касарна – Kurir.mk

Мароканци упаднале во касарната Илинден

Тале Кристо — Sat, 01 Jul 2023 14:33:47 +0000

На 30.06.2023 во 18.00 часот во касарната Илинден од полициски службеници од Единицата за интервентна полиција при СВР Скопје биле лишени од слобода Ф.А.(26) и М.Е.(21), двајцата од Мароко, кои претходно од вработените биле затекнати во кругот на касарната. Тие биле спроведени во Транзитниот центар Табановце за понатамошна постапка.

КУРИР ДОЗНАВА: Од магацинот на Охридската касарна било украдено оружје со кое може да се вооружи цела чета

Ристе Здравков — Sat, 16 Apr 2022 14:09:04 +0000

Магацинот во склоп на Охридската касарна ,,Михајло Апостолски'' бил составен од три простории во кои се чувала поголема количина на сандаци со боева муниција 7.62, рачни бомби и гранати сопственост на Полициската страница од општа надлежност од Охрид, дознава Курир од свои извори. Од извор кој беше вклучен во увидот констатирано е дека одземени се поголем број на сандаци со боева муниција 7.62мм, поголема количина на сандаци со рачни бомби и гранати и друга опрема. -Кражбата е извршена со возило кое било паркирано до оградата од касарната која пред неколку дена била исечена, по што сторителите со употреба да подесен предмет ја обиле главната врата од магацинот и го одзеле оружјето. Од СВР Охрид незнаат колкава количина на оружје е одземено, поради тоа што немале евиденција колку оружје имало внатре во магацинот. Се шпекулира дека високи структури односно старешини од Р.Ц. Запад индирекно се вмешани во кражбата. Не се само шок бомби... вели извор за Курир.

Десетици загинати украински војници во руски напад врз касарна во Николаев

Дарко Андоновски — Sat, 19 Mar 2022 13:22:25 +0000

Десетици војници се убиени откако руски војници нападнаа украинска воена касарна во јужниот град Николаев, изјавија денеска очевидци за западни медиуми додека трае спасувачката операција. Според нив, во касарната имало околу 200 војници вчера во момент кога била нападната од руски војници. Извлечени се најмалку 50 тела, тврдат тие и додаваат дека бројот на загинати е над 100. Властите се уште не објавија официјален број на загинати.

ФОТО: Изгорениот автобус пренесен во поранешна касарна во Перник

Тале Кристо — Wed, 24 Nov 2021 14:37:12 +0000

Изгорениот автобус во кој што настрадаа 45 македонски граѓани, а кој вчера вечерта беше извлечен од автопатот Струма, е однесен во дворот на поранешна воена касарна во Перник, јавува бугарската телевизија „Нова“. Делницата од автопатот во насока кон Дупница останува затворена уште најмалку 1-2 дена, изјави градоначалникот на рударскиот град, Станислав Владимиров, пренесува „Нова“.

Непознати лица се движеле кон влезот на касарната Илинден, стражарот испукал предупредувачки куршум

Тале Кристо — Thu, 07 Oct 2021 15:25:19 +0000

На 06.10.2021 во 22.40 часот во СВР Скопје, дежурниот старешина во касарна Илинден пријавил дека стражар – војник, кој бил на стражарско место од страна на ул.„Македонско- косовска бригада“, испукал еден предупредувачки куршум откако кон неговото стажарско место се движеле две машки лица, кои не застанале и продолжиле со движење и по неговото предупредување, по што слушнал неколку истрели од страна на лицата. Полициски службеници излегле на местото и била пронајдена една чаура. Се преземаат мерки за расчистување на случајот.

Две лица ја ограбиле касарната Ќојлија, еве што е пронајдено кај нив

Ивана Ефремовски — Sun, 05 Sep 2021 15:38:24 +0000

На 04.09.2021 во 21:00 часот од полициски службеници од Полициското одделение Петровец биле лишени од слобода Ш.С.(38) и Б.С.(35) двајцата од с.Петровец поради постоење основи на сомнение дека истиот ден извршиле кривично дело “тешка кражба“ во касарната Ќојлија. Кај нив биле пронајдени и одземени поголема количина разновиден алат и други предмети. По целосното расчистување и документирање на случајот ќе следи соодветен поднесок.

Одбележување на Денот на Првата пешадиска бригада

Ивона Петрова — Fri, 02 Apr 2021 05:11:35 +0000

Припадниците на Првата пешадиска бригада (1.пбр) денеска во касарната „Страшо Пинџур” во Петровец со воена свеченост и со почитување на здравствените протоколи за заштита од КОВИД-19 ќе го одбележат Денот на единицата. По тој повод ќе се обратат министерката за одбрана Радмила Шекеринска, началникот на Генералштабот, генерал-потполковник Васко Ѓурчиновски и командантот на Бригадата – бригаден генерал Бесник Емини. Како што соопшти Министерството за одбрана, ќе бидат соопштени стимулативни мерки на припадниците на единицата за постигнатите резултати. За Ден на 1.пбр е одреден датумот 2 април кога овааа единица ги презеде задачите и одговорностите на двете поранешни бригади, со што стана најголемата борбена единица со застапеност на повеќе армиски родови. – Во состав на Првата пешадиска бригада е најголемата декларирана единица – лесниот пешадиски баталјон. Таа е препознатлива не само по стекнатото искуство и учество во мировните операции во Авганистан и Ирак, ангажирањето на јужната граница, високите резултати од реализираните оценувања и вежбовни активности, туку и со постојаната несебична помош и асистенција на граѓаните и институциите на Република Северна Македонија секогаш кога тоа е потребно, наведува Министерството за одбрана.

Касарната во Велес секое утро го загадува градот – жителите со прашања до Шекеринска дали таа го одобрува загадувањето (ФОТО)

Дарко Андоновски — Wed, 31 Mar 2021 07:24:49 +0000

Револтирани жители на Велес утрово до редакцијата на КУРИР испратија фотографии и допис во кој тврдат дека од касарната во градот секо утро се шири загаден смог кој е штетен за сите. Граѓаните преку фотографии тврдат дека станува збор за некаков вид на чад кој се испушта со согорување на нешто недозволиво. Тие ја прашуваат и министерката за одбрана дали знае за оваа ситуација и дали ја одобрува истата?

При експлозија во касарна на Пале повредено едно лице

Тале Кристо — Fri, 24 Apr 2020 06:32:34 +0000

Во кругот на касарната на Вооружените сили на Босна и Херцеговина „Милош Обилиќ“ на Пале синоќа се случи експлозија, при што е повредено едно лице, соопшти сараевската полиција. Повредениот е хоспитализиран. Неофицијално, повреден е војник по експлозија на бомба и е вон животна опасност. Се уше нема официјални податоци за инцидентот.

Во изолација во Пепелиште сместени само неколку лица: Условите се ужасни, ќе се разболиме (ВИДЕО)

Ивона Петрова — Wed, 18 Mar 2020 06:41:04 +0000

Музичари од Битола кои се враќале од Австралија се дел од околу 200-те патниците кои вчера допатуваа во Македонија преку граничниот премин Деве Баир, откако не им беше дозволен влз во Србија од Унгарија. Иако властите најавија дека сите лица ќе бидат сместени во групен карантин во касарната во Пепелиште и за тоа се обезбедени услови, деветте музичари тврдат дека само тие се наоѓаат на касарната. Членовите на оркестарот синоќа преку социјалните мрежи објавија видео во кое ги споделуваат нивните искуства за тоа во какви услови се сместени истакнувајќи дека се сместени во студени простории, креветите и перниците не се чисти, а низ просторијата шетаат црви и други инсекти.