Касемиро – Kurir.mk

Касемиро ќе биде нов капитен на Бразил

Бошко Тасиќ — Sat, 25 Mar 2023 05:28:48 +0000

Фудбалската репрезентација на Бразил и уште е во потрага по нов селектор, па додека се најде решение селекцијата ќе ја предводи Рамон Менезес кој назначи нов капитен за утрешниот меч против Мароко. Ветеранот Тијаго Силва е повреден и го пропушта овој собир и сега одговорноста на лидер ќе ја има асот на Манчестер Јунајтед, Касемиро. -Се чувствувам подготвен и благодарен сум на довербата. Ако има и друг капитен, нема да има проблем затоа што јас сум еден од лидерите и имам слобода да зборувам како капитен пред групата.Тите имаше своја фудбалска филозофија и тоа мораме да го почитуваме, посебно ние поискусните фубалери. Почитта на теренот треба да се заслужи, -порача големиот борец

Касемиро го издвои играчот кој посебно го импресионирал во Јунајтед

Бошко Тасиќ — Mon, 02 Jan 2023 07:46:13 +0000

Искусниот Бразилец со секое ново издание потврдува зошто Манчестер плати 70 милиони евра за неговиот ангажман, па иако многумина велеа дека тој не може да се вклопи во фудбалската филозофија на Тен Хаг, работата на теренот покажува нешто друго. Касемиро полека прераснува во вистински лидер во средниот ред, а додека навивачите се воодушевени од него, тој открива дека посебно е импресиониран од еден свој соиграч. Бразилецот имаше можност да соработува со најголемите фудбалски ѕвезди во Реал Мадрид, па затоа неговата изјава за Маркус Рашфорд привлекува големо внимание во јавноста. – Ќе бидам нависитна искрен со вас. Навистина останав изненаден од тоа каков играч е Маркус Рашфорд. Кога го гледав однадвор, можев да заклучам дека е добар играч, но сега кога го гледам секој ден, ќе кажам дека може да биде во топ 5 најдобри во светот. Знае на неверојатен начин да ја шутне топката, силен е и брз, луцидно мисли и најмногу ме изненади откако сум тука, – открива Касемиро за бразилски „ЕСПН“.

Касемиро и Модриќ уште на полувремето ги заменија дресовите! (ФОТО)

Ристе Здравков — Fri, 09 Dec 2022 16:30:23 +0000

Поранешните клупски колеги, Лука Модриќ и Касемиро по крајот на првото полувреме ги променија дресовите. Вообичаено тоа се прави по последниот судиски свиреж, но Модриќ и Касемиро решија уште по првите 45 минути да ги сменат дресовите.

Бразил е во осминафинале, Касемиро го проби швајцарскиот бедем

Ристе Здравков — Mon, 28 Nov 2022 18:01:02 +0000

Бразил е вториот осминафиналист на Светското првенство. После светскиот првак Франција и „кариоките“ ја остварија втората победа на Мундијалот совладувајќи ја Швајцарија со 1:0. Без повредениот Нејмар, избраниците на Тите долго бараа решение за одбраната на Швајцарците, ја проби прво Винисиус Жуниор, но голот не беше признат поради офсајд ситуација во која се најде претходно Ришарлисон. Конечно, во 83.минута, Касемиро ја презеде улогата на Нејмар, распали откосо од левата страна во шеснаесетникот и погоди во спротивниот агол за водство и триумф на Бразил. Швајцарците сега ќе имаат пресметка во третото коло против Србија за пласман во нокаут фазата од втората позиција.

Касемиро за засилувањето на Јунајтед: Многу е важно што имаме играч со таков квалитет

Ристе Здравков — Wed, 14 Sep 2022 17:19:09 +0000

Касемиро ја започна оваа сезона во Реал Мадрид, но потоа стигна повикот од Манчестре Јунајтед, повик кој не го одби и направи трансфер на „Олд Трафорд“. Бразилецот се уште нема влезено во посакуваниот ритам, односно допрва се очекува најдоброто од него или поточно она што со години го правеше во дресот на „кралевите“. Меѓутоа големиот борец е задоволен од тоа како течат неговите први недели во клубот од Манчестер. -Ме натераа да се чувствувам удобно овде од првиот ден. Навистина сум среќен со моите соиграчи, тие секогаш ми помагаат. Тренерскиот тим секогаш ми ги објаснува работите јасно, ми оди навистина добро и многу сум среќен, -рече Касемиро кој упати комплименти за неговиот сонародник Антони кој исто притигна во клубот во текот на летниот преоден рок. -Мислам дека е навистина важно да имаме таков квалитетен играч овде [како Антони] со нас. Го знаев веќе од националниот тим. Тој играше со нас во Бразил, секогаш е важно да има играчи на нивото на Антони, заклучи Бразилецот.

Само што дојде, а веќе пет пати во едно интервју Касемиро им се извини на „црвените ѓаволи“

Ристе Здравков — Thu, 25 Aug 2022 14:44:42 +0000

Касемиро е и официјално фудбалер на Јунајтед и веќе на следниот меч тој ќе им биде на располагање во Премиерлигата. Касемиро прилично ја изненади фудбалската јавност ова лето кога реши да го напушти Реал Мадрид и да се пресели во Манчестер Јунајтед. Бразилецот во понеделникот го следеше дербито на Јунајтед со Ливерпул, во кој неговиот нов тим победи со 2:1, а тој е веќе дел од тренинзите и наскоро ќе биде достапен. Во интервјуто за Манчестер Јунајтед, тој неколкупати се извинуваше до навивачите што не знае доволно англиски, но и тоа дека неговиот едногодишен син знае повеќе од него. „Мојата сопруга зборува англиски, имам седумгодишна ќерка и едногодишен син, кои зборуваат подобро англиски од мене. Навистина ми е жал заради тоа, им се извинувам на навивачите, но ќе го исправам тоа, веќе земам часови и сакам што побрзо да ја совладам јазичната бариера“. „Сакам да ја научам овдешната култура и на тој начин да им се заблагодарам на сите овде. Ветувам дека следното интервју ќе ми биде подобро, уште еднаш се извинувам“, порача Касемиро.

Касемиро заплака за време на прошталната церемонија во Реал Мадрид

Тале Кристо — Mon, 22 Aug 2022 12:42:49 +0000

Играчот од средниот ред Касемиро не можеше да ги задржи солзите за време на прошталната церемонија во Реал Мадрид. Триесетгодишниот Бразилец заплака додека се присетуваше на неговите настапи во клубот. – Тука поминав неверојатни моменти. Заминувам со спомени од последниот трофеј во Лигата на шампионите што го освоивме. Со Модриќ и Крос неизмерно уживав во фудбалот. Сакам да појаснам дека еден ден ќе се вратам да им возвратам на љубовта на навивачите, да продолжам да му помагам на овој клуб. И она што го научив овде ми даде сила да продолжам да играм во голем клуб како Манчестер јунајтед. Ти благодарам претседателе, со тебе напред, овој клуб ќе има светла иднина и ќе продолжи да победува. Хала Мадрид! – изјави Касемиро. На 19 август Манчестер јунајтед го објави купувањето на Касемиро од Реал Мадрид. Според порталот „Трансфермаркт“, сумата на трансферот изнесувала 70,65 милиони евра.

ГОТОВО Е: Касемиро за 60 милиони го засилува Манчестер Јунајтед!

Ристе Здравков — Fri, 19 Aug 2022 14:18:28 +0000

Фабрицио Романо потврди дека Касемиро наскоро ќе биде претставен како ново засилување на Манчестер Јунајтед. Бразилецот ќе стави потпис на четиригодишен договор, со опција да продолжи уште една сезона. Реал Мадрид ќе добие 60 милиони евра и дополнителни десет милиони во вид на бонуси. За време на викендот ќе се комплетираат деталите, како работната виза и медицинските прегледи. Тимот од „Олд Трафорд“ добива огромно засилување, со големо искуство и високи фудбалски квалитети. 30-годишникот потекнува од школата на Сао Паоло. Од 2013 година е дел од Реал Мадрид, а краток период помина на позајмица во Порто.

Колку ќе заработи Касемиро за пет години во Манчестер Јунајтед?

Ристе Здравков — Fri, 19 Aug 2022 14:10:17 +0000

Манчестер Јунајтед е блиску до соработка со Касемиро, кој важи за еден од најдобрите играчи за врска на денешницата. Бразилецот изненадувачки ќе си замине од Реал Мадрид, со кој освои голем број титули. Сега е подготвен за нов предизвик, што го потврди и тренерот на мадриѓани, Карло Анчелоти. Шпански „АС“ ја открива сумата која наводно бразилскиот ас ќе ја заработи за пет години на „Олд Трафорд“. Се споменува бројка од сто милиони евра бруто плата која ќе ја потроши премиерлигашот за новото летно засилување. Од Англија, пак, пишуваат дека екипите преговараат за трансфер кој ќе вреди околу шеесет милиони евра.

Касемиро не сака да оди во Јунајтед

Ивона Петрова — Wed, 17 Aug 2022 10:27:27 +0000

Фудбалерот од средниот ред на Реал Мадрид, Касемиро не планира кариерата да ја продолжи во Манчестер јунајтед. Според новинарот Лукас Наварете, клубот од „Олд Трафорд“ се уште не испратил понуда до Реал Мадрид за трансфер на Бразилецот, но доколку Манчестер сепак одлучи да го купи Касемиро, играчот ќе одбие. Актуелниот договор на Касемиро со Реал Мадрид е до летото 2025 година. Вредноста на трансферот на Касемиро се проценува на 40 милиони евра. Фудбалерот со Реал Мадрид има освоено 18 трофеи.