кавга – Kurir.mk

3 НАЧИНИ МИРНО ДА ЈА ЗАВРШИТЕ КАВГАТА! Вака ќе излезете од секој КОНФЛИКТ

Ристе Здравков — Thu, 22 Jun 2023 13:12:50 +0000

Кога ќе влезете во расправија со некого, важно е да останете смирени и присебни, па наместо да викате, работите да ги решавате со разговор. Дали некогаш сте се скарале со друга личност и работите едноставно излегле од контрола? Во афект кажувате нешто што не го мислите и на крајот и вие и другиот останувате со грутка во грлото, а најчесто не сте го ни решиле проблемот. За да избегнете таков исход, важно е да можете да ги контролирате вашите реакции и емоции во такви ситуации. Во тоа ќе ви помогнат советите на психотерапевтката Ана, која предлага тогаш да примените некоја од следните 3 работи: 1.Имам впечаток дека ни е тешко да се разбереме. 2.Можеби е подобро да разговараме кога двајцата ќе се смириме. Не сакам да кажам нешто што не го мислам, затоа што сега сум вознемирен/а (изнервиран/а). 3.Повторете го она што сте го слушнале од соговорникот. Можеби слушате дека тој всушност не го кажал тоа, туку вие сте си го превеле на својот речник (како што вие го разбирате, што може да се разликува од кажаното). – Доколку дојде до конфликт и сте биле жестоки во него, обидете се кога „страстите ќе стивнат“, да кажете извини ако сте викале, сте кажале нешто што не сте го мислеле, прокоментирајте како се чувствувавте тогаш. Враќањето на конфликтот е важно, бидејќи добивате можност да разговарате поискрено, отворено. Понекогаш има помала тензија во воздухот, па подобро се разбирате – вели Ана и додава: – Во обновувањето на разговорот можете да влезете со „Знаеш, нешто ме мачи, би сакал/а да зборуваме за тоа…“ Доколку пак ескалира, искористете го претходното искуство (те молам, подобро е да застанеме овде, изгледа дека сега не се разбираме… ) – заклучува таа.

Дали и вие тогаш повеќе се карате? Два дена во неделата во кои паровите имаат повеќе кавги

Ристе Здравков — Mon, 18 Jul 2022 07:31:58 +0000

Врските, особено оние посериозните кои вклучуваат заеднички живот, брак, деца… најчесто имаат свој ритам. Од понеделник до петок одите на работа, готвите вечера, ги возите децата на училиште или во градинка, секој си го прави своето. Во такви денови често немаме многу слободно време, а потоа ни доаѓа викендот, тие два дена кои треба да ги поминеме работејќи нешто што го сакаме, без обврски. Меѓутоа, заедно со викендот се зголемува и притисокот кај многу парови, а расправии се случуваат и за време на викендот. Дали и самите чувствувате дека некаде во петок навечер гневот и фрустрациите почнуваат да излегуваат на површина? Ако е така, не сте сами. Експертите за врски Џоселин и Арон Фримен велат дека има причина за ова – неусогласени очекувања за тоа како да го поминете слободното време. Ќе земеме пример за брачна двојка која како што наближува петок е полна со желби и надежи за претстојниот викенд. Планираат домашни работи, време со семејството, дружење со пријателите, романтична вечера, уживање во хоби… Со други зборови, сакаат многу. Проблемот произлегува од фактот што и двете страни имаат многу идеи како да ги поминат двата слободни дена, но не се согласуваат за секоја ставка од списокот „како да го поминете слободното време“. И тогаш се случуваат тие викенд расправии, бидејќи во текот на неделата понекогаш немаме време ни да се расправаме, а освен тоа, веќе имаме обврски како работа и грижа за децата кои не можеме да ги избегнеме. Добрата вест е дека постои решение. Според Freemans, за да спречите несреќа за викенд, седнете во четврток навечер или петок наутро за да разговарате и да се договорите за приоритетите за викендот. Плановите, се разбира, може да се променат по пат, но поентата е заеднички да се подреди и договори пробната агенда. На овој начин, никој нема да се чувствува запоставен и не треба да има ситуации во кои едниот, на пример, сака заедно да го исчисти станот, а другиот сака да лежи на каучот и да гледа филмови.

Хрват казнет оти се скарал сам со себе

Ивона Петрова — Mon, 11 Jul 2022 06:43:08 +0000

Хрват бил уапсен и казнет откако се скарал сам со себе. Во неправосилната пресуда објавена деновиве, се наведува дека на 8 март годинава во угостителскиот објект „Тип топ“ во Вишњевац, 27-годишното момче го нарушило јавниот ред и мир оти викал на јавно место, говорејќи гласно, а неразбирливо, додека зборувал сам со себе. Тој, според очевидци, во ресторанот почнал да вика: „Дали сум јас идиот!?“ По кусо време го турнал пепелникот од масата, а потоа и самиот паднал од столот на подот. После тоа повторно викал на цел глас „Јас сум ќелав, но не сум глупав мајмун!“ …Па, повторно седнал до масата и почна да вика дека ќе скрши сѐ и „нека се јават на кого и да сакаат“. По „караницата“, човекот е прогласен за виновен за нарушување на јавниот ред и мир. Казнет со 700 куни, но ќе треба да плати 100 куни (823 македонски денари), бидејќи неговите два дена во полициски притвор се бројат како 600 куни.

Кавга заврши со катастрофа – ранет скопјанец пренесен на клиника

Ивана Ефремовски — Thu, 12 May 2022 15:15:14 +0000

На 11.05.2022 во 15:18 часот во СВР Скопје било пријавено дека кај порта „Македонија“ бил нарушен јавниот ред и мир. Во врска со пријавата, од Комплексот клиники „Мајка Тереза“ било пријавено дека кај нив со повреда од остар предмет бил донесен С.К.(45) од Скопје. Во разговор со полициски службеници тој изјавил дека повредата со остар предмет му ја нанел негов познаник С.Н, по вербална расправија. Се преземаат мерки за расчистување на случајот.

ДРАМАТИЧНО ВИДЕО: По жестока љубовна кавга- девојка со глава крши излог, дечкото ладнокрвно си заминува

Катерина Бојаџиева — Sat, 08 May 2021 11:07:18 +0000

По жестока љубовна кавга меѓу млад пар, девојката со глава го крши излогот, а дечкото мирно си заминува. Сето ова го забележала безбедносна камера во Америка. На снимката се гледа како жената бесна вика на мажот, а во еден момент дури почнува со главата да удира во еден излог. После два удари, на третиот, стаклото се крши и таа паѓа во продавницата. Дечкото пак, ладнокрвно си заминува.

ГРОМ: Забелешките на Пендаровски се објективни и на место- Филипче со кавги нема да ја покрие неговата криминогеност, неспособност и ароганција

Катерина Бојаџиева — Wed, 31 Mar 2021 13:35:28 +0000

Граѓанската опција за Македонија – ГРОМ најостро го осудува неспособниот министер за здравство Венко Филипче во неговиот арогантен обид да се пресметува со Претседателот на државата. -Господинот министер за здравство е најнеуспешниот министер во историјата на Република Македонија и неговиот мандат е исполнет со обиди за криминални провизии, неуспех во менаџирањето со здравството, без ниту една набавка на современа опрема потребна за врвна здравствена заштита, без набавка на ниту еден респиратор, доцнеше со хигиенски материјали, скафандери и друга заштитна опрема за вработените во ковид центрите и со тоа го доведе во прашање здравјето не само на здравствените работници туку и на целото граѓанство. Дека се работи за изгубен случај, говори фактот што тој и неговиот Премиер ја одбија понудата за вакцини од Русија и Кина, со образложение дека ние сме биле земја членка на НАТО, а денес во посета им е Министерот за одбрана на Кина, кој според безбедносните проценки е најголема закана за нашиот стратешки партнер, велат од ГРОМ и додаваат: „Венко Филипче и Зоран Заев се вистински пример како не треба да се раководи и од нивното лошо раководење трпи целото општество. Обидите да се замолчи опозицијата и критиките на медиумите блиски до власта се проширија и врз претседателот на државата. Наместо да се сокријат зад сопствениот срам што народот бараше чаре во Србија и да ја сфати добронамерно забелешката на претседателот, тој демонстрираше невидена ароганција непоимлива за Министер кој соборува светски рекорди во смртност од Ковид 19“. Ако немаат право да дадат забелешки на лошото министерување на Филипче опозицијата, граѓаните и претседателот на државата, тогаш кој?, прашуваат од ГРОМ. -Затоа Граѓанската опција за Македонија го подржува претседателот Стево Пендаровски уште поенергично да реагира за сите неуспеси, промашувања и скандали кај било кој што троши народни пари.

Човек пешачел 400 километри по кавга со сопругата

Магдалена Андонова — Wed, 02 Dec 2020 11:46:25 +0000

Италијанец изодел скоро 400 километри за „да си ја разбистри главата“ по расправија со неговата сопруга. Човекот бил запрен од полициска патрола рано наутро во понеделникот во близина на Фано, централна Италија. Тој бил уморен и измрзнат, како што истакна полицискиот службеник Антонио Скванси. „Пешакот“ ѝ рекол на полицијата дека се скарал со неговата сопруга и на 22 ноември го напуштил заедничкиот дом во покраината Комо во северна Италија. Тој прво со воз се упатил кон Милано, а потоа почнал да пешачи. Неговата цел, впрочем, била областа Апуља на југот на земјата. Градот Фано се наоѓа на 380 километри од централната станица во Милано. Според „Гугл мапс“, за ова патување би биле потребни 79 часа пешачење. Полицијата го одвела мажот во хотел и ја повикале неговата сопруга да дојде и „да си го прибере“ дома. Властите, исто така, ги негираше наводите во некои медиуми на човекот му била пишана казна за кршење на државниот полициски час од 22 часот до 5 часот наутро. (МИА)

НАЛУТЕНА ИЗЛЕЗЕ ОД АВТОМОБИЛОТ И СЕДНА НА АВТОБУСКАТА ПОСТОЈКА – кавга помеѓу Анастасија Ражнатовиќ и нејзиното момче (ФОТО)

Магдалена Андонова — Thu, 12 Nov 2020 10:44:58 +0000

Пејачката и ќерка на фолк ѕвездата Цеца Ражнатовиќ, Анастасија, се скарала со своето момче Ѓорѓе Куљиќ. Двојката била „фатена“ од екипата на „Папарацо лов“ додека возела со автомобилот, кога возилото запрело и од него излегла Анастасија. Таа седнала на автобуската станица и разговарала за нешто, а потоа кога почнала да се враќа кон автомобилот, момчето рекло нешто и таа се вратила на клупата на постојката. Ѓорѓе пак изгледа си имал и друга мака, па отиде зад станицата и се олесни, како што може да се забележи од фотографијата. Потоа, сепак и пришол на Анастасија и по краток разговор очигледно ја убедил да се врати во автомобилот за да продолжат онаму каде наумиле да одат.

Кога не им е денот – бегајте: Луѓето од овие хороскопски знаци најмногу сакаат да се расправаат

Ивана Ефремовски — Wed, 21 Oct 2020 13:36:54 +0000

Некои луѓе сакаат да избегнат кавга по секоја цена и се најсреќни кога сè е мирно, а некои се однесуваат како да едвај чекаат да започнат расправија секогаш кога за тоа ќе се роди можност. А според астролозите, токму следните 2 хороскопски знака никогаш не можат да одолеат на ваквата можност: 1. Овен Овните се познати по својата агресивност, импулсивност и воинственост. Тие лесно се фрустрираат затоа мора да бидете внимателни со нив бидејќи никогаш не знаете што ќе ги исфрли од такт. Откако ќе се налутат, нема да се двоумат да ви дадат до знаење како се чувствуваат. Тие немаат многу трпеливост, затоа ќе започнат расправија за кратко време и секогаш ќе излезат од истата како победници. 2. Шкорпија Шкорпиите сами по себе не се агресивни, но ако некој ги повреди тие имаат тенденција да се налутат, па дури и да бидат насилни. Шкопријата нема да се воздржи од врескање, фрлање работи или удирање во ѕидовите. Ако ги вознемирите, тие лесно ќе започнат расправија. Покрај тоа, тие никогаш не забораваат за што се расправаат, па затоа не е невообичаено години подоцна да извлечат стара кавга и да продолжат да се расправаат со истото темпо.

Кавга меѓу Чавушоглу и шведската колешка пред новинари во Анкара

Тале Кристо — Tue, 13 Oct 2020 16:52:50 +0000

Шведската министерка за надворешни работи Ан Линде и забележа денеска на Турција дека ја ограничува слободата на говор, бидејќи нејзиниот турски колега Мевлут Чавушоглу ја нападна политиката на Стокхолм за време на заедничката прес-конференција, која прерасна во караница. Чавушоглу и забележа на Линде што ја повикува Турција да ги повлече своите трупи од Сирија, и ја обвини Шведска дека ги поддржува курдските екстремисти и молчи поради наводното грчко малтретирање на мигранти, кое Атина го демантира. – Сакам да ве прашам: со чиј авторитет и кажувате на Турција да се повлече од Сирија или ја предупредувате Турција?, праша Чавушоглу. Тој исто така додаде дека „ако сте толку чувствителни на човековите права, зошто тогаш еднаш не ја критикувате Грција?“. – Јас сум баша гостинка. Не би сакала тука да водам расправа. Само се надевам дека сите во Турција ќе имаат можност да ги изразат своите ставови искрено како и вие, министре, изјави Линде на прекорот на Чавушоглу.