кавадарец – Kurir.mk

Кавадарец измамен за над 300 евра, му било ветено изработка на кујна

Тале Кристо — Tue, 27 Sep 2022 14:57:03 +0000

На 26.09.2022 во полициската станица во Кавадарци, 40-годишен кавадарчанец пријавил дека бил измамен од едно лице за сума од 19.000 денари. Според пријавеното лицето му се јавило и му порачало да му изработи кујна, а капар ќе му даде во текот на денот во Велес. Како што е пријавено, во меѓувреме лицето повторно му се јавило и го замолило пријавителот да однесе 19.000 денари на друго лице од Кавадарци на кое му должело пари, а дека ќе му ги врати при подигање на капарот во Велес. Исто така, според пријавеното, откако ги однел парите отишол во Велес и не успеал телефонски да го добие лицето, сфатил дека е измамен. ОВР Кавадарци презема мерки за расчистување на случајот.

Во виничко уапсен кавадарец за издржување затворска казна

Тале Кристо — Tue, 27 Sep 2022 14:33:42 +0000

Денеска (27.09.2022) по претходно преземени мерки и активности од страна на полициски службеници од Полициската станица Виница во с.Крушево, виничко, лишен е од слобода А.Е.(41) од Кавадарци. Тој бил баран врз основа на централна потерница за доиздржување на затворска казна за сторени три кривични дела „тешка кражба“, казниви по член 236 и „напад врз службено лице при вршење работи на безбедноста“ по член 383 од Кривичниот законик. Лицето ќе биде спроведено во Казнено-поправната установа Идризово за доиздржување на казната.

ФОТО: Тешко повреден кавадарец, изгубил контрола над возило и удрил во бетонска бандера

Тале Кристо — Sat, 10 Sep 2022 09:15:12 +0000

Дваесет и двегодишен кавадарчанец изутринава изгубил контрола над возилото што го управувал со кавадаречки регистарски ознаки и удрил во бетонска бандера, во кавадаречко Глишиќ, при што се здобил со лесни телесни повреди. Оваа информација денеска за МИА ја потврди, портпаролот на СВР Велес Ристе Самарџиев.

70-годишен кавадарец пронајден мртов во неговиот дом

Тале Кристо — Fri, 09 Sep 2022 14:13:29 +0000

На 08.09.2022 во 10.30 часот во ОВР-Кавадарци М.М (49) од Кавадарци пријавил дека се шири непријатен мирис од соседната куќа,во која сам живеел неговиот чичко И.М. (70) од Кавадарци. Полициски службеници излегле на лице место и бидејќи влезната врата била заклучена, во координација со ТППЕ Кавадарци, била отворена вратата и во куќата е пронајдено телото на И.М.. Од Итна медицинска помош е констатирана смрт со видливи изгореници на телото. По наредба на јавен обвинител од Кавадарци, телото е предадено на обдукција на Институт за Судска медицина –Скопје. Се преземаат мерки за расчистување на случајот.

Кавадарец пијан возел Брза помош

Дарко Андоновски — Fri, 25 Oct 2019 09:38:59 +0000

Возачот на болничко возило, кој во средата возел под дејство на алкохол во Кавадарци, е отстранет од работно место потврдија за МИА од Министерството за здравство. МИА претходно објави дека казна заработил возач на болничко возило во Кавадарци, поради управување под дејство на алкохол, потврдија од полицијата. Казната на лицето кое управувало возило на ЈЗУ Општа болница Кавадарци му била изречена вчера, бидејќи управувало службено возило под дејство на алкохол.