кашкавал – Kurir.mk

Италијанец загина потрупан со пити кашкавал, до телото дошле по 12 часа

Ивона Петрова — Tue, 08 Aug 2023 06:42:55 +0000

Италијанец загина откако во неговиот магацин во областа Ломбардија се скршиле повеќе полици и врз него паднале поголем број пити тврд кашкавал „Грана падано“, секоја тешка по 40 килограми. Според членовите на противпожарната служба, биле потребни 12 часа за да се дојде до телото на потрупаниот Џакомо Чипарини (75). Некои од питите наводно паднале од височина од околу 10 метри.

Макарони со кашкавал! Лесно се прават, а вкусот е неверојатен (ВИДЕО)

Ристе Здравков — Thu, 03 Aug 2023 07:31:44 +0000

Ако сакате да направите вкусна вечера набрзина, тогаш можете да подготвите макарони со кашкавал Состојки: 225 гр макарони 295 g рендано остро сирење чедар, поделено 115 гр чедар 2 лажици пченкарен скроб 1 лажица несолен путер 1 лажичка сенф во прав 1/2 лажичка мелен пипер 360 мл млеко 360 мл крем за готвење 1 јајце 200 гр моцарела 55 гр пармезан Подготовка: Сварете ги макароните, па процедете ги. Во сад измешајте ги ренданата моцарела, чедарот и пармезанот. Посипете со скроб и добро измешајте. Во тавче растопете го путерот, а потоа додадете го сенфот и мелениот пипер. Промешајте, па истурете го кремот за готвење и млекото. Варете додека не почне да врие, а потоа додадете малку од смесата во садот во кој сте го изматиле јајцето. Промешајте, па полека додадете го јајцето во сосот. Погрижете се да работите брзо бидејќи јајцето не смее да се превари и да се претвори во кајгана. Енергично промешајте, па тргнете од шпорет. Додадете ја смесата со кашкавал во врелиот фил (оставете малку да се нароси одозгора). Добро измешајте и кога кашкавалот целосно ќе се растопи додадете ги макароните. Посолете и смесата истурете ја во огноотпорен сад. Посипете со кашкавалот што сте го оставиле на страна и печете во загреана рерна на 180 степени околу 20 минути.

ПЛЕСКАВИЦА ПОЛНЕТА СО КАШКАВАЛ! Вкусно и сочно, сигурно нема да ве разочара!

Ристе Здравков — Mon, 27 Mar 2023 08:01:10 +0000

Со мека текстура и полн вкус, овие плескавици се лесни за подготовка и се вистински хит за скара што можете да го подготвите и на грил тавче… Уживајте! Со додавање на презла, јајце, ворчестер сос, млеко и лук во прав, овој рецепт создава совршена основа за сочни плескавици. Во центарот на секоја се додава парче чедар, кое се топи за време на печењето, создавајќи прекрасен вкус и кремаста текстура. Со неколку прилози по избор, овие хамбургери се идеален оброк за семејството или пријателите. Состојки: 500 гр мелено говедско месо четвртина чаша презла помало јајце лажичка ворчестер сос лажичка млеко 100 гр чедар сирење малку лук во прав сол, бибер Подготовка: Ставете го месото во поголем сад, додадете ги презлата, јајцето, ворчестер сосот, млекото, лукот во прав, солта и биберот, па сè добро измешајте. Поделете на четири дела, направете топчиња, сплескајте ги со дланките, па во средината ставете малку чедар сирење. Завиткајте ги краевите на месото, а потоа формирајте плескавици. Печете на скара или во грил тава на умерена температура, додека не поруменат од двете страни. Послужете во лепчиња, со прилози по ваш избор.

КРЦКАВ ОД НАДВОР, МЕК ОД ВНАТРЕ! Похован кашкавал кој се топи во устата

Ристе Здравков — Thu, 09 Mar 2023 15:11:38 +0000

Мезе во кое ќе уживаат сите членови на домаќинството и гостите, похован кашкавал кој се топи во устата. СОСТОЈКИ: 500 гр кашкавал (како гауда) 3 јајца 100 гр презла 100 гр брашно 500 мл масло за пржење Подготовка: Исечете го кашкавалот на стапчиња или листови со дебелина од околу 1 см. Во една чинија ставете брашно, во друга презлата, а во третата изматените јајца со малку сол. Се валка кашкавалот во јајцата, па во брашното, па во презлата, па повторно во јајцата, па во презлата. Пред пржење ставете ги во замрзнувач еден час за да се растопи рамномерно. Пржете на врело масло на умерен оган 5 минути, превртивајќо ги од сите страни да поруменат.

Прсти да излижеш: Похован кашкавал како оние на македонските свадби (РЕЦЕПТ)

Ристе Здравков — Tue, 27 Dec 2022 08:33:37 +0000

Сите го обожаваат Состојки: 500 гр кашкавал 2 јајца 5 лажици брашно 10 лажици пченкарен гриз Подготовка: Кашкавалот се сече на дебели парчиња, се валка прво во брашно во малку посолени изматени јајца и убаво се валка во пченкарно брашно. Се редат во плех и се ставаат во замрзнувач 2-3 часа убаво да се замрзне. Се пржат на врело масло додека не поруменат.

Одлична идеја: Крцкав леб полнет со кашкавал и лук

Магдалена Андонова — Tue, 08 Nov 2022 15:17:35 +0000

Покрај состојките предложени во овој рецепт, можете сами да изберете и да додадете намирници што ги сакате Совршена комбинација на наједноставните состојки ќе ви овозможи вкусна вечера без многу напор. Топен кашкавал и лук со малку мирис на пиперка го претвораат обичниот леб во совршена закуска. Покрај состојките предложени во овој рецепт, можете да изберете и да додадете намирници што ги сакате. Можеби малку пршута? Состојки: Помала векна леб, погача или друг леб по ваш избор 200 гр рендана гауда 150 гр фета сирење 60 гр путер 2 чешниња лук Пиперка Лажица сецкан магдонос Подготовка: Измешајте го путерот со столчениот лук и магдоносот, завиткајте го во фолија и ставете го во фрижидер. Исечете го лебот по должина неколку пати, длабоко околу пет сантиметри, а потоа по ширината. Не засекувајте до крај за да остане како едно парче. Измешајте го ренданиот кашкавал и издробената фета со ситно исечканата пиперка. Пополнете ги процепите со листови од разладениот ароматичен путер и подготвениот фил. Ставете го на плех за печење, покријте го со фолија и печете во рерна загреана на 180 степени околу 15 минути. Одмотајте ја фолијата и печете уште 10 минути. На здравје!

Сирењето и кашкавалот стануваат луксуз, цените на млечните производи дополнително ќе растат

Магдалена Андонова — Fri, 14 Oct 2022 07:59:56 +0000

И натаму ќе растат цените на млечните производи, поради намаленото производство на млекото во државата, скапите енергенси, ама и поскапата работна рака. Најавено е поскапување од дури 20 проценти до крајот на годината, пренесува „Фактор.мк“. Од Млекара АД Тетово, за порталот изјавиле дека имало се’ помалку квалификувани работници кои достигнуваат до 70 проценти од европските плати. Така да, во следниот период ако сакаме да јадеме кашкавал и млеко, ќе треба да одвоиме повеќе пари од нашите месечни примања за обезбедување на овие млечни производи.

НОВ УДАР НА ГРБОТ НА ГРАЃАНИТЕ: Поскапуваат млечните производи, сирењето и кашкавалот ќе станат луксуз!

Ивана Ефремовски — Sat, 17 Sep 2022 07:21:40 +0000

Поскапуваат дел од млечните производи од следната недела. Вакво предупредување добиле дел од трговците. Дел од млекопроизводителите за Телма потврдија дека од понеделник млекото ќе има нова повисока цена. За колку точно ќе се зголеми не се знае, а причината за растот се скапите енергенси. „ВО СИТУАЦИЈА КОГА ИМАМЕ КОНТИНУИРАН БРАН ПОСКАПУВАЊА ВО СИТЕ ПРОИЗВОДНИ СЕГМЕНТИ, ПОЧНУВАЈЌИ ОД ПРИМАРНОТО МЛЕКОПРОИЗВОДСТВО И ЗГОЛЕМУВАЊЕТО НА ЦЕНАТА НА ДОБИТОЧНАТА ХРАНА, ШТО СЕ ОДРАЗИ СО ЗГОЛЕМУВАЊЕ НА ОТКУПНАТА ЦЕНА НА МЛЕКОТО ЗА 40% САМО ОД АВГУСТ ЛАНСКАТА ГОДИНА ДО ОВОЈ АВГУСТ, КАКО И ПОВЕЌЕКРАТНИОТ РАСТ НА ЦЕНИТЕ НА ЕНЕРГЕНСИТЕ, БИМИЛК КАКО ОДГОВОРНА КОМПАНИЈА И НАЈГОЛЕМ ПРОИЗВОДИТЕЛ НА МЛЕКО И МЛЕЧНИ ПРОИЗВОДИ ВО ТЕКОТ НА ЦЕЛИОТ ПЕРИОД ОД ПОЧЕТОК НА КРИЗАТА ИМА НАПРАВЕНО НЕОПХОДНИ КОРЕКЦИИ НА ЦЕНАТА НА СВОИТЕ ПРОИЗВОДИ.И НИЕ КАКО ОСТАНАТИТЕ ВО ИНДУСТРИЈАТА ГИ ОЧЕКУВАМЕ НАЈАВЕНИТЕ МЕРКИ ЗА ПОДДРШКА НА БИЗНИС СЕКТОРОТ ЗА ДА ОВОЗМОЖИМЕ ПОИЗЕДНАЧЕНА ПОЗИЦИЈА ВО ЛАНЕЦОТ НА МЛЕКОПРОИЗВОДСТВО“, СЕ ВЕЛИ ВО ДОПИСОТ ОД БИМИЛК, пренесе ТЕЛМА. Има најави дека ќе поскапат и сирењето, кашкавалот и јогуртот. „ГРАЃАНИТЕ БИ ТРЕБАЛО ДА ОЧЕКУВААТ, ПО БЛАГ РАСТ НА ЦЕНИТЕ. ТРЕБА ВО ОДРЕДЕНИ СИТУАЦИИИ ДА СТРАВУВАМЕ. ВЕЌЕ СЕ НАВИКНАВМЕ, НО НЕ ОЧЕКУВАМ НЕШТО СТРАШНО ИЛИ НЕКОЕ АПОКАЛИПТИЧНО СЦЕНАРИО ДА НИ СЕ СЛУЧИ, НО ДЕКА ОВАА ЗИМА ЌЕ БИДЕ ТЕШКА“, ВЕЛИ ЗА ТЕЛМА ПРОФЕСОРОТ АБИЛ БАУШ. Растот на цените на производите ја вивна и инфлацијата. Според статистиката во август годинава достигна речиси 17 проценти. Според Бауш постепена стабилизација би имало дури во 2024 година. Млечните производи како сирењето и кашкавалот веќе имаа неколку поскапувања. Килограм сирење и килограм кашкавал, со уште повисоки цени, ќе станат луксуз за македонските граѓани!

Украдени 230 килограми кашкавал од камион

Катерина Бојаџиева — Tue, 31 May 2022 06:57:47 +0000

Во западногерманската покраина Сар од камион паркиран на автопат на место за одмор украдени се 230 килограми кашкавал. Крадците успеале да го земат холандскиот кашкавал едамер за време на викендот. Нејасно е како на прометно место незабележително е ограбен камионот со кашкавал. Полицијата не знае колку е вкупната вредност на украдениот производ. Камиони потешки од 7,5 тони не смеат да се движат по германските автопатишта во недела. Често, возачите се принудени да го прекинат возењето и да паркираат на места за одмор.

Тиквички со кашкавал и шунка, подгответе брзо и лесно

Ивона Петрова — Thu, 19 May 2022 11:10:51 +0000

Тиквичките се омилен летен зеленчук од кои може да направите разна храна. Ви предлагаме рецепт за ролнички од тиквичка полнети со кашкавал и шунка, ова е супер предјадење кога се работи за прослави, а може да ги подготвите и како лесна вечера. Состојки: 2 тиквички 200 гр. кашкавал по избор 150-200 гр. шунка 200 гр. презла оригано домат Подготовка: Тиквичките исечете ги на широки ленти со дебелина од околу 3 мм. Ставете ги во тава за печење (може да биде обложена со хартија) на која претходно сте ставиле малку зејтин. Посолете и печете на 180 степени околу 15 минути. По печењето, тиквичките валкајте ги во презлата во која претходно ќе го ставите ориганото. Кашкавалот и шунката исечете ги тенко на ленти и ставете врз тиквичката, па потоа завиткајте ролничка. Во огроотпорен сад ставете зејтин и малку презла, а потоа наредете ги ролничките од тиквичка и одозгора ставете парче домат. Печете на 180 степени околу 30 минути. Добар апетит.