катар ервејс – Kurir.mk

Баерн ја прекина соработката со Катар ервејс

Дарко Андоновски — Wed, 28 Jun 2023 15:05:29 +0000

Германскиот фудбалски првак Баерн Минхен објави денеска дека спогодбено ја прекина комерцијалната соработка со авиокомпанијата Катар ервејс, која долго време предизвикуваше контроверзи поради обвинувањата за кршење на човековите права во оваа заливска држава. „Договорот меѓу Баерн Минхен и Катар ервејс завршува спогодбено по пет заеднички возбудливи години“, се наведува во заедничкото соопштение објавено на официјалниот сајт на германскиот клуб. „Баерн Минхен и Катар ервејс успешно соработуваа и учеа едни од други“, рече извршниот директор на Баерн, Јан - Кристијан Дресен. Шефот на авиокомпанијата Акбар Ал- Бакер, од своја страна, изрази " најдобри желби за иднината на клубот".

Повеќе од 20 милиони луѓе го следат „Катар ервејс“ на Фејсбук

Тале Кристо — Wed, 21 Oct 2020 09:47:57 +0000

„Катар ервејс“ е авиокомпанијата со најмногу следачи на Фејсбук. Таа веќе има над 20 милиони следачи, објавија оттаму. Авиокомпанијата е на социјалните мрежи од 2012 година и досега има повеќе од 26 милиони следачи ширум светот. Повеќето од нив се на Фејсбук, додека другите се на Инстаграм, Твитер, Линкд-ин.

Се укинува оваа дестинација од Македонија- познатата авионска компанија ќе се врати во земјава дури во 2021

Дарко Андоновски — Mon, 28 Sep 2020 09:55:14 +0000

„Катар ервејс“ нема да ги продолжи летовите од Доха до Сараево и Скопје. Линиите што ги поврзуваат Доха и Сараево, како и Доха и Скопје, нема да продолжат во зимската сезона откако беа откажани во март, пренесува СееБиз. Според планот, „Катар ервејс“ требаше да ги продолжи летовите од Доха кон Сараево и Скопје на 25 октомври, но тоа нема да се случи, до почетокот на летната сезона во 2021 година, односно до 28 март. Наместо тоа, катарската компанија за зимската сезона нуди конекција со Сараево и Скопје преку Загреб, Виена и Истанбул во соработка со „Кроација ерлајнс“, „Аустриан ерлајнс“ и „Пегасус ерлајнс“.

Катар ервејз подарува 100.000 билети

Дарко Андоновски — Mon, 11 May 2020 15:29:28 +0000

Катар ервејз им подарува 100.000 бесплатни авионски билети на сите медицински работници ширум светот во знак на благодарност за нивните херојски напори за време на пандемијата со Ковид-19, објави денеска компанијата. Билетите ќе бидат достапни за резервација од утре – Меѓународниот ден на медицинските сестри / техничари. Со тој потег компанијата им се заблагодарува за она како што се наведува – херојски чин на посветеност од страна на медицински професионалци ширум светот. Бесплатни билети ќе бидат достапни за резервации од 12 до 18 мај годинава. Професионалните здравствени работници можат да се регистрираат за таа специјална понуда на qatarairways.com/ThankYouHeroes со пополнување формулар и примање специјален промотивен код, заснован на системот „прв пријавен – прв услужен“