И покрај апелите од граѓаните, лифтовите во најфрекфентната катна гаража во центарот на Скопје не се во функција (ФОТО)

Катерина Бојаџиева — Thu, 07 Feb 2019 14:46:21 +0000

И после апелите од граѓаните од пред 1 месец, лифтовите во најфрекфентната катна гаража во центарот на градот, Тодор Александров не се во функција. Тие што ги оставиле колите на повисоките катови биле приморани да се качуваат по скалите. Голем број на граѓани имаат и закупено паркинг места поради тоа што работат во близина на гаражата, па се приморани секојдневно да ги користат скалите. Граѓаните со посебни потреби исто така се жалат- не можат да ја користат гаражата бидејќи нема како да се симнат од погорните спратови на гаражата. Со гаражите стопанисува јавното претпријатие Градски паркинг. Нивната реакција засега се сведува само на лепењето на известувањето по лифтовите - „лифтот е надвор од функција“. За градоначалникот на Град Скопје Петре Шилегов, клучно е применување на две катни гаражи во центарот на градот, но не и нивното одржување како што читателите можат да забележат. Граѓаните му порачаа на градоначалникот наместо да ги преименува, да ги одржува истите.

Лифтовите во катните гаражи на Паркинзи-Скопје не се функционални повеќе од 10 месеци (ФОТО)

Ивана Ефремовски — Tue, 15 Jan 2019 11:43:43 +0000

Лифтовите во катната гаража „Тодор Александров” во центарот на Скопје спроти Министерството за финансии, не функционираат повеќе од 10 месеци. Граѓаните се гневни поради неодговорноста на институцијата, ако се земе во предвид дека оваа катна гаража е една од најпрометните и најскапите по цена на билет во центарот на градот. Револтирани граѓани кои ја користат катната гаража велат дека веќе околу 10 месеци се принудени да се симнуваат пеш од најгорните спратови, па се до долу. Една од работите кои им ја забележуваат граѓаните на вработените од катната гаража на ЈП Паркинзи – Скопје е тоа што атрактивните паркинг места од првите спратови ги блокираат со “чунови” или со ланци, чувајќи ги за нивни блиски луѓе, а притоа седат празни. Особено е лоша состојбата за лицата кои се со посебни потреби, тие не можат да одат кон погорните спратови бидејќи лифтовите се нефункционални. ВИП билетите кои што ги имаат постојаните корисници на катната гаража исто така не секогаш функционираат иако се платени, поради повремени недостатоци кои се јавуваат во софтверот на рампите. Граѓаните се видно револтирани и за нехигиената и хаотичната состојба во која се наоѓа катната гаража, како и за лошиот однос од страна на вработените кон корисниците на гаражата. Како што велат, ниту некој се грижи за овој објект кој е еден од најатрактивните за паркирање во центарот на градот, ниту пак се обидува нешто да направи. Катната гаража е пуштена во употреба пред 3 години, има капацитет од 604 паркинг места, од кои функционални околу 400, додека пак има и оспособени паркинг места за лица со посебни потреби. Оттогаш навака, во последните 10 месеци, објектот константно пропаѓа и предмет на негрижа и уништување.

катни гаражи – Kurir.mk

И покрај апелите од граѓаните, лифтовите во најфрекфентната катна гаража во центарот на Скопје не се во функција (ФОТО)

Лифтовите во катните гаражи на Паркинзи-Скопје не се функционални повеќе од 10 месеци (ФОТО)