Катланово – Kurir.mk

Немало нова сообраќајка кај Катланово, настанала забуна

Тале Кристо — Thu, 29 Jun 2023 16:59:05 +0000

Немало нова сообраќајна несреќа попладнево кај Катланово. Погрешна била информацијата што претходно до медиумите ја испратија од Ценатрот за управување со кризи, а по известување од ЈП за одржување и заштита на магистралните и регионалните патишта. „Поради технички причини од ЈП за одржување и заштита на магистралните и регионалните патишта известуваат дека патниот правец Велес -Скопје не е во прекин и немало сообраќајна незгода. Информацијата од нивна страна по грешка е пуштена за настанот кој се случил на 26.06.2023 година“, објави ЦУК во корекцијата. По објавата, МВР барало проверка на информацијата, и се испоставило дека на тоа место немало денес сообраќајка несреќа

НАЈНОВА ВЕСТ: Нова тешка сообраќајка кај Катланово- сообраќајот е во прекин!

Тале Кристо — Thu, 29 Jun 2023 13:59:21 +0000

Од ЈП за одржување и заштита на магистралните и регионалните патишта известуваат дека во моментот поради сообраќајна незгода во тунелот пред Катланово во прекин е сообраќајот на автопатот Велес-Скопје. Повеќе информации во текот на денот.

АМСМ: Сообраќајот во тунелот кај Катланово по една коловозна лента

Тале Кристо — Mon, 26 Jun 2023 18:48:04 +0000

Сообраќајот на патниот правец Велес - Скопје е нормализиран, само во тунелот кај Катланово се одвива по една коловозна лента, соопшти АМСМ. Автопатот Велес - Скопје, кај тунелот, попладнево беше целосно затворен за сообраќај поради сообраќајна незгода. Возилата се пренасочуваат од клучката Велес кон Свети Николе, кон автопатот Штип - Скопје. Во МВР попладнево, во 16:55 часот, било пријавено дека во тунелот кај Катланово во правец од Велес кон Скопје, се случила сообраќајна несреќа во која учествувале товарно моторно возило и мотоцикл со унгарски таблички. Според првичните информации, едно лице, кое се превезувало на мотоциклот, починало, а другото, кое исто така се превезувало на мотоциклот, е пренесено во Ургентниот центар Скопје.

ТЕШКА СООБРАЌАЈНА НЕСРЕЌА ВО ТУНЕЛОТ КАЈ КАТЛАНОВО: Се судрија камион и мотоцикл, едно лице загина

Тале Кристо — Mon, 26 Jun 2023 17:21:31 +0000

Во МВР попладнево, во 16:55 часот, било пријавено дека во тунелот кај Катланово во правец од Велес кон Скопје, се случила сообраќајна несреќа во која учествувале товарно моторно возило и мотоцикл со унгарски таблички. Како што велат за МИА од МВР, според првичните информации, едно лице, кое се превезувало на мотоциклот, починало, а другото, кое исто така се превезувало на мотоциклот, е пренесено во Ургентниот центар Скопје. Автопатот Велес - Скопје, кај тунелот, е целосно затворен за сообраќај. Возилата се пренасочуваат од клучката Велес кон Свети Николе, кон автопатот Штип - Скопје.

Во скопско Катланово уапсена жена од Косово

Тале Кристо — Wed, 06 Jul 2022 14:51:41 +0000

Денеска (06.07.2022) во 12.30 часот во с.Катланово, скопско, полициски службеници од Оперативен тим потраги при СВР Скопје ја лишиле од слобода С.А.(64) од Kосово, со живеалиште Скопје. Таа била барана по централна потерница од Основен кривичен суд Скопје за издржување казна затвор од две години за сторено кривично дело по член 131 од Кривичниот законик. Лицето ќе биде предадено во казнено-поправна установа за издржување на казната.

Четири лица меѓу кои и малолетник во Катланово ограбиле државјанин на Малта

Магдалена Андонова — Tue, 10 May 2022 12:07:57 +0000

На 09.05.2022 полициски службеници од СВР Скопје ги лишиле од слобода А.П.(24) од Катланово, скопско, Р.Ј.(23), А.С.(20) и малолетник, тројцата од с,Огњанци, скопско. Тие се сомничат дека на 06.05.2022 во 22.30 часот во близина на Катлановска Бања, со закана му одзеле пари на М.К.(31) од Малта, со живеалиште во Скопје. Тие биле приведени во Полициската станица Гази Баба и во службен разговор го признале делото. По целосно документирање на случајот против нив ќе биде поднесена соодветна пријава.

Пронајден човечки труп во Катланово

Дарко Андоновски — Mon, 14 Feb 2022 15:13:57 +0000

На 13.02.2022 околу 15.45 часот во СВР Скопје било пријавено дека во с.Катланово, скопско, бил пронајден човечки труп. На местото на настанот увид извршила екипа од СВР Скопје и се преземаат мерки за расчистување на случајот.

ФОТО: Изгаснат пожарот во катлановското село Градманци – екипите остануваат на терен и ноќва

Дарко Андоновски — Thu, 05 Aug 2021 19:38:45 +0000

Изгаснат е пожарот во скопско Катланово, во селото Градманци, попознато како Перова викенд населба. Пожарот инаку гореше во изминатите два деца, а откако е изгаснат теренот ќе биде контролиран за повторно да не дојде до избувнување на истиот. Инаку од пожарна во вторникот информираа дека нивни екипите на БППЗ-Скопје се на терен со 3 возила, потпомогнати од возило од комунална хигиена цистерна за вода од ЈКП Комунална Хигиена Скопје.

Тринаесет години од хеликоптерската несреќа кај катлановско Блаце

Ивона Петрова — Tue, 12 Jan 2021 06:19:12 +0000

Во катлановско Блаце денеска ќе се одбележат 13 години од хеликоптерската несреќа во која трагично загинаа 11 припадници од составот на воздухопловниот ВИНГ, враќајќи се од мировната мисија АЛТЕА во Босна и Херцеговина. Како што соопшти Министерството за одбрана, на спомен обележјето цвеќе ќе положат делегации од Министерството за одбрана и Генералштабот на Армијата во состав од заменик на началникот на Генералштабот, генерал-мајор Азим Нуредин, и државниот секретар во Министерството за одбрана, Драган Николиќ. Цвеќе ќе положат и претставници од Кабинетот на Претседателот на Република Северна Македонија, Командата за операции, воздухопловниот ВИНГ, Прва пешадиска бригада и членовите на семејствата на загинатите припадници. Во хеликоптерската несреќа животот го загубија потполковник Тони Спасовски, мајор Горан Ристовски, капетаните Бране Спасовски и Игор Ѓорески, заставниците Славчо Василев и Тони Давитковски, постарите водници Јанко Шириќ, Мики Ивановски, Александар Тасковски и Александар Васиќ и десетарот Златко Вељановски

СТРАШНА СООБРАЌАЈКА ВО ТУНЕЛОТ КАЈ КАТЛАНОВО- сообраќајот во прекин на автопатот Велес-Скопје!

Дарко Андоновски — Mon, 20 Jul 2020 12:18:07 +0000

Поради сообраќајка во тунелот кај Катланово, попладнево од 13:05 часот во прекин е сообраќајот на автопатот Велес – Скопје. Сите возила се пренсочуваат од клучката Штип по новиот автопат Свети Николе, соопшти АМСМ.