Кавадарчанец – Kurir.mk

Кавадарчанец пријавил во полиција дека некој друг земал кредит во негово име

Тале Кристо — Fri, 27 Jan 2023 11:35:48 +0000

Кавадарчанец пријавил во полиција дека некој друг земал кредит во негово име, информираше денеска портпаролот на СВР Велес Ристе Самарџиев. – Вчера во 10.00 часот во Полициската станица во Кавадарци, кавадарчанецот Р.Л.(44) пријавил дека на 25 јануари добил телефонски повик од финансиско друштво дека има рата за плаќање кредит. Според пријавеното, тој не аплицирал за кредит во финансиско друштво, по што сфатил дека неговите лични податоци биле злоупотребени, појасни Самарџиев. Се преземаат мерки за расчистување на случајот.

Приведен кавадарчанец, на проституција присилувал малолетната девојка

Тале Кристо — Tue, 20 Sep 2022 13:07:09 +0000

Кавадарчанец бил приведен вчера бидејќи малолетната девојка ја присилувал на проституција. За ова денеска информираше Ристе Самарџиев, портпарол на СВР Велес. -Вчера полициски службеници од ОВР Кавадарци го лишиле од слобода М.К.(19) од Кавадарци. Тој се сомничи дека ја присилил неговата малолетна девојка да им дава сексуални услуги на други лица. Лицето било приведено во полициска станица во Кавадарци и по целосно документирање на случајот против него ќе биде поднесена соодветна пријава, соопшти Самарџиев. Вчера исто така, полициски службеници од ОВР Неготино ги привеле Т.А.(42) и Б.М.(24) од кривопаланечко село затоа што на бензинска пумпа во Неготино го нарушиле јавниот ред и мир со меѓусебна физичка пресметка. По целосно документирање на случајот против нив ќе биде поднесен соодветен поднесок.

Кавадарчанец заврши зад решетки, физички нападнал полицаец

Тале Кристо — Tue, 20 Jul 2021 09:07:15 +0000

Службеници од Полициската станица Кавадарци го лишиле од слобода 32-годишниот кавадарчанец Х.В., затоа што физички нападнал полицаец кој извршувал службени дејствија, информираше денеска портпаролот на СВР Велес, Верољуб Додевски. – Тој бил лишен од слобода рано изутринава во 01.40 часот на улицата „7-ми Септември“ во Кавадарци. По целосно документирање на случајот, против него ќе биде поднесена соодветна пријава, појасни Додевски. Претходно, во 00.40 часот во ОВР Кавадарци, Х.В. пријавил дека во казино во градот бил физички нападнат од неколку лица. Се преземаат мерки за расчистување на случајот.

Кавадарчанец измамен од свој колега – му ја побарал личната карта, здравствената книшка и мобилниот телефон и си подигнал кредит!

Тале Кристо — Mon, 05 Jul 2021 06:17:08 +0000

Кавадарчанец пријавил во полиција дека колега од работа земал кредит во негово име, добил и закани по живот од блиски на колегата Кавадарчанец пријавил во полиција дека колега од работа земал брз кредит во негово име, добил и закани по живот од блиски на колегата. Од неговата трансакциска сметка, колегата испразнил над илјада евра. Овој случај на измама го потврдија за МИА и измамениот кавадарчанец и МВР. -Дај ми ја и твојата лична карта за да можам со две лични карти да земам два пакета што се даваат како помош за социјално загрозени семејства. Така ми рече. Ама требало и здравствен број, дај ми ја и твојата здравствена книшка, додаде. После тоа, ми ја побара и банкарската картичка за банкомат, за, наводно, тетка му од Србија да му прати пари. Оти неговата не била активна. Ми го побара и мобилниот телефон и цело време беше кај него, оти сопругата требаше да му се породи. Јас наивен, му верував и во интерес на колегијалноста, му помагав. Тој пак, ја искористил мојата наивност и во мое име си подигнал некојси брз кредит. А ни на крај памет не се ни посомневав дека вакво нешто може да се случи. Случајот го пријавив во полиција, откако ми стигна писмо дека должам рата за кредит што не сум го подигнал самиот, ами колегата во мое име, раскажа кавадарчанецот за тоа како бил измамен. Сега, како што нагласи, останал и без својата заштеда во ова тешко време и услови на пандемија во светот, а деновиве добил и закани по животот. -За малку ќе не истепаа додека бевме со сопругата, петмина. Колегата што се ми направи мене, а сега неговите блиски од мене бараа јас да не сум го малтретирал него. Којзнае што можеше да се случи да не наидеше едно момче, тоа беше среќна околност за нас, ни го спаси животот со својата појава. А иронијата да биде уште поголема, татко му на колегата вика, ќе му кажел да не ме задева. Здравјето си го изгубив од нервози, откри измамениот кавадарчанец. Тој се надева дека полицијата и судот ќе го решат случајот најбрзо што може, рече дека дел од одговорите очекува да ги даде и снимката од видео камерата кај банкоматот, од кој, неговиот колега си подигнал туѓи пари. Овој кавадарчанец упатува апел до сите луѓе да бидат внимателни и да не веруваат секому, за да не ги снајде тоа што му се случило нему. МИА побара официјална информација од МВР за овој случај. – На 31.05.2021 во 13,00 часот во Полициската станица Кавадарци Т.Т.(52) од Кавадарци пријавил дека во временски период од 14.04. до 20.05.2021 од страна на Р.Т.(25) од Кавадарци му биле злоупотребени личните податоци, на тој начин што знаејќи ги личните податоци на пријавителот ги злоупотребил и во негово име аплицирал во повеќе наврати за добивање на брзи кредити, а истите парични средства со картичката на оштетениот ги подигнал од банкомат при што се стекнал со противправна имотна корист од 65.000 денари. По превземени мерки со Р.Т. бил извршен разговор во полициска станица и по целосното документирање на случајот ќе следи соодветен поднесок, стои во одговорот од МВР. На прашање од МИА, дали има вакви и слични други случаи во овој период во Тиквешки регион, од МВР откриваат и друг случај кога била злоупотребена туѓа банкарска платежна картичка. -На 27.06.2021 во 23,45 часот во Полициската станица Кавадарци Т.Г.(29) од Кавадарци пријавила дека истиот ден од изгубена платежна картица на нејзиниот свекор од страна на непознато лице биле одземени околу 25.000 денари. Оштетената нагласила дека картичката била користена за плаќање во повеќе трафики и продавници во Кавадарци. По превземени мерки од слобода бил лишен Љ.А.(28) од Кавадарци и по целосното документирање на случајот ќе следи соодветен поднесок, додаваат од МВР.

Исчезна 42-годишно лице од Кавадарци

Тале Кристо — Sun, 27 Jun 2021 16:15:13 +0000

На 26.06.2021 во 18,00 часот во Полициската станица Кавадарци Д.Т.(67) од Кавадарци пријавила дека од дома се оддалечил нејзиниот син М.Т.(42). Се превземаат мерки за пронаоѓање на лицето.

Кавадарчанец физички се пресметал со неговата постара сестра

Тале Кристо — Tue, 02 Feb 2021 12:44:59 +0000

Во Полициската станица Кавадарци вчера 46-годишна кавадарчанка пријавила дека во неделата, во нејзиниот дом била физички нападната од нејзиниот 33-годишен брат. За ова денеска информираше Верољуб Додевски, портпарол на СВР Велес. Тој рече дека по целосно документирање на случајот, ќе биде поднесена соодветна пријава.

Трагедија: Кавадарчанец починал откако се повредил во фабрика

Ивана Ефремовски — Wed, 02 Dec 2020 16:10:43 +0000

На 01.12.2020 во Полициската станица Кавадарци било пријавено дека при извршување на работни задачи во фабрика во Кавадарци, Д.И.(51) од Кавадарци се здобил со тешки телесни повреди, по што бил пренесен во Општата болница во Кавадарци, каде им подлегнал на повредите. Бил извршен увид на местото од страна на увидна екипа, Трудов инспектор и Јавен обвинител, по чија наредба телото на починатиот е предадено на семејството.

Кавадарчанец и жител на неготинско село физички нападнале полицајци па биле лишени од слобода

Тале Кристо — Sat, 21 Nov 2020 14:11:07 +0000

Кавадарчанец и жител на неготинско село синоќа на две различни места физички нападнале полицајци па биле лишени од слобода, информираше денеска Верољуб Додевски, портпарол на СВР Велес. -Синоќа во 18.45 часот во Богданци, полициски службеници лишиле од слобода 48-годишник од село Прждево, неготинско, бидејки при полициска интервенција, по пријавена поплака од лице од Богданци, физички нападнал полициски службеник кој вршел службени дејства, појасни Додевски. Претходно, во 17.30 часот во Кавадарци бил лишен од слобода О.К.(41) од Кавадарци, бидејки се однесувал агресивно и физички нападнал полициски службеник кој извршувал работни задачи. Се преземаат мерки за расчистување на случаите.

Кривична пријава за кавадарчанец за дивоградба

Магдалена Андонова — Fri, 09 Oct 2020 12:23:41 +0000

Одделението за внатрешни работи Кавадарци поднесе кривична пријава против З.Ј.(46) од Кавадарци осомничен за сторено кривично дело „бесправно градење“. Од МВР денеска информираа дека во периодот од 2016 до 2018 година, тој изградил викенд куќа во место викано „Катуниште“, атар на кавадаречкото село Моклиште, без да поседува одобрение за градење на објектот од надлежен орган. (MИА)

37-годишен кавадарчанец тешко повреден при пад од кров

Магдалена Андонова — Thu, 10 Sep 2020 19:28:58 +0000

Триесет и седумгодишен кавадарчанец попладнево се здобил со тешки повреди откако паднал од стар кров на производствена хала која била во фаза на реновирање. Оваа информација за МИА ја потврди доктор Дано Кулев, дежурен хирург при хируршкото одделение на Општа болница со проширена дејност Кавадарци. – При падот, тој се здобил со тешки повреди на двете колена, главата и вратот. Направивме рентген снимки на колената и вратната кичма и констатирана е политраума, скршеници на двете чашки на колената. Потребно е да се изврши компјутерско снимање на главата и вратната кичма и оперативен зафат на колената. Му дадовме инфузиона терапија и со сите неопходни припреми и заедно со придружба од медицинска сестра, го упативме на клиниката за трауматологија во Скопје, појасни Кулев. Тој нагласи дека во Скопје неопходно е да се изврши оперативен зафат на фрактурите и компјутерско доиспитување на останатите повреди на вратот и главата.