Свлечиштето започнало да се руши околу 11 часот. Во тоа време имало само една цистерна која поминувала по патот, но кога видела дека паѓаат огромни камења возачот го запрел возилото. За среќа нема повредени. Од безбедносни причини патот е затворен за сообраќај, информираат од подружницата на ЈП „Македонија пат“ во Кочани. На терен се наоѓа и државниот инспектор за сообраќај и патишта кој врши увид на местото и со дополнителни информации се најавуваат во текот на денов. Од Македонија пат најавуваат дека во наредните два-три дена патниот правец Кочани – Македонска Каменица – Делчево ќе биде затворен за сообраќај, бидејки ќе биде потребно минирање на останатиот дел од свлечиштето, а дополнително ќе следи и расчистување на теренот. Сообраќајот ќе се одвива по алтернативни патишта, за патнички и полутешки моторни возила праку Виница-Бигла –Делчево, а за товарни моторни возила од сите категории Виница – село Смојмирово – -Делчево. Забраната важи додека не биде тргната од државниот инспектор за патишта и другите надлежни институции.