карпош 4 – Kurir.mk

ВИДЕО: Пепел и жештина по пожарот во станот во Карпош, станарот во болница – го спасил пожарникар

Дарко Андоновски — Fri, 24 May 2019 10:38:59 +0000

„Досие“ објави ексклузивна видео снимка од изгорениот стан во Карпош 4, откако утрово се запалила најверојатно плинска боца во станот во една од зградите „близначки“. Голем дел од станарите биле евакуирани, додека сопственикот бил спасен од еден пожарникар, при што бил однесен во болница.

ВИДЕО: Извлечен сопственикот на опожарениот стан во Карпош 4

Дарко Андоновски — Fri, 24 May 2019 09:11:00 +0000

Пожарникарите го извлекоа сопственикот на опожарениот стан во една од кулата близначки, информира екипата на Слободен печат која е на терен и будно ја следи ситуацијата. На сопственикот на станот веднаш му беше укажана прва помош на лице место. За потсетување, станува збор за стан на 16-ти кат, а неофицијално пожарот е предизвикан од плинска боца. Голем дел од станарите се евакуирани од зградата, а пристигната и брза помош, која на возмирените станари им пружа соодветна медицинска нега.

ФОТО: Гори стан во една од трите убавици во Карпош 4

Дарко Андоновски — Fri, 24 May 2019 08:57:53 +0000

Околу 10.00 часот се запалил стан во една од зградите „близначки“ во населбата Карпош 4. Според информациите на екипата на „Слободен печат“ од терен станува збор за стан на 16-ти кат, а неофицијално пожарот е предизвикан од плинска боца. Од запалениот стан пожарнирите со крајни маки успеале да го спасат сопственикот кој од терасата барал помош. Голем дел од станарите се евакуирани од зградата, а пристигната и брза помош, која на возмирените станари им пружа соодветна медицинска нега. Во зградата, поточно во станот на поткровјето се пробиваат 3 противпожарни екипи. Нивната бројност од минута во минута се зголемува, поради сложената пристапност на зградата, а на помош е повикана и екипа од базата во „Автокоманда“ од каде пристигна возило со високи скали за да може да се интервенира со шмрк доколку е потребно.

За Шилегов „Карпош 4“ не е приоритет за чистење од снег

Предраг Кукиќ — Fri, 11 Jan 2019 13:07:49 +0000

Вчера во Централниот дневник на 1ТВ, новинарската екипа беше во „ЦУКС“ каде што му постави одредени прашања и на градоначалникот на Град Скопје, Петре Шилегов кој ја нагледуваше ситуацијата на сообраќајните патишта по градот од таму. Новинарот при интервјуто со Градоначалникот на Град Скопје му постави прашање – „Што е со тоа на тротоарите, бидејќи граѓаните верувам дека сте активни на социјалните мрежи ве критикуваа постојано како секоја претходна локална власт во однос на чистењето на конкретно и на улиците и на тротоарите? Еве јас како не можев буквално пешачки премин да поминам во „Карпош 4“ што е со тој дел?“ „Ние имаме приоритети во дејствувањето на зимската служба на Градот Скопје, најпрвичен приоритет е да овозможиме непречен сообраќај по главните градски сообраќајници. Тоа е како примарна активност, а секундарна односно второстепена активност на градските зимски служби е да се префрлат на непреченото движење на пешаците и на велосипедистите. И веќе во текот на денешниот ден во попладневните часови започнавме со расчистување на тротоарите и на пешачките зони, и на велосипедските зони во малиот триинг, на Партизанска кон Центар нели Илинденска така што очекувам веќе дека во текот на утрешен ден ќе имаме една беспрекорна состојба која што се однесува на сообраќајници меѓутоа и на пешаците“ – одговори Шилегов.

Деветнаесет годишна тинејџерка прегази старец во Карпош 4

Дарко Андоновски — Fri, 18 May 2018 09:21:13 +0000

На крстосницата од бул.„Партизански Одреди“ со ул.„Никола Парапунов“ во Скопје вчера околу 10.50 часот И.С. (19) од Скопје, управувајќи патничко возило „Фиат“ со скопски регистарски ознаки, удрила во пешакот Л.Ф. (81) од Скопје. Од ударот, Л.Ф. се здобил со тешки телесни повреди и со возило на Итна медицинска помош бил пренесен во Градска општа болница „8-ми Септември“. По укажаната лекарска помош тој бил препратен на Клиника за торакална хирургија при комплексот клиники „Мајка Тереза“ на понатамошно лекување. Увид на местото на настанот извршила екипа од СВР Скопје.

Внимавајте на милениците и децата: Во Карпош змија отровница слободно се шета по тротоар (ФОТО)

Дарко Андоновски — Thu, 26 Apr 2018 14:42:56 +0000

На социјалните мрежи денеска се појавија нови фотографии на кои јасно се гледа како повторно во центарот на Скопје, поточно во населбата Карпош 4 слободно се шета змија оттровница. Фотографиите ги објавија револтираните граѓани кои во Карпош ја затекнале змијата пред нивната зграда и се обиделе да ја убијат но не успеале. -Драги пријатели, Не се разбирам многу во влекачи и змии, но во Карпош 4 во близина на кејот на Вардар (и тоа на тротоарот пред зграда) е видена змија, не е мала, не знам дали е отровна или не, во секој случај е језива, па само да ви кажам внимавајте на своите миленици и дечиња. Под оваа објава стојат и неколку коментари дека змијата е отровница.