Катарина Радивојевиќ – Kurir.mk

Игор Којиќ познатата актерка ја остави поради Северина: Биле во тајна врска, а тој не бил единствениот кој ја оставил неа за Хрватка (ФОТО)

Дарко Андоновски — Tue, 24 Aug 2021 13:25:58 +0000

Северина и Игор Којиќ официјално се разведоа пред неколку дена во граѓанскиот суд во Загреб. -Одлуката за развод ја донесовме заедно, а истата не можеме да ја коментираме додатно, како што не ја коментиравме ниту одвоеноста. Мојата посветеност кон синот и борбата за старателството се во мој фокус во последните дваесетина месеци. Игор беше супер партнер, поддршка и потпора во најтешкиот период во мојот живот и му ја посакувам цела среќа на светот. Знам дека сум јавна личност, но не сум јавна вреќа за удирање. Секое збогување е тешко и ги замолувам медиумите да се воздржат од секаков вид на пишување глупости и непроверени информации, изјави Северина за „Јутарни лист“. Овие зборови ги повторил и Игор Којиќ велејќи дека „се е речено“. Но, сепак медиумите се потсетија и на претходната голема љубов на Којиќ пред Северина. Станува збор за актерката Катарина Радивојевиќ која била тајна неколкумесечна романса, а неговите блиски тврдат дека тој ја оставил актерката токму поради Северина. Инаку таа исто сценарио доживеа и од другиот партнер кој ја оставил актерката поради убавата Хрватка Николина Пишек.

Оваа убавица остана со скршено срце кога Игор ја остави за Северина: Сите ја знаете актерката која беше многу заљубена (ФОТО)

Ивана Ефремовски — Tue, 15 Jun 2021 08:12:38 +0000

Поранешната девојка на Игор Којиќ беше скршена кога фудбалскиот менаџер ја остави поради Северина. Иако тогаш приказната за пропаѓањето на оваа љубов ги исполнуваше страниците во весниците, денес малкумина се сеќаваат дека Игор имал тајна романса со оваа позната актерка. Имено, поранешната девојка на Игор остана со скршено срце, кога тој реши да ја напушти поради Северина. Иако малкумина ја паметат тајната врска, која траеше со месеци, актерката беше многу заљубена во Игор. Станува збор за убавата Катарина Радивојевиќ.

View this post on Instagram

A post shared by Katarina Radivojević (@katarinaradivojevic_fanpage)

Катарина Радивојевиќ: Да ја гледаа Американците Зоне, ќе бев холивудска ѕвезда

Ивона Петрова — Thu, 22 Nov 2018 18:44:44 +0000

Актерката открива колку и било тешко да постигне успех во Србија и зошто се уште не ја освоила Америка. Катарина радивојевиќ со години живее и работи во Лос Анџелес. Таа од Србија замина на врвот од популарноста, непосредно откако филмот „Зоне Замфирова“ доживеа регионален успех. -Американците не ја гледаа Зоне, а да беше тоа така ќе имав холивудска кариера. Но работам на тоа, бидејќи знам колку тежок и макотрпен процес е тоа. Во својата земја постигнав успех по десет години занимавање со глума, не гледам поради што мојот пат во Америка би бил пократок. Кога одите во друга земја, треба време да остварите контакти, да запознаете луѓе… Ништо не можете да добиете набрзина, особено ако играте на големо. А јас не играм на мало- вели Катарина за српски Ало. Таа вели дека е во години кога убавината не е карта на која сака да игра. -Паметната жена игра на други нешта, бидејќи физичкиот изглед не може да биде нешто што исклучително не одредува. Неопходно е да се едуцирате, морате да знаете како да се однесувате, важно е да имате животно искуство, заклучува убавта актерка.

Катарина се огласи по обвинувањата дека нападнала колешка

Ивона Петрова — Sat, 17 Feb 2018 20:01:18 +0000

Катарина Радивојевиќ реагираше на обвинувањата кои и ги упати продуцентот Горан Стаменковиќ. Тој тврди дека актерката добила отказ бидејќи на сет и удрила шлаканица на продуцентката. Актерката се најде во средина на скандал откако во јавноста се појави информација дека наводно и удрила шлаканица на продуцентката на серијата „Ургентен центар“. Стаменковиќ изјавил дека соработката со актерката е прекината поради нејзиното неприфатливо однесување. Преку својот адвокат со јавноста се огласи и Радивојевиќ која ги негира обвинувањата. -Не е вистина дека сум удрила било која жена на снимањето на серијата. Ова го кажува Стаменковиќ кој во светот на филмот залутал по грешка предизвикана од тектонски пореметувања. Тужба ќе поднесам до судот, а за Гоша имам само една порака: „Срам да ти е, зарем вака се подигнува рејтинг?“, вели актерката која од самиот почеток тврди дека не се вратила во серијата бидејќи и биле понудени финансиски услови под секое ниво. Таа додава дека особено ниска и подла е невистината дека удрила жена и тоа во момент кога подготвува претстава и работи на промоција на женските права. -Се гледаме на суд, заклучува актерката.