казахстан – Kurir.mk

Токаев ја одби понудата на Лукашенко, Казахстан да стане дел од државната унија на Русија и Белорусија

Катерина Бојаџиева — Mon, 29 May 2023 12:32:45 +0000

Казахстанскиот претседател Касим-Жомарт Токаев денеска изјави дека ја одбил понудата на белорускиот претседател Александар Лукашенко, Казахстан да се приклучи на Државната унија на Русија и Белорусија. - Претседателот на Република Белорусија, Александар Григоревич Лукашенко понуди Казахстан да се приклучи на заедницата на држави. Ја ценам неговата шега. Мислам дека нема потреба од тоа бидејќи има и други интегративни асоцијации, пред сè Евроазиската економска унија (ЕАЕУ), наведе Токаев. Тој додаде дека Казахстан нема потреба од нуклеарно оружје ако треба да пристапи кон Договорот за неширење на нуклеарното оружје, како и кон Договорот за сеопфатна забрана на нуклеарни проби. - Остануваме верни на нашите обврски кон овие меѓународни инструменти. Мислам дека соработката во овој огромен евроазиски регион или како што сега се нарекува Голема Евроазија треба да се развива во економска насока, за која сите сме заинтересирани. Мора да создадеме вистински заеднички пазар, посочи Токаев.

Земјотрес со интензитет од 5,4 степени во областа Мангистау во Казахстан

Ивона Петрова — Tue, 25 Apr 2023 12:26:52 +0000

Земјотрес со интензитет од 5,4 степени во областа Мангистау во западниот дел на Казахстан регистрираа денеска напладне по локално време станиците за следење на сеизмичката активност во таа држава, соопшти казахстанското Министерство за вонредни ситуации. Епицентарот на земјотресот, како што се наведува, бил на 1.981 километри северозападно од Алмати на територијата на Казахстан, а магнитудата била 5,4 степени. Според сеизмолозите, земјотресот најсилно бил почувствуван во селата Кизан и Тушикудик во областа Мангистау. Нема извештаи за жртви и причинета материјална штета.

Земјотрес од 5,9 степени во Киргистан, во Индонезија од 5,5 степени

Ивона Петрова — Mon, 27 Feb 2023 06:58:56 +0000

Киргистан синоќа беше погоден од земјотрес со јачина од 5,9 степени. Епицентарот на земјотресот бил на длабочина од 15 километри. Засега нема информација за повредени лица или материјална штета. И Индонезија беше погодена од земјотрес со јачина од 5,5 степени. Земјотресот бил на длабочина од 12 километри.

ХОРОР: Три деца повредени во напад со секира и нож во училиште

Ивана Ефремовски — Mon, 13 Feb 2023 08:36:22 +0000

Тројца ученици се повредени денеска во основно училиште во Казахстан во напад со секира и нож, а напаѓачот - ученик е приведен, соопштија властите. Ученикот излегол од тоалетот со нож и секира, изјави службеник во Петропавловск, град со околу 200.000 жители во близина на руската граница, објави официјалната новинска агенција Казинформ. Според тој извор, две деца повредени во главата и горниот дел од раката се пренесени во болница, а на третото дете му била укажана помош на лице место. Повредените две момчиња и едно девојче се во свесна состојба. Напаѓачот, кој според првичните информации бил под психијатриски надзор, е уапсен и отворена е истрага за обид за убиство, соопштија од регионалното обвинителство. (МИА)

Опериран поранешниот претседател на Казахстан

Ивона Петрова — Fri, 20 Jan 2023 08:34:26 +0000

Поранешниот претседател на Казахстан, Нурсултан Назарбаев имаше успешна операција на срцето и неговиот живот не е во опасност, соопшти денеска неговата прес-служба. Објавувањето на веста следи по извештаите на казахстанските медиуми дека Назарбаев (82), кој три децении ја водеше земјата богата со нафта, се наоѓа во болница. Назарбаев беше на чело на Казахстан од 1989 до 2019 година и за 30 години на власт изгради силен култ на личноста. Тој го назначи својот сојузник Касим-Жомарт Токаев за негов наследник на функцијата претседател, но нивниот однос се влоши по политичките немири во Казахстан во јануари 2022 година кога загинаа 238 луѓе. Тогаш Токаев ја презеде функцијата шеф на Советот за безбедност и почна постепено да ги отстранува роднините и сојузниците на Назарбаев од важни позиции во земјата. Во септември 2022 година Токаев го врати името на главниот град на Казахстан, Астана, кој претходно беше наречен Нур-султан, во чест на поранешниот претседател. Парадоксот е што токму Токаев во 2019 година инсистираше Астана да го носи името на поранешниот претседател и го смени името на главниот град во Нур-султан. Назарбаев и натаму ужива имунитет од кривично гонење гарантиран со Уставот на земјата.

Казахстан и даде на Украина 41 генератор за болници

Тале Кристо — Mon, 26 Dec 2022 18:15:49 +0000

Казахстан ѝ даде на Украина 41 генератор за ублажување на енергетската криза, соопшти официјален Киев. – Добивме прекрасен подарок под елката од нашата братска нација Казахстан: 41 моќен генератор за нашите медицински установи, соопшти украинското Министерство за здравство на Фејсбук. Генераторите ќе се користат во регионите кои се најтешко погодени од руските ракетни напади врз енергетската инфраструктура, соопшти Министерството и ги именуваше Миколаев, Дњепропетровск и Харков.

Казахстан размислува за национализација на енергетските компании по откажувањето на греењето на минус 30 степени

Тале Кристо — Mon, 28 Nov 2022 08:27:38 +0000

Претседателот на Казахстан, Касим-Жомарт Токаев му наложи на премиерот Алихан Смаилов да го разгледа прашањето за национализација на проблематичниот енергетски имот. Одлуката уследи откако илјадници жители на Екибастуз, северен Казахстан останаа без греење на минус 30 степени Целзиусови, по несреќата во електраната. Токаев наведе дека лошото менаџирање на тие енергетските компании „е причина за несреќи и дефекти во снабдувањето со електрична енергија“. За време на владеењето на Нурсултан Назарбаев, кој беше на власт три децении, енергетскиот сектор во Казахстан беше либерализиран и премина во рацете на олигарсите.

ЕУ и Казахстан потпишаа договор за набавка на суровини

Тале Кристо — Mon, 07 Nov 2022 18:31:40 +0000

Европската комисија и Казахстан потпишаа Меморандум за разбирање, чија цел е да обезбеди развој на безбедно и одржливо снабдување со суровини и рафинирани материјали. Договорот има за цел и развој на синџири за снабдување со суровини, батерии обновлив водород, со цел да се поттикне зелената и дигиталната трансформација на економиите на двете страни, соопшти Европската комисија. Документот го потпишаа претседателката на Комисијата Урсула фон дер Лајен и премиерот на Казахстан Алихан Смаилов. Договорот е потпишан во Шарм ел Шеик, Египет, каде Фон дер Лајен и Смаилов учествуваат на климатскиот самит на ОН, КОП27. – Знаеме колку се важни батериите за електрификацијата на нашето стопанство, на пример за електрични возила или складирање на обновлива енергија, така што има голема побарувачка. ЕУ сака да постигне климатска неутралност до 2050 година и да се оддалечи од фосилните горива. И ова е местото каде што водородот ќе игра голема улога како главен извор на обновлива енергија што ќе ни треба. Знаеме дека сето ова бара соодветно количество специфични суровини, особÐ �но минерали со кои Казахстан е толку богат, рече Фон дер Лајен.

Казахстан: Најмалку пет лица загинаа во експлозија во рудник

Ивона Петрова — Thu, 03 Nov 2022 08:42:27 +0000

Најмалку пет лица загинаа, а четворица се повредени во експлозија во рудник за јаглен во централен Казахстан, соопшти тамошното Министерство за вонредни состојби. Несреќата се случила во Шахтинск, во рудникот Ленин што му припаѓа на Арцелор Митал. Вкупно 106 лица се евакуирани од рудникот, а четворицата повредени се хоспитализирани, соопштија властите. Министерството додаде дека се утврдуваат околностите за несреќата.

Mинистерот за надворешни работи на Казахстан утре во официјална посета на Скопје

Катерина Бојаџиева — Mon, 31 Oct 2022 14:58:36 +0000

Шефот на дипломатијата Бујар Османи утре ќе биде домаќин на казахстанскиот вицепремиер и министер за надворешни работи Мухтар Тлеуберди, кој ќе престојува во официјална посета на земјава. Како што информираат од МНР, во фокус на разговорите ќе бидат билатералните односи, особено мултилатералната соработка на двете држави, со посебен акцент во Организацијата за безбедност и соработка на Европа (ОБСЕ), со која Северна Македонија ќе претседава по две месеци, а ќе бидат разменети мислења и за други актуелни прашања во надворешната политика. Во рамки на неговиот престој во Скопје, Тлеуберди се очекува да се сретне и со шефот на државата Стево Пендаровски, како и со претседателот на Собранието, Талат Џафери.