катар 2022 – Kurir.mk

АРГЕНТИНА НА НОЗЕ – со петиција бараат фудбалерот Хулијан Алварез да ѝ раскине на девојката, за овој потег за време на прославата нема простување! (ВИДЕО)

Дарко Андоновски — Thu, 29 Dec 2022 08:22:10 +0000

Аргентинците тотално полудеа од минатата недела откако „гаучосите“ по 36 години ја освоја светската титула предводени од Лионел Меси, па се преврте земјата наопаку, десет дена по освојувањето на круната сè уште се слави, ама во мода се посебно петициите. Една скоро милион евра ја потпишаа Аргентинците за Франција да престане да плаче, откако Французите почнаа со таква за преигрување на финалето, ама оваа најновата е нешто невидено и неверојатно. Преку 20.000 Аргентинци се потпишале досега на петиција, младата ѕвезда Хулијан Алварез, кој даде четири гола на СП, да ѝ раскине на својата девојка.

View this post on Instagram

A post shared by María Emilia (@emiliafferrero)

Емилија Фереро е веќе подолг период девојка на ѕвездата на Манчестер сити, кој летоска дојде за 22 милиони евра од Ривер плејт, ама таа е сега мета на аргентинските навивачи, зашто направила таква неопростлива грешка преку која не може да поминат.

View this post on Instagram

A post shared by María Emilia (@emiliafferrero)

Откако Алварез стана еден од хероите, нема некој што не сака да се слика со него, посебно децата кој во него и останатите „гаучоси“ што ги предводи Меси им се идоли. Ама Фереро направила грешка што не им дозволила на десетина деца да добијат автограм од Хулијан, а ни посебно да се сликаат, туку само една заедничка фотографија.

Re mala onda Emilia Ferrero, solo eran unos nenes. Julián Álvarez salí de ahí date cuenta.pic.twitter.com/GnboQDnzre
— Nano ⭐⭐⭐ (@NanoNahue) December 25, 2022

Навивачите ова не може да ѝ го простат на Емилија, па затоа и јавно бараат Хулијан да ја остави, откако го виделе видеото што се појавила како лошо се однесува кон децата кои само сакаа неколку минути со својот идол.

Ван Дaјк не спиел два дена по промашениот пенал во четвртфиналето на Мундијалот

Ивона Петрова — Tue, 27 Dec 2022 12:26:31 +0000

Капитенот на фудбалската репрезентација на Холандија, Вирџил ван Дајк, призна дека многу страдал поради поразот од Аргентина во четвртфиналето на Светското првенство во Катар.

– Не можев да спијам две ноќи по тој натпревар. Ова разочарување беше логично. Бевме толку блиску до успех и покрај тоа што примивме два гола. За жал, не реализирав толку важен пенал. Многу ме боли, имав многу тежок период, изјави ван Дајк, за холандските медиуми.

Холанѓаните загубија од Аргентинците на пенали (2:2, 3:4).

Ударот на Ван Дајк го одбрани голманот Емилијано Мартинез.

Гризман одби одмор по Светското првенство и веднаш се приклучи на тимот на Атлетико

Дарко Андоновски — Sat, 24 Dec 2022 20:23:08 +0000

Напаѓачот на Атлетико Мадрид, Антоан Гризман, ги започна подготовките за продолжението на клупската сезона. „Мундо Депортиво“ објави дека 31-годишниот француски фудбалер реши да не оди на одмор по Светското првенство во 2022 година. Гризман во сабота одржа индивидуален час, а од утре ќе почне да работи со тимот. Напаѓачот сака да биде во оптимална форма за претстојниот натпревар против Елче кој е закажан за 29 декември. Гризман на Светското првенство 2022 година како дел од француската репрезентација имаше три асистенции на седум натпревари и освои сребрен медал.

ФИФА: Ниту еден наместен натпревар на СП во Катар

Ивана Ефремовски — Fri, 23 Dec 2022 16:22:49 +0000

Меѓународната фудбалска федерација (ФИФА) соопшти денеска дека не се пронајдени индиции за „манипулации“ или неправилности на натпреварите на неодамна завршеното Светско првенство во Катар. Работната група за интегритет, како што се наведува на официјалниот сајт на ФИФА, внимателно ги прегледала снимките од сите 64 мундијалски натпревари за евентуално да воочи какви било неправилности или обид за манипулација. Во поднесениот извештај до ФИФА се тврди дека такви случаи не се идентификувани. ФИФА наведе дека ќе продолжи да соработува со работната група за интегритет во насока на заштита на завршните турнири во иднина, почнувајќи од Светското првенство во женска конкуренција кое идната година ќе се одржи во Австралија и Нов Зеланд. Исто така, ФИФА ќе продолжи да развива и сопствена стратегија за интегритет заедно со конфедерациите, националните асоцијации и другите заинтересирани страни во борбата против манипулации на фудбалските натпревари. (МИА)

Колку заработија светските шампиони во фудбал?

Ристе Здравков — Fri, 23 Dec 2022 12:34:41 +0000

Аргентинците ја освоија светската титула во Катар и заработија 42 милиони долари. ФИФА ја награди Франција со 30 милиони долари, а Хрватска со 27 милиони долари. Меѓународната фудбалска федерација (ФИФА) обезбеди награден фонд од 440 милиони долари за Светското првенство во Катар, што е за 40 милиони долари повеќе од последното Светско првенство во Русија, додека наградниот фонд на Мундијалот во Бразил, во 2014 година, изнесуваше 358 милиони долари. За споредба, Франција пред четири години заработи 38 милиони долари за шампионската титула, а Хрватска десет милиони помалку за сребрениот медал. ФИФА на репрезентациите во Бразил им подели 358 милиони долари, при што светскиот првак Германија доби 35 милиони долари, Аргентина како финалист 25, додека Холандија за третото и Бразил за четвртото место добија 22 и 20 милиони долари.

ФИФА ОТВОРИ ПОСТАПКА: Кој го пушти арогантниот готвач да се турка со фудбалерите и да им го одземе трофејот? (ФОТО)

Дарко Андоновски — Fri, 23 Dec 2022 07:14:16 +0000

Арогантниот готвач Нусрет Гокче предизвика револт кај вистинските фудбалски фанови откако излезе на теренот и ја вознемири репрезентацијата на Аргентина по освојувањето на Светското првенство во Катар. Тој се туркаше со играчите, им го грабна трофејот од раце, а се изгледаше навистина бизарно бидејќи апсолутно никој не сакаше да го види на теренот.

View this post on Instagram

A post shared by Nusr_et#Saltbae (@nusr_et)

„Поради ова, ФИФА е под силен напад од навивачите. Познато е дека првиот човек на федерацијата Џани Инфантино му дозволил да ги следи натпреварите, но се уште не е познато како Нусрет успеал да дојде на теренот. Поради ова, Светската фудбалска федерација покрена внатрешна истрага и излезе со соопштение.

View this post on Instagram

A post shared by Nusr_et#Saltbae (@nusr_et)

„Како еден од најпрепознатливите симболи на спортот во светот, оригиналниот трофеј на ФИФА може да го допрат само одредени луѓе, вклучително и поранешни победници и избрани поединци“, се вели во соопштението на ФИФА кое продолжува: „ФИФА истражува како одредени лица успеале да излезат на теренот по церемонијата на 18 декември. Ќе има истрага во организацијата“, се вели во пораката од чадорот на светскиот фудбал.

View this post on Instagram

A post shared by Nusr_et#Saltbae (@nusr_et)

Многу е можно Инфантино да е всушност одговорен за доаѓањето на Нусрет на теренот и тој да му го овозможи тоа. Во 2021 година Нусрет го угости во неговиот ресторан, а Инфантино беше многу благодарен за стекот. „Господине Нусрет – број еден. Најдобриот од најдобрите. Незаборавна вечер во Дубаи со Нусрет и јас дефинитивно ќе се вратам”, изјави Инфантино.

View this post on Instagram

A post shared by Nusr_et#Saltbae (@nusr_et)

ФИФА го истражува влегувањето на Сaлт Бае на теренот по финалето на Светското првенство

Бошко Тасиќ — Fri, 23 Dec 2022 06:25:04 +0000

ФИФА ги истражува околностите кои доведоа до тоа готвачот Солт Бае да заврши на теренот со репрезентацијата на Аргентина за време на прославите по финалето на Светското првенство во Катар во неделата. Познатиот сопственик на ресторанот, чие вистинско име е Нусрет Ѓокче, се појави на доделувањето медали и пехари на аргентинските фудбалери по финалето на Светското првенство, ја допре чашата, се преправаше дека ја посоли, се сликаше со неа, ја наполни медали во устата и се сликаше со играчите, притоа прекрши голем број правила на ФИФА. ФИФА изјави за Sky Sports News дека неговиот пристап до теренот е неовластен и дека нејзините правила диктираат дека само победниците на Светското првенство и шефовите на држави смеат да го допрат трофејот за време на церемонијата на затворање. „По финалето, ФИФА утврди дека поединци добиле неовластен пристап до теренот по церемонијата на затворање на стадионот Лусаил на 18 декември. Ќе бидат преземени соодветни внатрешни активности“, рече портпаролот на ФИФА.

„Магичната“ црвена лента има голема заслуга за светската титула на Аргентина!?

Ристе Здравков — Thu, 22 Dec 2022 13:44:47 +0000

По повеќе од три и пол децении чекање, Аргентина конечно се израдува на светската фудбалска титула откако Лионел Меси и другарите во Катар го кренаа највредниот трофеј. Меси како вистински капитен беше предводник на Гаучосите, но секако немаше тој сам да успее да не блеснеа и останатите репрезентативци. До титулата, Аргентина стигна и со многу среќа откако двапати победуваше на пенали. Најпрво во четвртфиналето во пенал-рулетот ја исфрлија Холандија, а потоа и во најдраматичното финале во историјата на Мундијалите, на пенали беа подобри од Франција. Аргентинските медиуми откриваат една неверојатна приказна за една црвена „магична“ лента која е забележана кај Лионел Меси, а потоа и кај уште неколку други аргентински фудбалери. Што е приказната со таа црвена лента? На Мундијалот во Русија, во првиот меч од групата Аргентина неочекувано ремизира 1:1 против Исланд, а Меси промаши пенал. По мечот, еден аргентински новинар му пријде и му рече: „Мојата мајка тебе те сака повеќе од што ме сака мене. Она секогаш носи црвена лента за среќа. Ако сакаш да ти дадам, имам една таква црвена лента за тебе“, му рече новинарот на Меси, а Лео со задоволство ја прифати „магичната“ лента. На следниот дуел, Меси даде гол против Нигерија, а Аргентина ја помина групата, а истиот новинар потоа го прашал дали ја чува црвената лента. Меси без многу коментирање, само го тргна чорапот и покажа дека црвената лента му е врзана на зглобот од ногата.

Leo Messi shocks Argentinian 🇦🇷 reporter by revealing he wore his mother’s good luck ribbon 🎀#Messi #Albiceleste #ARG #Russia2018 #Rusia2018 #Copa2018 #WorldCup [🎥@official433 @telefenoticias] pic.twitter.com/nYC7hlS7RC
— Xtra Minute (@XtraminuteTV) June 27, 2018

Од тој момент Меси ја прифати црвената „магична“ лента како амајлија, а кога имало потреба, знае и да ја позајми на некој од соиграчите, па за време на Мундијалот во Катар беа забележани Лаутаро Мартинез и Родриго де Пол со црвената лента на своите раце. Во финалето на СП, кога требаше да се изведуваат пеналите, црвена лента на својата рака имаше и голманот Емилијано Мартинес, кој беше херојот во „пенал-рулетот“. Според многумина, таа црвена „магична“ лента дадена пред четири години од еден новинар има значајна улога во освојување на титулата на Аргентина.

Lately, the red ribbon has been with Lautaro Martinez, who has been struggling to find the back of the net… …And Rodrigo De Paul, who had been struggling to stay in form because he was injured early on in the tournament. pic.twitter.com/MbHhmvLRyd
— Barça Worldwide (@BarcaWorldwide) December 18, 2022

Чинеа вистинско богатство, а сега ќе ги срушат, еве што ќе има на местото на стадионите во Катар

Ристе Здравков — Thu, 22 Dec 2022 10:15:06 +0000

Светското првенство во Катар заврши во неделата со спектакуларно финале помеѓу Аргентина и Франција, кое „гаучосите“ го добија после изведување на пенали. Со 172 погодоци во 64 натпревари, ова светско првенство беше најефикасно во историјата, а со нешто повеќе од 3,4 милиони гледачи на стадионите беше третиот најгледан турнир од 1930 година. Катар за потребите на ова првенство инвестираше вкупно 220 милијарди долари, од кои 6,5 милијарди се потрошени на стадионската инфраструктура. Светското првенство се играше на 8 стадиони, но дури седум ќе бидат користени во други цели откако ќе заврши Азискиот фудбалски куп што ќе се игра следната сезона. На најголемиот стадион „Лусаил Ајконик“, на којшто се играше финалето меѓу Аргентина и Франција, ќе му биде намален капацитетот и ќе биде преуреден во станбено-деловен комплекс во кој ќе има и болница, училиште, трговски центар.

Вистинско уживање: Сите голови од рекордниот Мундијал во Катар во осум ипол минути (ВИДЕО)

Ристе Здравков — Thu, 22 Dec 2022 08:43:35 +0000

Веќе е зад нас Светското првенство во Катар, шампионат кој на крајот заврши со триумф на селекцијата на Аргентина. Овој турнир беше специфичен по многу работи, постоеја доста прашања, дилеми како ќе помине, што ќе се случи, дали ќе има проблеми, но се се заврши онака како што треба, па претседателот на ФИФА го прогласи и за најдобар Мундијал на сите времиња. Во Катар паднаа доста рекорди, а еден од нив беше бројот на постигнати голови. Имено 172 пати топката заврши во мрежата на голманите, па во продолжение погледнете како тоа изгледаше, односно уживајте во сите погодоци во осум ипол минути почнувајќи со оној на Валенсија и завршувајќи со оној на Мбапе.