каваи ленард – Kurir.mk

Вестбрук: Ленард е најдобриот кошаркар на светот

Ивона Петрова — Sat, 22 Apr 2023 14:44:46 +0000

Плејмејкерот на Лос Анџелес клиперс, Расел Вестбрук, смета дека Каваи Ленард е најдобриот кошаркар на светот. Каваи го пропушти мечот број 3 од серијата од првото коло во НБА плејофот против Феникс (1:2). -Жал и е за него. Во последно време игра неверојатна кошарка. Тој е најдобриот играч на планетата, да бидам искрен. Ментално, тешко му е да пропушти толку важни средби. Мило ми е што се обидува да ни даде поддршка и од клупата, изјави Вестбрук за „ESPN“. Четвртиот натпревар од серијата ЛА клиперс - Феникс ќе се игра вечер од 21:30 часот.

Ленард: Ми недостигаше тимот

Ивона Петрова — Tue, 04 Oct 2022 10:09:43 +0000

Ѕвездата на Лос Анџелес клиперс, Каваи Ленард, ги сподели своите впечатоци од првиот натпревар одигран по пауза од 476 дена. За 16 минути на теренот во победата над Портланд блејзерс, Ленард имаше 11 поени, четири скока и по две асистенции и украдени топки. – Беше одлично. Бев воодушевен што бев на теренот против ривал на ниво на НБА за да ја ценам напорната работа што беше направена во 16 месеци од мојата повреда. Ми недостигаше чувството на единство со тимот, сите овие разговори. Телото се чувствува одлично. Јасно е дека нема да играм од самиот почеток 35-38 минути. Но, не брзаме, влегувам во форма, ова е процес, изјави Ленард. Кошаркарот последен пат играше натпревар на 14 јуни 2021 година, во НБА-плејоф кога скина лигаменти на коленото.

Голем удар за ЛА Клиперс, Каваи Ленард ја пропушта целата сезона

Бошко Тасиќ — Sat, 05 Feb 2022 10:01:59 +0000

Тренерот на ЛА Клиперс Тајрон Лу објави дека првата ѕвезда на клубот, Кавај Ленард веројатно ќе ја пропушти целата сезона. Ленард не играше од плејофот на минатата сезона во кој пропушти 8 натпревари за тимот од Лос Анџелес, а се уште не одигра ниту еден меч и во тековната. „Според информациите од медицинскиот тим за жал веројатно ќе играме цела сезона без Кавај“, објави тренерот на Клиперс. Ленард веднаш по завршувањето на ланската сезона потпиша нов договор на четири години вреден 176,3 милиони долари, но речиси сигурно нема да игра до крајот на овој циклус на натпревари во НБА. Со него моментно надвор од строј е и втората голема ѕвезда на тимот, Пол Џорџ, кој исто така е повреден.

Каваи Ленард потпиша нов договор со ЛА Клиперс

Бошко Тасиќ — Sat, 14 Aug 2021 17:40:12 +0000

Еден од најдобрите кошаркари на денешницатаКаваи Ленард стави потпис на нов договор со ЛА Клиперс. Истиот ќе му донесе 176,3 милиони долари во наредните четири години. Соработката очекувано вклучува клаузула во последната сезона, кога Ленард ќе може да стане слободен играч. Тимот од Калифорнија не сакаше да се раздели со 30-годишникот, кој моментално е повреден и под знак прашалник за голем дел од претстојната сезона.

Славниот кошаркар разговарал со Коби за хеликоптерите, по трагедијата се плаши од ова превозно средство

Ивана Ефремовски — Thu, 30 Jan 2020 10:37:51 +0000

Кошаркарот на Лос Анџелес клиперс, Каваи Ленард, не е сигурен дали ќе продолжи да се превезува со хеликоптер. Оваа изјава на Ленард доаѓа по хеликоптерската несреќа во која животот го загуби Коби Брајант и други осум лица. -Честопати летав со пилотот на Коби. По преселбата во клубот од Лос Анџелес се консултирав со локалната легенда Коби Брајант за животот во градот. Често си одам дома во Сан Диего и за превоз почнав да користам хеликоптер. Зборував со Коби за овој вид транспорт и тој ми кажа дека веќе 17 години патува на ваков начин. Пилотот Ари Зобајан беше еден од најдобрите пилоти. Не можам да верувам што се случи. Многу ми е жал за сите нив, изјави Ленард. Тој не одлучил дали да ќе го напушти патувањето со хеликоптери. -Не можам да зборувам за тоа. Не знам. Сè уште не знам. Толку многу работи се измешани во мојата глава, додаде Ленард. (МИА)

Ленард ги предводеше Клиперс до триумф над Шарлот

Ивона Петрова — Tue, 29 Oct 2019 08:25:40 +0000

Предводени од Каваи Ленард, кошаркарите на Лос Анџелес Клиперс го совладаа Шарлот хорнетс во еден од 11-те натпревари од НБА лигата одиграни ноќта меѓу понеделник и вторник. Ленард уште еднаш покажа дека е огромно засилување за Клиперси оваа сезона. Тој мечот го заврши со 30 поени, седум скокови и шест асистенции. Резултати: Детроит – Индијана 96:94 Њујорк – Чикаго 105:98 Атланта – Филаделфија 103:105 Торонто – Орландо 104:95 Хјустон – Оклахома 116:112 Милвоки – Кливленд 129:112 Њу Орлеанс – Голден Стејт 123:134 Сан Атонио – Портланд 113:110 Феникс – Јута 95:96 Сакраменто – Денвер 94:101 ЛА клиперс – Шарлот 111:96. По почетните кола без пораз, со по три победи досега се Минесота, Денвер, Сан Антонио и Филаделфија.

Ленард сака да испише историја во новата сезона

Ивона Петрова — Tue, 01 Oct 2019 07:25:24 +0000

Кошаркарот на Лос Анџелес Клиперс, Каваи Ленард посакува претстојната сезона да биде во негов знак и да оствари резултати кои ќе останат запишани во историјата на НБА лигата. – Исто толку многу сакам да победувам и со ЛА Клиперс, како со било кој друг клуб. Луѓето се заинтересирани да видат дали ќе постигнеме добри резултати оваа сезона. Сакам да победувам секоја година, сакам да се запишам во историјата оваа сезона. Главната работа е да се забавувате и да го давате најдоброто од себе на секој натпревар, изјави Ленард. Тој дојде во Лос Анџелес како слободен агент. Претходната сезона го предводеше Торонто репторс до шампионскиот трофеј. Кариерата во НБА лигата, Ленард ја почна во Сан Антонио во 2011 година и беше дел од Спарс до 2018 година.

Лејкерс се откажа од Ленард

Ивана Ефремовски — Wed, 26 Jun 2019 07:48:30 +0000

Раководството на НБА-лигашот Лос Анџелес Лејкерс излезе од трката по 27-годишниот кошаркар на Торонто, Каваи Ленард. Според „Фокс спорт“ Ленард нема да стане дел од „езерџиите“ во следната сезона дури и ако клубот обезбеди пари за да го потпише максималниот договор. Ленард по завршување на сезоната 2018/19 стана слободен агент, но може да остане во канадскиот клуб со потпишување на нов договор. Минатото лето, играчот дојде во Торонто од Сан Антонио и беше еден од најзаслужниот за историскиот прв трофеј на клубот во НБА-лигата. Воедно, Ленард беше прогласен за МВП на финалната серија. (МИА)

Ленард ја казни Јута со 45 поени, Торонто со четврта победа по ред

Ивона Петрова — Wed, 02 Jan 2019 08:33:19 +0000

Каваи Ленард постигна рекордни 45 поени и го поведе Торонто кон победа над Јута со 122:116. „Репторс“ неодамна го загубија првото место во НБА, но сепак постигнаа четврти успех по ред, со што го подобрија својот скор до 28-11. Паскал Сикам му помогна со рекордни 28 кошеви, а Норман Пауел додаде 14. Ленард одигра силна трета четвртина во која постигна 19 поени и успеа да ги реализира сите 7 шутеви од игра. Тој му помогна на својот тим да води со 10 поени пред последниот дел, што се покажа како решавачко. Напорите на „џезерите“ ги приближија до 105:109, но Каваи одговори со два прецизни шута од средно растојание, за да ги смири своите соиграчи, а на крајот Дани Грин и Сиакам зедоа важни скокови во нападот, за да се осигура триумфот. Резултати од НБА: Торонто Репторс – Јута Џез 122:116 Милвоки Бакс – Детроит Пистонс 121:98 Денвер Нагетс – Њујорк Никс 115:108 Сакраменто Кингс – Портланд Трејлблејзерс 108:113 по продолжение Лос Анџелес Клиперс – Филаделфија 76-ерс 113:119. МИА

Ленард конечно се огласи по трансферот во Торонто

Матеја Петровски — Fri, 10 Aug 2018 13:17:57 +0000

Три недели откако беше префрлен во Торонто, Каваи Ленард пушти специјално соопштение во кое тој им се заблагодари на Сан Антонио и на тренерот Грег Поповиќ. Крилото одигра само девет натпревари за „Спарси“ минатата кампања и откако влезе во конфликт со тимот побара да го напушти, откако беше разменет заедно со Дани Грин, за ДеМар ДеРозан и Јакоб Полтел. - Сан Антонио, во последниве недели размислував внимателно што да кажам и на крајот сé се сведува на два едноставни збора - ВИ БЛАГОДАРАМ! Благодарен сум на секој од моите соиграчи. Поп, јас секогаш ќе бидам благодарен за мојот развој под твое водство. Благодарен сум и на навивачите кои се најстрасните и најпосветените. Јас секогаш ќе се сеќавам на градот и на луѓето од Сан Антонио, пишува Ленард. Постои веројатност двократниот најдобар дефанзивец во Лигата да стане слободен агент догодина и да премине во Л.А. Лејкерс, но сепак не треба да се заборава примерот со Пол Џорџ, за кого се сметаше дека ќе го стори истото, а на крајот продолжи со Оклахома Сити. (Миа)