Во немирите во Казахстан загинале 164 лица, меѓу нив и деца

Ристе Здравков — Sun, 09 Jan 2022 16:40:40 +0000

Бројот на загинатите за време на немирите во Казахстан се искачи на 164, јави денеска телевизијата „Хабар 24“, повикувајќи се на податоци на Министерството за здравство. Според Министерството, во Алмати од избувнувањето на немирите загинале 103 лица. Во регионот Кизилорда загинале 21 лице, 10 лица во областа Жамбил и осум лица во областа Алмати, пренесе руската агенција „Тасс“. Телевизијата „Хабар 24“ повикувајќи се на податоците од здравствeните власти објави и дека од почетокот на немирите во Казахстан лекарска помош побарале над 2.200 лица. Од Министерството прецизираат дека вкупниот број на повредени е 2.265. Најголем број се повредени за време на немирите во Алмати – 1.100 лица. Во моментот има 719 лица во болниците низ Казахстан. Од нив, 83 се во тешка состојба. Меѓу загинатите има и тројца малолетници. Народниот правобранител во Казахстан ја потврди смртта на двајца тинејџери на возраст од 11 и 15 години, како и смртта на четиригодишно девојче.

Во Киргистан слетал турски бизнисмен со лет од Скопје, а не семејството на поранешниот казакстански претседател

Ристе Здравков — Sat, 08 Jan 2022 15:12:25 +0000

Пристигнал во Скопје со авион од Истанбул а турскиот бизнисмен си заминал на 6 јануари со слободен лет за Киргистан. Авионот со тројца патници ги имал сите потребни документи и го најавил уредно пристигнувањето во земјата. Директорот на агенцијата за цивилно воздухопловство Томислав Тунтев за Телма објасни дека пишувањата на неколку локални медиуми во Казакстан дека авион кој стасал од Македонија во Киргистан бил вклучен во бегство на членови на семејството на првиот претседател Нурсултан Назарбаев од земјата се шпекулација. Тој појасни дека станува збор за најавен и одобрен бизнис лет со авион од типот „бомбардиер глобал експрес“ од турски оператор што ги исполнува сите услови и барања. Веста за бегството на Назарабев и семејството се прошири откако руската агенција Новости вчера пренесе вест на локалните медиуми во Казахстан дека два приватни авиона, наводно на семејеството Назарбаев, слетале на аеродромот „Манас“, во главниот град на Киргистан, Бишкек, од кои едниот бил од Северна Македонија, што пак го демантираа и полициските структури во земјава. „НЕ Е ТОЧНО И ДЕЗИНФОРМАЦИЈА Е ДЕКА ПОРАНЕШНИОТ ПРЕТСЕДАТЕЛ НА КАЗАХСТАН, НУРСУЛТАН НАЗАРБАЕВ ИЗБЕГАЛ СО АВИОН ШТО ВО БИШКЕК, КИРГИСТАН СЛЕТАЛ ОД СЕВЕРНА МАКЕДОНИЈА, ВЕЛАТ ОД МВР. Официјалните информации се дека Назарабев откако го напуштил раководењето со советот за безбедност на Казакстан по избивањето на масовнитеп ротести сеуште е во земјата и повикува на поддршка меѓу граѓаните за неговиот наследник на фунцкијата. Оваа вест ја пренесува руската информативна агенција, но веста за неговото бегство со два авиони преку Киргистан ја нема повеќе на официјалната интернет страница на НОВОСТИ.

казакстан – Kurir.mk

Во немирите во Казахстан загинале 164 лица, меѓу нив и деца

Во Киргистан слетал турски бизнисмен со лет од Скопје, а не семејството на поранешниот казакстански претседател