„Ми рекоа дека сум опседнат од ѓаволот”- проговорија жртвите на педофили во мантии

Ивана Ефремовски — Thu, 13 Sep 2018 20:27:10 +0000

Повеќе од 100 свештеници во Чиле се под истрага за педофилија и обид за негово прикривање. Педофилијата во Католичката црква во Чиле почнала пред неколку десетини години. Тогашните деца – жртви на свештениците, а сега средовечни мажи раскажуваат на суд за траумите низ кои минувале во животот. Меѓу другите, говореше и гастрохирургот Џејмс Хамилтон, кој во раните 80 – ти години на минатиот век се скрил во црквата пред диктатурата на Пиноче. Тој бил злоставуван од свештеникот Фернандо Карадима, кој му всадил и чувство на грев за тоа. Сексуалното злоставување, кое почнало кога докторот бил во раните тинејџерски години продолжило дури и кога тој се оженил и имал деца. Сега, и покрај тоа што е успешен хирург, веќе 14 години оди на психотерапија. Докторот Хамилтон раскажува дека не можел да се ослободи од свештеникот, зашто секогаш кога ќе го напуштел, тој го наоѓал заедно со уште тројца бискупи и неколку други свештеници. Тие го убедиле дека е опседнат од ѓавол и дека мора да се покори. Дури откако во јавноста се појавиле детали за злоставувањето во неговото барање за развод, црквата повела истрага против свештеникот Фернандо Карадима. Денес тој има 88 години и во 2011 Ватикан го прогласил виновен за сексуално злоставување деца.

Католичката црква во Чиле – Kurir.mk

„Ми рекоа дека сум опседнат од ѓаволот”- проговорија жртвите на педофили во мантии