карта – Kurir.mk

ВИДЕО: Возачите на ЈСП од директорот се принудени да продаваат билет за кеш без да издадат фискална сметка

Магдалена Андонова — Sun, 27 Nov 2022 18:28:16 +0000

ВЕЛАТ НА ЛАГАТА И СЕ КРАТКИ НОЗЕТЕ, А ЈАС ВЕЛАМ НЕКОМУ Е КРАТОК ПАМЕТОТ , А ДОЛГ ЈАЗИКОТ, стои во Фејсбук статусот на Ленин Јовановски, директор на компанијата „Слобода превоз“. Тој објави видео запис во автобус на ЈСП во кој нема фискален апарат, а возчот му продаде билет за кеш без да му издаде фискална сметка. - Ова нешто е пракса во СЕКОЈ автобус на ЈСП , каде возачите од директорот на ЈСП се принудени ова незаконито продавање да го прават баш вака. И сеа МАЌЕО шу праиме ? КРАДЕЦОТ ВИКАЛ НА ЦЕЛ ГЛАС ДРЖТЕ ГО КРАДЕЦОТ, додава Јовановски во својата објава.

Објавена картата на најчести презимиња во Европа, еве кое е во Македонија

Ивона Петрова — Fri, 25 Nov 2022 10:56:21 +0000

Популарната страна на интернет „Terrible Maps“ објави карта на најчести презимиња во европските држави. Според оваа карта најчестото презиме во Македонија е Стојановски. Истото го потврдуваат и поадтоците со кои располага Државниот завод за статистика. Во Хрватска најчесто презиме е Хорват, во Србија Јовановиќ. Димитров е најчесто презиме во Бугарија. На Твитер заедницата особено им се допаднал податокот дека презимињата во Исланд децата ги добиваа како комбинација од името на татктоо со додаток Твитерашите -sson за синови и -dóttir за ќерка.

Most popular last names throughout Europe pic.twitter.com/UFRcqHj7aq
— Terrible Maps (@TerribleMaps) November 23, 2022

Продолжува да провоцира: Ангел Џамбаски со карта на Голема Бугарија (ФОТО)

Тале Кристо — Thu, 14 Jul 2022 07:39:26 +0000

Европратеникот Ангел Џамбаски на профилната фотографија на социјалните мрежи ја накити со карта од Голема Бугарија, во која ја вметнал и територијата на Република Македонија. Под неа Џамбаски порачува да „не се предава Македонија“ и дека „борбата продолжува“. Денеска во македонското Собрание ќе се одржи 80 седница на која ќе се обрати претседателката на Европската комисија Урсула фон дер Лајен, а по неа на пратениците ќе им се обрати и премиерот Димитар Ковачевски. Пред Собранието во 12 часот ќе започне големиот народен протест, со кој граѓаните повторно ќе порачаат дека се против францускиот предлог и бугаризацијата на Македонија.

Германците ќе плаќаат девет евра за месечна карта за јавен превоз

Магдалена Андонова — Fri, 20 May 2022 11:00:26 +0000

Германскиот Парламент усвои пакет мерки за економска помош за граѓани погодени од високата инфлација, вклучувајќи и воведување месечни карти за јавен превоз од само девет евра во целата земја, јавија локални медиуми. Владата ќе издвои 2.5 милијарди евра со цел да ја надомести загубата на приходите на превозниците. Пакетот вклучува и даночни намалувања за бензинот и дизелот за кварталниот период, со што данокот на енергенсите се спушти на минималното ниво дозволено во Европската Унија. Мерката има за цел да ги намали цените на нивоата пред кризата. Меѓутоа, тоа е сега контроверзно, со оглед на тоа што цените значително паднаа во Германија, по првичниот раст поради руската инвазија на Украина. Мерката за поевтини месечни карти за јавен превоз, предложена од страна на германската левичарска коалиција, за цел има да поттикне што повеќе лица да не се возат со автомобили, да преминат на користење поеколошки начин на транспорт. Продажбата на карти во целата земја започнува уште в понеделник. Конзервативната опозиција ја критикуваше мерката, според која, билетите се „брзо решение“, што ќе ги растовари корисниците на јавен превоз, на сметка на индустријата и се ризикува да дојде до трајна штета на секторот. (МИА)

Најскапата карта на „Луфтханза“ чини 22.700 евра, еве за која дестинација е летот

Ивона Петрова — Fri, 20 May 2022 06:40:21 +0000

Билет во двонасочна насока, во прва класа од Сан Франциско до Франкфурт во мигов е најскапиот продаден од германската „Луфтханза“ – за неверојатни 24.000 долари (22.700 евра), соопшти шефот на авиокомпанијата, додавајќи дека местата за неа постојано се распродаваат. Карстен Шпор, извршен директор на „Дојче Луфтханза АГ“, ја наведува „астрономската“ цена како пример за тоа како авиокомпанијата закрепнува од пандемијата побрзо од очекуваното. Тоа особено оди многу добро на линиите до и од Северна Америка. Според Шпор, авиокомпанијата го зголемила бројот на дестинации во и од САД на 25 линии – повеќе отколку пред Ковид-кризата. Сега за воздухопловната индустрија како целина, нагласува тој, нагласката е на подобрување на доверливоста и точноста што беа погодени поради недостигот на персонал.

Митјиланд во Белград се извини за објавената карта на Србија без Косово

Магдалена Андонова — Thu, 04 Nov 2021 09:58:37 +0000

Данскиот фудбалски клуб Митјиланд пред вечерашното гостување во Белград го нарече „ненамерна грешка“ објавувањето карта на која Косово е претставено одвоено од државните граници на Србија. – Ги видовме реакциите во српските медиуми на нашата објава на социјалните мрежи. Сакаме да им се извиниме на сите. Во прашање е ненамерна грешка. Нашите уредници на социјалните мрежи ја презедоа картата од „Гугл“ несвесни за ситуацијата во вашата земја, без каква и да е намера да провоцираме, изјави портпаролот на Митјиланд, Мадс Јакобсен. - Веруваме и се надеваме дека јавноста во Србија ќе има разбирање за оваа, повторувам, ненамерна грешка. Имаме само изрази на почит кон Србија и нејзиниот народ, додаде Јакобсен. Митјиланд вечерва и гостува на Црвена ѕвезда во Белград во рамки на групата Ф во Лига Европа, а пред натпреварот данскиот клуб на социјалните мрежи ги праша своите навивачи дали знаат во кој град игра нивниот вечерашен противник, предизвикувајќи негативни реакции во белградските медиуми поради објавената карта на која Србија и Косово се претставени одвоено. (МИА)

Австриската министерка за интеграција ја брани „картата на политичкиот ислам“

Тале Кристо — Tue, 01 Jun 2021 07:14:13 +0000

Австриската министерка за интеграција, Сузана Раб, во денеска објавените коментари застана во одбрана на контроверзната „карта на политичкиот ислам“, што беше објавена на Интернет кон крајот на мај. -Ова во никој случај не е општо сомневање во муслиманите, изјави Раб за германскиот весник „Дие Велт“. „Станува збор за заедничка борба против политичкиот ислам како плодна почва за екстремизам“, додаде таа. Претставници на австриската опозиција и муслиманските групи го критикуваа фактот дека картата ги покажува сите исламски организации, без разлика на тоа дали имаат исламистички антидемократски склоности. Интерактивната карта „сведочи за очигледната намера на владата да ги обележи сите муслимани како можна опасност“, одговори Муслиманскиот совет во соопштението пренесено од француските медиуми. Мапата прикажува 623 муслимански организации, здруженија и џамии и нивните седишта во Австрија, и е создадена за Центарот за документирање за политичкиот ислам, основан во 2015 година како независен фонд на Република Австрија. Муслиманското здружение на млади во Австрија во саботата соопшти дека ќе поднесе жалба против картата. Специјалниот претставник на Советот за антисемитска и антимуслиманска омраза и злосторства, Даниел Хелтген, изјави дека многу муслимани се чувствуваат жигосани и загрозени од објавувањето адреси и други детали. -Овој проект, што ги идентификува муслиманите со исламистите, е во спротивност со политиката за интеграција, изјави портпаролката на Партијата на зелената интеграција, Фаика Ел-Нагаши. Министерката Раб ги отфрли критиките дека мапата може да ги загрози муслиманските претставници. -Ако некој каже дека сака да формира муслиманска организација, но не сака никој да знае, па дури и да не знае што прават и кои се тие, тогаш тоа го покажува точно проблемот – имено, дека повеќе сакате да проповедате во приватните задни соби, рече таа. Картата, исто така, е во интерес на муслиманите кои не сакаат да имаат никаква врска со екстремистичките склоности, додаде таа. -Тие, исто така, треба да знаат во која џамија одат и кои структури и идеологии стојат зад неа, изјави Раб. Конзервативниот канцелар Себастијан Курц редовно го критикува „политичкиот ислам“. По првиот напад на џихадистите на австриско тло што се случи во ноември, дојде до зголемување на бројот на вербални и физички напади врз муслиманите во оваа централноевропска земја. Советот на Европа вчера ја повика Австрија да ја повлече картата.

Рама: Картата со промена на границите од регионот постои!

Тале Кристо — Sat, 17 Apr 2021 08:56:09 +0000

Албанскиот премиер Еди Рама при своето гостување во емисијата „Избори 20121“ на „Визијон плус“ телевизијата потврди дека картата со промена на границите од регионот на Западен Балкан постои. Рама откри дека картата ја видел и претходно пред да биде поврзана со предлогот на словенечкиот премиер Јанез Јанша. -Разговарав со него многу одамна. Го видов и овој документ што излезе. Немам коментар, рече Рама. Во четвртокот, словенечкиот портал „Нецензурирано.си“ објави документ според кој, се предлага редефинирање на границата на Косово и Србија, обединување на Косово со Албанија, обединување на делови од Црна Гора и Северна Македонија со албанско мнозинство со Албанија, можност за отцепување на Република Српска од Босна и Херцеговина и обединување на делови од западна Босна со Хрватска. ЕУ веќе неколку пати рече дека не знае за таков документ. Словенечкиот премиер Јанез Јанша, чија земја ќе претседава со Европската унија во втората половина на оваа година, напиша дека тврдењата за таков документ се дејствија насочени кон „штета на Словенија во ЕУ“. -Словенија сериозно бара решенија за развој на регионот и европската иднина за земјите од Западен Балкан и токму таквите пишувања се обидуваат да ја спречат оваа цел, напиша тој на социјалните мрежи. Во меѓувреме, албанскиот премиер тврди дека картата постои.

Грчка карта на СФРЈ од 1974 година на која пишува Македонија

Александар Михаилов — Tue, 16 Jan 2018 09:47:34 +0000

Кристофер Пурдеф, православен ѓакон од американската сојузна држава Охајо, постира на „Твитер“ карта на поранешна Југославија од средината на 1970-тите, на која пишува Македонија за тогашната најјужна република. „Очигледно, во 1974. Грција немала проблем со Македонија“, прокоментира тој во придружниот текст на мапата. Малку подоцна Пурдеф со нов аргумент за грчкиот однос кон идентитетот на соседот од север пред четири децении – извадок од книга во кој на грчки се наведени јазиците во тогашна СФРЈ, меѓу кои и македонскиот.