каснување – Kurir.mk

Благ тренд на зголемување на нападите од бездомни кучиња врз луѓе

Магдалена Андонова — Tue, 08 Nov 2022 12:24:51 +0000

Директорот на Центарот за управување со кризи (ЦУК) Стојанче Ангелов денеска информира дека се забележува благ тренд на зголемување на нападите од бездомни кучиња врз луѓе. Денеска, како што посочи тој на прес-конференцијата во ЦУК, на координативната средба со претставници на МВР, АХВ, на ЗЕЛС, на Град Скопје, на Лајка, на Анима Мунди, Ветеринарна комора и Кинолошкиот сојуз се разговарало за овој, како што рече, исклучително комплексен проблем кој бара интердисциплинарно решение. Според анализите од МВР кои ги побара ЦУК за нападите од улчични кучиња во последните три години, Ангелов вели дека податоците се навистина сериозни. Имено, според податоците од МВР, во 2020 госдина има 1 062 напади од бездомни кучиња врз луѓе, во 2021 година има 1 315 пријавени напади, во 2022 година до крајот на октомври 1 283 напади на кучиња. Или, вкупно 3 660 напади за последните три години. – За да биде состојбата посериозна, од овие напади врз луѓе, 498 се деца. Ако на тоа додадеме дека има одредена бројка на напади кои ги немаме во систем тогаш состојбата е уште поалармантна. Притоа вкупните бројки во последните три години по градови – во Скопје – 1 853 напади од кучиња, во Кичево – 439, Велес – 250, Струга – 177, Тетово – 170, Битола – 149, во Прилеп – 122, Гостивар – 98, Куманово – 75, Охрид – 50, рече Ангелов. Од неформални информации, како што посочи, во одредени општини бројот на напади е значително поголем од пријавените напади. – Во Скопје сметаме дека аналитиката и статистиката се најпрецизни, каснатите граѓани се поучени од страна на адвокати дека за секој напад на куче може да добијат одредена оштета што ги мотивира граѓаните да ги пријавуваат сите напади. Ги повикувам сите засегнати граѓани кои ќе бидат нападнати од улично куче да го пријават нападот на бројот 112 од страна на МВР ќе бидат преземени сите соодветни мерки и на тој начин ќе воспоставиме и пообјективна контрола врз бројот на напади на улични кучиња врз граѓани на цела територија на државата, рече Ангелов. Стратешки момент на кој треба да работиме организирано, рече Ангелов, е масовна стерилизација на уличните кучиња. – Потребна е едновремена акција, а кога би била на идеален начин паравена би можеле отприлика за три месеци околу 75 посто од кучињата да бидат стерилизирани. Со 75 посто стерилизација на уличните кучиња нивниот број нагло ќе падне бидејќи нема да можат да се размножуваат, вели Ангелов.

Скопје: Во еден ден пријавени три случаеви на каснување од куче

Магдалена Андонова — Sat, 21 May 2022 10:03:55 +0000

На 20.05.2022 во 19.30 часот во Полициската станица Центар, И.К.(39) од Скопје пријавила дека на ул.„Димитрија Чуповски“ била касната од куче скитник. На 20.05.2022 во 14.30 часот во Полициската станица Аеродром, Г.Ѓ.(33) од с.Долно Лисиче, скопско, пријавил дека во с.Долно Лисиче бил каснат од куче скитник. На 20.05.2022 во 20.23 часот во Полициската станица Аеродром, С.А.(42) од Скопје пријавил дека на ул.„Анастас Митрев“ бил каснат од куче скитник.

Две лица од Аеродром пријавиле дека биле каснати од куче

Магдалена Андонова — Sun, 09 Jan 2022 11:51:44 +0000

На 09.01.2022 во 02,00 часот во Полициската станица Аеродром Г.С.(49) од Скопје пријавил дека на ул.“Васко Карангелески“ бил каснат од куче скитник. На 08.01.2022 во 17,00 часот во Полициската станица Аеродром С.Ц.(19) од Скопје пријавила дека на бул.“АСНОМ“ била касната од куче скитник.

За еден ден три пријавени случаи во Скопје за каснување од куче: Oва се локациите

Магдалена Андонова — Tue, 09 Nov 2021 11:23:19 +0000

Три случаи на каснување од куче биле пријавени во Скопје во текот на вчерашниот ден. Имено од МВР известуваат дека на 08.11.2021 во 12.30 часот во СВР Скопје, Г.С.(51) од Скопје пријавил дека на бул.„Илинден“ бил каснат од куче скитник. На истиот ден во 14.20 часот во СВР Скопје, С.Т.(59) од Скопје пријавил дека на ул.„Кеј Димитар Влахов“ бил каснат од куче скитник, а во 18.45 часот во СВР Скопје, Н.Н.П.(47) од Скопје пријавила дека на ул.„Милан Мијалковиќ“ била касната од куче скитник.

Две лица од Скопје пријавиле дека биле каснати од куче

Магдалена Андонова — Sun, 12 Sep 2021 11:28:42 +0000

На 11.09.2021 во 19.15 часот во СВР Скопје, Р.Е.(40) од Скопје, пријавил дека на ул.Кеј Димитар Влахов бил каснат од куче скитник. На 12.09.2021 во 00.20 часот во СВР Скопје, А.М.(33) од Скопје пријавил дека на ул.Иван Хаџиниколов бил каснат од куче скитник.

Двајца скопјани каснати од куче

Ивона Петрова — Thu, 15 Apr 2021 09:08:30 +0000

Два случаи на каснување од куче регистрира полицијата во текот на вчерашниот ден. Првиот случај е пријавен 13 часот во Полициската станица Карпош, А.М.(33) од Скопје пријавил дека на бул.„Партизански одреди“ бил каснат од куче скитник. Околу 14.50 часот во Полициската станица Ѓорче Петров, В.Т.(42) од Скопје пријавила дека на ул.„Пекљане“ била касната од куче сопственост на В.П. од Скопје. Во двата случаи од полицијата информираат дека се преземаат мерки за расчистување.

Во Тетово нови два случаи на каснување од бездомни кучиња

Магдалена Андонова — Tue, 26 Jan 2021 11:25:23 +0000

Во полициската станица во Тетово вчера се пријавени два случаи на каснувања од бездомни кучиња, на булеварот „Благоја Тоска“. Вчера (25 јануари) во 12 часот, К.М.(23) од Тетово во СВР Тетово пријавила дека на улица „Благоја Тоска“ во Тетово била касната од куче-бездомник. Во 12 часот и 55 минути, А.Б.(34) од Тетово во СВР Тетово пријавилa дека на улица „Благоја Тоска“ во Тетово билa каснатa од куче-бездомник, информира денеска СВР Тетово. Секој ден во текот на мината недела тетовци пријавуваа напади од бездомни кучиња, а еден од нив беше токму на булеварот „Благоја Тоска“. На крајот од октомври завршија средствата предвидени со последниот трет тендер на Општина Тетово. Со сите три тендери беа третирани околу 300 кучиња. (МИА)

4 природни лекови против каснувања од комарци

Магдалена Андонова — Mon, 24 Aug 2020 10:59:25 +0000

Го смируваат чешањето, црвенилото, отокот и воспалението на кожата по каснување од комарец Во лето поминуваме повеќе време надвор. Во текот на оваа сезона, многу инсекти може да ве каснат и да предизвикаат проблеми со кожата и алергии. Комарците се едни од најчестите напаѓачи кои нè вознемируваат летото на плажа, во градината, во паркот или кога сме на отворено. А особено периодов кога има наезда на комарци. Каснувањата од инсекти предизвикуваат чешање, црвенило, оток, болка и плускавци кои можат да се шират доколку не се лекуваат правилно. За да го смирите воспалението и реакцијата на телото на убодот, пробајте некои ефективни природни лекови против каснувања од инсекти. Мед Придобивките од медот се многубројни. Ја смирува кожата, нежно ја храни и ја хидрира, а неговите моќни антиинфламаторни и антибактериски својства го потиснуваат воспалението и ја штитат кожата од инфекции. Соединенијата во медот го потиснуваат ослободувањето на воспалителни ензими, со што се потиснува избезуменото чешање, црвенило, оток и непријатност. Алое вера Гелот од алое вера е ефикасно средство за ублажување на иритациите на кожата, изгореници и каснувања од инсекти. Природниот гел од алое содржи активна супстанција алоин, која има антиинфламаторни својства. Ги стимулира природните процеси на заздравување на кожата, го намалува чешањето и црвенилото. Гелот од алое вера е исто така погоден за себороичен дерматитис, егзема, шушкање и чешање. Ја навлажнува многу длабоко и ја смирува кожата. Камилица Камилицата ја смирува кожата поради нејзините антиинфламаторни својства. Со векови, таа е дел од народната медицина во целиот свет, заради нејзината ефикасност во олеснување на инфекции на кожата и воспаленија. Лушпата од камилица исто така помага при каснување од инсекти. Го смирува отокот, црвенилото, го намалува чешањето и го стимулира телото да се справи со проблемот побрзо. Овесни снегулки Ситно мелено овесна каша со малку вода е паста со моќни антиинфламаторни и смирувачки својства за кожата. Масажата со овес ја подобрува сувоста на кожата, го намалува флекирањето и грубоста, го смирува чешањето.

Доколку ве касне оса никако не ја правете оваа грешка на која не учеле постарите

Дарко Андоновски — Sun, 08 Sep 2019 15:45:20 +0000

Каснувањето на јазикот или усната се смета се едно од најопасните, заедно со каснувањето на капакот, очната јаболчица или на вратот. Кога одите во природа, корисно е да знаете со кого ќе морате да ја делите ливадата. Некои од нејзините жители повремено му нанесуваат сериозна штета на здравјето. Дознајте како да ги избегнете нападите на инсектите што имаат осило и отров и како да ги лекувате нивните каснувања. Осите се исклучително агресивни инсекти, кои не напаѓаат само при отворена опасност за својата колонија туку и кога ќе почувствуваат вибрација од чекори, гласна музика или гласови, кога ќе видат светлина од логорски оган или, едноставно, доколку им се причини дека постои закана. Осите напаѓаат одвоено или во цел рој. Не боцкаат само со осилото вшприцувајќи отров туку истовремено и касаат. Имаат мазно осило, кое не останува во раната и затоа жртвата може да ја боцнат многупати едноподруго. Отровот има парализирачко дејство. Иако нема доволно за да може комплетно да го парализира човекот, може да предизвика силна болка и оток, а понекогаш и сериозна алергија, која може да се развие речиси до Квинкеов едем (оток на кожата и слузокожата на гастроинтестиналниот тракт, јазикот, гласните жици и гркланот, кои се јавуваат повремено и во неправилни растојанија), со смртоносен исход. Поради тоа лицата алергични на каснување од оса не треба да излегуваат во природа без антихистаминици во облик на инјекции. Доколку осата го нападне човекот во близината на своето гнездо, не треба да се обидувате да ја убиете, зашто на исфрлањето на феромонот на осата што умира ќе слета цел рој. Најдобро е да одите што подалеку од неа. Особено треба да бидете внимателни на пикник кога ја распоредувате храната, бидејќи осите со задоволство се гостат со неа, па случајно може да ја ставите во уста заедно со парче месо, колаче или лубеница. Осите сакаат и да се кријат во зрна од грозје правејќи невидливо дупче за да стигнат внатре и да го изедат слаткиот мек дел, па во таков случај многу е тешко да се забележат. ВНИМАНИЕ! Не употребувајте алкохол по каснување. Присуството на алкохол во крвта ја забрзува апсорпцијата на отровот. Извор: Убавина и здравје

Расно куче нападна и касна 9- годишно дете во Скопје

Катерина Бојаџиева — Sat, 12 May 2018 11:14:05 +0000

Деветгодишно дете синоќа во Скопје било каснато од куче, при што добило видливи повреди на десната подлактица. Како што пишува во полицискиот билтен, синоќа во 21:20 часот во Полициската станица Гази Баба, Г.Д. (41) од Скопје пријавила дека истиот ден околу 19 часот на улицата „Франц Лист“ од расно куче во пределот на десната подлактица бил каснат нејзиниот деветгодишен син, при што му биле нанесени видливи повреди. Се преземаат мерки за расчистување на случајот.