катастрофа – Kurir.mk

УНРВА: На Газа и се заканува катастрофа

Тале Кристо — Wed, 25 Oct 2023 06:50:56 +0000

Агенцијата на Обединетите нации за помош на палестинските бегалци на Блискиот Исток (УНРВА) нагласува дека ќе следи катастрофа доколку енклавата остане без гориво. Оттаму велат дека горивото е клучно за сите нивни операции во блокираната енклава. „Мора да се испорача гориво за да се обезбеди луѓето да имаат чиста вода за пиење, болниците да останат отворени и да продолжат операциите за спасување животи“, соопшти УНРВА на платформата Х. Исто така, тие изразуваат загриженост и за влијанието што недостигот на гориво може да го има врз здравствената заштита во енклавата. Други агенции на ОН проценија дека една третина од болниците во Газа и речиси две третини од клиниките за примарната здравствена заштита се затворени поради оштетување или недостаток на гориво. Лекарите детално ги опишуваат проблемите со кои се судруваат во нивната работа без клучната опрема. Еден од нив, за Би-Би-Си, појасни дека веќе исцрпениот персонал е принуден рачно да ги вентилира пациентите.

Акција за спречување еколошка катастрофа по судар на два брода кај Гибралтар

Тале Кристо — Thu, 01 Sep 2022 16:39:25 +0000

Морнарицата на Гибралтар покрена голема операција за спречување на излевање гориво во морето откако товарен брод се судри со друг брод што превезувал течен гас, соопштија денеска властите на британската прекуморска територија. Од бродот „OS-35″ што се наоѓа во близина на брегот на Гибралтар во најјужниот дел на Пиринејскиот полуостров почнало да истекува гориво, откако во понеделникот вечерта се судри со друг брод што превезувал течен природен гас. Екипажот составен од 24 члена е евакуиран. Според гибралтарските власти, трупот на товарниот брод напукнал, но се уште пловилото е во еден дел. Капетанијата на пристаништа на Гибралтар соопшти дека нафтата што се излеала од бродот се собира во пловечката ограда поставена да спречи еколошка катастрофа. Инаку, самиот брод не служи за транспорт на горива, туку горивото на пловилото е исклучиво за придвижување на бродските мотори. Судирот со бродот што превезувал течен гас се случил кога „ОС-35“ се обидел со манвеар да го напушти Гибралтарскиот залив. Непосредно по инцидентот привремено бил прекинат целиот морски сообраќај во пристаништето. Владата во Гибралтар соопшти дека подготвува операција за да се источи горивото од загрозениот брод што е можно поскоро, но на најсоодветен и најмалку ризичен начин.

Мета бара итни мерки за спречување катастрофа со Ковид -19

Тале Кристо — Wed, 28 Oct 2020 11:09:00 +0000

Албанскиот претседател Илир Мета, во писмото до премиерот Еди Рама, министерката за здравство Огерта Манастирлиу и првиот параментарец Грамоз Ручи оценува дека „ситуацијата оди кон катастрофа која треба навремено да се спречи“. Со влошувањето на така тешката политичка и институционална криза, особено по бруталното и еднострано кршење на Договорот за изборниот законик од 5 јуни, постигнат со консензус, се очекува состојба со пандемијата да се влоши до катастрофа што мора да се спречи навреме,наведува Мета. Тој исто така нагласува дека во овој момент е потребно целосно преиспитување на состојбата и преземените мерки. Со оглед на значителното влошување на состојбата со пандемијата Ковид-19, со зголемувањето на бројот на заразени лица и за жал со зголемувањето на бројот на граѓани кои ги загубија своите животи, неопходна е целосна проценка на состојбата и преземените мерки во врска со тоа, имајќи го предвид и зимскиот период, како и други отежнувачки фактори, додаде Мета. Покрај предупредувањето, Мета поставува 11 прашања до премиерот, Собранието и Министерството за здравство за состојбата и мерките што се превземаат против Ковид-19. Во Албанија вчера како последица од Ковид-19 починаа седум лица што е највисока бројка до сега, додека бројот на новодијагностицирани дневно е во просек околу 300 или 22 отсто од тестираните.

НАЈДРАМАТИЧНАТА ПОРАКА ОД СЗО ДОСЕГА: Дали се подготвува катастрофа за целиот свет?!

Магдалена Андонова — Tue, 01 Sep 2020 08:40:50 +0000

Шефот на СЗО посочи дека земјите кои се сериозни во отворањето на економијата и општеството, мора да имаат сериозен став кон спречување на ширењето на коронавирусот. Генералниот директор на Светската здравствена организација (СЗО) предупреди дека укинувањето на вонредните, превентивни, анти-епидемиски мерки е прерано - „рецепт за катастрофа“. Шефот на СЗО посочи дека земјите кои сериозно го сфаќаат отворањето на економијата и општеството мора да имаат сериозен став кон спречување на ширење на вирусот корона и оцени дека тоа не е „невозможна рамнотежа“, објави АП. Тој повтори дека најважните превентивни мерки за секоја земја и поединец се: спречување на ризични настани, заштита на ранливи социјални групи, лична одговорност и самозаштита, наоѓање, изолирање, тестирање и лекување на сите пациенти со проверка на контактите што претходно ги остварил.

Австралија: Состојба на катастрофа прогласена во Викторија

Магдалена Андонова — Sun, 02 Aug 2020 07:47:53 +0000

Во австралиската држава Викторија денеска е прогласена состојба на катастрофа, а локалните власти воведуваат полициски час во текот на ноќта како најтешка, анти-епидемиска вонредна мерка досега. Премиерот на државата Викторија, Даниел Ендрјус, изјави дека итните мерки ќе бидат во сила шест недели, до средината на септември, и оти за тој период само еден член на домаќинството ќе има одобрение да оди да купува еднаш дневно. На граѓаните на Мелбурн во тој период нема да им биде дозволено да се оддалечуваат повеќе од пет километри од нивните домови. (MИА)

Доколку планирате одмор во Грција ова мора да го знаете: Прогласен највисок степен на опасност, повторно и се заканува катастрофа!

Дарко Андоновски — Sat, 10 Aug 2019 10:26:26 +0000

Пожарникари, полиција, војската заеднички патролираат на целата територија на Грција. -После страшното невреме постои закана од нова опасност -Предупредување за туристите -Наредните три дена се критични Командирот на Националната пожарникарска служба на Грција, Василејос Матајопулос вчера прогласи највисок степен на опасност. Ваквата одлука на сила ќе биде во наредните три дена. Со тоа се подразбира дека, пожарникарите, полицијата и воените сили заедно ќе патролираат на целата територија, додека сите останати државни служби како и локалните исто така ќе бидат на готовс.

Доаѓа судниот час: Земјата ќе биде погодена од мега катастрофа, еве кога се очекува големиот удар (ВИДЕО)

Дарко Андоновски — Wed, 12 Jun 2019 09:29:14 +0000

„Големата катастрофа, која што ќе ја предизвикаат ураганите Катерина и Мајкл, ќе се случи – можеби утре, можеби за неколку децении, напишал Бафет во годишното писмо до акционерите на компанијата „Беркшир Хадавеј“ од Омаха. Според неговите зборови таа катастрофа може да биде ураган, земјотреси или може да биде сосема некое изненадување, како што е сајбер-напад кој би можел да има незамисливи последици. И додека другите во неговите зборови ја гледаат само катастрофата, 88-годишниот Бафет гледа и работна прилика. -Кога таква мега катастрофа ќе удри, ќе имаме загуби и тие ќе бидат големи, многу големи. Сепак за разлика од многу други, ние веќе наредниот ден ќе настојуваме да ја прошириме работата, напишал тој. Бафет е еден од најуспешните светски инвеститори кого поради неговите инвестициски предвидувања го нарекуваат „пророкот од Омаха“. Судејќи според извештаите на геолозите, сеизмолозите и на другите други научници последните години, две работи се јасни: големи се доказите за улогата на константната промена на климата и второ, нашата способност која се подобрува за да го предвидиме ризикот од доаѓањето на природните катастрофи.

Срушениот мост затрупа автомобили и луѓе: Морничави снимки од воздух од катастрофата во Џенова (ВОЗНЕМИРУВАЧКО ВИДЕО)

Матеја Петровски — Tue, 14 Aug 2018 14:31:26 +0000

Во близина на Џенова денеска се сруши надвозник кој е дел од автопат, а официјалните лица тврдат дека има повеќе мртви е дека е можна трагедија од огромни размери. Официјалните бројки велат дека има најмалку 22 мртви лица. Министерот за сообраќај Данило Тонинели предупреди дека ова веројатно е „огромна трагедија“. Еден од сведоците кажа дека видел осум или девет возила на патот во моментот кога се срушил, сцена што ја опиша како „апокалиптична“. Снимките од воздух најдобро ги покажуваат размерите на катастрофата, а делот од мостот кој се срушил е долг 100 метри.

Момче само сакало да и помогне на девојката да се паркира, но откако таа нагло дала гас настанала катастрофа (ВИДЕО)

Дарко Андоновски — Tue, 07 Aug 2018 07:13:11 +0000

Едно момче од Виетнам сакало да и помогне на една девојка полесно да се паркира, но набрзо зажалило зошто таа по грешка притиснала гас и се залепила за ѕид. Со невнимание речиси го „залепи“ со задниот крај од автомобилот до ѕидот. Како што пренесуваат медиумите, нему на помош му притрчаа минувачи, а девојката која се наоѓала зад воланот не можела да верува што направила.

Македонија на дното на Европа и регионот по раст на БДП во првиот квартал, македонската економија пред катастрофа

Дарко Андоновски — Thu, 07 Jun 2018 11:40:09 +0000

Според најновите податоци на Државен завод за статистика Македонија во првиот квартал има раст на БДП само од 0,1 %. Ова е катастрофално лош резултат ако се земе во предвид фалењето на владата за новите проекти и секако фактот дека цел регион и Европа доживуваат бум на економски план. Така Македонија споредена со другите земји и според податоците од Еуростат пак е на дното кога станува збор за раст на економијата. И додека целокупниот регион расте македонската економија стагнира и не ги користи позитивните трендови кои се случуваaт моментално во светот. Така според податоците на Еуростат растот во q1 2018 година во Србија изнесува 4,6%, во Бугарија 3,5%, Чешка Република 3,7% Естонија 3.6%, Полска 5.1%, Словенија 4.6%, Унгарија 4.4% односно Република Македонија со остварените 0.1% се наоѓа на последно место во Европа. И додека целокупниот регион расте на економски план Македонија тапка во место. Експертите предупредуваат дека со вака слаб ангажман и реализација на БДП во првиот квартал економијата нема добри изгледи за 2018. Владата даваше ветувања дека ќе ја унапреди економијата и дека ќе го зголеми стандардот на граѓаните но ништо од ова не се реализираше. Напротив, Македонија од лидер во економијата и висок раст на БДП и во моменти на економска криза станува последна во регионот и Европа.