Каспер Кисум – Kurir.mk

Каспер Кисум и наредната сезона во Еурофарм Пелистер

Бошко Тасиќ — Thu, 08 Jun 2023 20:30:15 +0000

Данскиот ракометен интернационалец, Каспер Кисум ќе го носи дресот на Еурофарм Пелистер и во натпреварувачката 2023/2024. Левиот бек кој пристигна во Битола на почетокот на годината ја прифатил понудата од македонскиот првак и уште најмалку една кампања ќе биде дел од нашиот прволигаш. Кисум е играч кој има сериозно искуство со настапи во неговата татковина, Германија и Франција, па дефинитивно ќе биде од голема помош при настапот во ЛШ. Кога се во прашање пак новите имиња Пелистер засега само го има потврдено ангажманот на Нејц Цехте.

Каспер Кисум вечерва на прв тренинг со Еурофарм Пелистер

Тале Кристо — Thu, 09 Feb 2023 18:38:13 +0000

Данскиот интернационалец Каспер Кисум ги мина медицинските тестови по пристигнувањето во Македонија и денес официјално беше претставен пред медиумите во Битола. Триесетгодишниот Кисум доаѓа во Еурофарм Пелистер од Сондерјиске и попладнево за првпат ќе тренира со своите нови соиграчи. Неговото деби се очекува в сабота на натпреварот против Бутел Скопје. - Многу сум среќен што сум тука и моите први импресии се многу позитивни. Ги запознав луѓето до клубот, а попладнево првпат ќе тренирам со новите соиграчи. Малку видов од градот, убав е, а и ми допаѓа времето тука. Подобро е отколку во Данска. Едвај чекам да започнам да играм. Не сум играл со македонски играчи, главно не ги познавам моите нови соиграчи. Секако дека го знам Себастијан Хенеберг, игравме еден против друг во Данска. Но, разговарав со мои колеги, кои играле со некои ракометари на Еурофарм Пелистер во други клубови, а и гледав три натпревари на мојата нова екипа. Ми изгледа како добра екипа и едвај чекам да започнам да работам. Со нетрпение чекам да заиграм во нашиот дом во Битола. Слушав многу за публиката тука, за атмосферата која ја прават домашните навивачи и позитивната атмосфера. Верувам дека ќе започнам со победа во Суперлигата и Европската лига, изјави Кисум Тренерот на битолчани, Ларс Валтер, очекува најновото засилување да бид еод голема помош и во напад и во дефанзива. - Каспер е скоро два метри, може да игра лев и среден бек, а и игра одбрана на позициите 3, 4 и 5. Искусен ракометар е, играл во Флензбург, Штутгарт, Тулуз.. и не му треба треба многу време да се навикне на нас. Верувам дека веднаш ќе ни помогне, рече Валтер.

Данецот Кисум нов ракометар на Еурофарм Пелистер

Бошко Тасиќ — Sun, 05 Feb 2023 16:13:21 +0000

Македонскиот вицешампион Еурофарм Пелистер ги засили своите редови со искусниот 30-годишен дански ракометар Каспер Кисум, соопшти попладнево битолскиот клуб. Кисум, кој игра на позицијата лев бек, доаѓа во Битола од редовите на данскиот прволигаш Сондерјуске, а во кариерата претходно настапуваше за Рингештед, Нордсјаленд, Флензбург, Битенфелд, Хановер и Тулуз. Новото данско засилување во текот на идната недела ќе му се стави на располагање на тимот и тренерот Ларс Валтер. Кисум е втор дански ракометар во редовите на Еурофарм Пелистер, чиј дрес сезонава го носи и неговиот сонародник Себастијан Хенеберг.