Каспер Руд – Kurir.mk

Каспер Руд повторно во финалето на Ролан Гарос

Бошко Тасиќ — Sat, 10 Jun 2023 05:54:45 +0000

Светскиот рекет број 4 Каспер Руд од Норвешка се квалификуваше за своето второ последователно финале на Ролан Гарос победувајќи го 27-то на АТП рангирањето, Германецот Александар Зверев во полуфиналето со 6-3, 6-4, 6-0. Во неделното финале Руд ќе се соочи со Србинот Новак Ѓоковиќ, кој ќе се обиде да стане првиот човек кој освоил 23 Грен слем титули. Норвежанецот така по трет пат стигна до финалето на Грен слем, а вторпат по ред ќе игра во големото финале на Ролан Гарос. Руд минатата година во финалето на Париз беше поразен од Рафа Надал, а сега ќе игра против Ѓоковиќ, кој го победи на сите четири натпревари. Уште полошо за Руд е што не освои ниту сет во тие четири обиди.

Руне со пресврт преку Руд до финале на Мастерсот во Рим

Бошко Тасиќ — Sat, 20 May 2023 16:32:16 +0000

Холгер Руне е првиот финалист на АТП Мастерс турнирот во Рим, откако ја доби скандинавската пресметка со Каспер Руд (2-1). Данецот покажа дека е во налет, па откако го исфрли и првиот светски рекет Новак Ѓоковиќ ќе се бори за трофејот на овој турнир. Руд отвори добро, првиот сет беше целосно израмнет, па влезе во тај-брејк. Во него норвешкиот ас беше далеку посигурен, па со 7-2 дојде до предност во сетови (0-1). Дури и во вториот Руд направи брејк, меѓутоа потоа дозволи два и Руне дојде до израмнување со 6-4. Одлучувачкиот сет беше и најкраток. Данскиот тенисер со два одземени гема на противнички сервис направи разлика и со 6-2 ја потврди победата.

Гарин го исфрли Каспер Руд од Индијан Велс

Бошко Тасиќ — Mon, 13 Mar 2023 05:37:34 +0000

Чилеанскиот тенисер Кристијан Гарин изненадувачки го совлада Каспер Руд на АТП Мастерсот што се игра во Индијан Велс, Сад. Руд е четврти на АТП листата и беше трет носител на овој престижен турнир. Гарин е 97. тенисер во Светот и успеа да го мине големиот фаворит за точно два часа активна игра и славеше со 2-0 во сетови (6-4 и 7-6/2). Каспер Руд продолжува да игра во лоша форма годинава, а Чилеанецот Гарин сигурно ќе добие нови поени по турнирот, по што ќе забележи скок на АТП листата.

Каспер Руд ќе го предизвика Ѓоковиќ за титулата во Торино

Бошко Тасиќ — Sun, 20 Nov 2022 07:37:24 +0000

Каспер Руд со 6:4 и 6:2 го совлада Русинот Андреј Рубљов и в недела од 19.00 часот за титулата ќе игра против српскиот ас Новак Ѓоковиќ. Норвежанецот во финишот од сезоната ја потврди фантастичната форма уште во групата. Првиот сет беше решен со брејкови за 3:2 и 5:2, а немаше многу неизвесност ни во вториот. Руд двапати му го одзема сервисот на ривалот, поведе со 4:0, па 5:1, а Рубљов освои три врзани гемови и го натера противникот барем малку да се помачи до триумфот.Турнирот во Торино годдинава се игра за награден фонд од 14.750.000 долари

Руд се пласираше во полуфиналето и го елиминираше Надал на завршниот Мастерс

Бошко Тасиќ — Wed, 16 Nov 2022 05:56:55 +0000

Каспер Руд втора година по ред ќе игра во полуфиналето на завршниот Мастерс, откако со победата над Тејлор Фриц си го обезбеди првото место во зелената група. Без оглед на резултатите на последниот натпреварувачки ден од групната фаза, Руд ќе игра меѓу четирите најдобри и нема да мора да дава максимум, бидејќи во завршното коло ќе игра против тенисерот кој веќе испадна. Сосема изненадувачки, тоа е Рафаел Надал, кој по првиот освоен сет на Руд денеска остана и без математички шанси за пласман во полуфиналето. На тој начин, Надал остана без шанса да дојде до првото место на АТП листата, па како светски рекет број еден годината ќе ја заврши Карлос Алкарас кој поради повреда се повлече од завршниот Мастерс. Што се однесува до мечот во Торино кој се играше вечерва, Руд победи со 6:3, 4:6 и 7:6, па во полуфиналето ќе игра со второрангираниот од Црвената група.

Шпанецот Карлос Алкараз сензационално го освои УС Опен

Бошко Тасиќ — Mon, 12 Sep 2022 05:06:42 +0000

Карлос Алкараз е победник на УС Опен и нов светски рекет број еден на АТП листата. Во едно од најзиедначените и најгледливи финалиња во последната деценија, Алкараз го победи норвешкиот тенисер Каспер Руд во четири сета и го оствари најголемиот успех во кариерата. 19-годишниот Шпанец извојува победа од 3-1 во сетови (6-4, 2-6, 7-6, 6-3), за скоро четири часа игра.Од денес на врвот на АТП листата ќе се најдат двајцата финалисти од Њујорк, со Алкараз како предводник.

Карлос Алкараз и Каспер Руд ќе играат во финалето на УС Опен

Бошко Тасиќ — Sat, 10 Sep 2022 06:39:14 +0000

Шпанскиот тенисер Карлос Алкараз и Норвежанецот Каспер Руд ќе играат во финалето на УС Опен. Моментно седмиот и третиот тенисер во светот ќе се сретнат во финалната пресметка, а победникот ќе ја добие титулата на УС Опен, огромни финансиски приходи од над два милиони долари и статус на светски рекет број еден. Норвешкиот тенисер Каспер Руд се пласираше во финалето на УС Опен, откако во полуфиналето го совлада Русинот Карен Хачанов со 3:1 во сетови.Во сетови беше 7:6, 6:2, 5:7 и 6:2. Натпреварот траеше три часа и три минути. Алкараз во второто полуфинале го победи американскиот тенисер Френсис Тијафо со 3:2 во сетови, 6:7, 6:3, 6:1, 6:7, 6:3.

Руд: Ќе се обидам да го направам она што никој не успеал

Бошко Тасиќ — Sat, 04 Jun 2022 06:24:42 +0000

Каспер Руд излезе како победник од полуфиналната пресметка против Марин Чилиќ која ја доби со 3-1 во сетови и на тој начин обезбеди влез во големото финале на Ролан Гарос што е негов најголем успех во кариерата.

-Играњето на финалето на Ролан Гарос против Рафаел Надал е веројатно најголемиот можен предизвик во овој спорт. Тој има 13-0 во финалињата, а јас ќе се обидам да го направам тоа што никој не го направил 13 пати. Звучи како невозможна мисија, јас ќе излезам и уживам, но сепак верувам дека можам, -вели Каспер кој се надева дека неговиот резултат ќе придонесе неизмерно значење за тенисот во неговата земја.

-Се надевам. Иако, не поминувам многу време во Норвешка. Затоа што многу патувам, па немам онолку време колку што би сакал. Но, се надевам дека можеме да изградиме многу тениски објекти во Норвешка и да направиме спортот да расте, -порача финалистот на Ролан Гарос.

Руд ќе го предизвика Надал во големото финале на Ролан Гарос

Бошко Тасиќ — Fri, 03 Jun 2022 20:59:47 +0000

Каспер Руд победа против Марин Чилиќ и оствари победа од 3:1, успех со кој си обезбеди најголем успех во својата кратка, но перспективна кариера. Норвежанецот се пласираше во своето прво грен слем финале и ќе го има најтешкиот предизвик во овој спорт, бидејќи в недела на централниот терен ќе истрча за да игра против 13-кратниот шампион на Френч Опен. Руд си закажа финална пресметка против Рафаел Надал, односно ќе се обиде да го сопре во походот да стигне до 14-та титула на Ролан Гарос, а воедно да стигне до својата прва титула на турнирите од големата четворка. Чилиќ подобро го отвори денешното полуфинале и поведе со 6:3, но потоа се беше во знакот на Руд кој откако израмни на 1:1, беше исклучително доминантен. Каспер го доби вториот сет со 6:4, а потоа правеше двојни брејкови и третиот и четвртиот сет ги доби со идентични 6:2 за пласман во големото финале.

Руд испиша тениска историја

Ивана Ефремовски — Fri, 05 Nov 2021 14:34:49 +0000

Тенисерот Каспер Руд стана првиот Норвежанец во историјата, кој обезбеди место на завршниот АТП турнир закажан во Торино од 14. до 21 овој месец. Руд обезбеди настап на завршниот турнир на кој традиционално учествуваат осумте најдобри тенисери и двојки со победата во осминафиналето на Мастерсот од серијата 1000 во Париз против Американецот Маркос Гирон со 6-2, 6-1/. Руд оваа година освои пет турнири, идентично како и Германецот Александер Зверев и со тоа двајцата тенисери се најуспешни на АТП турнирите оваа сезона. (МИА)