казна затвор – Kurir.mk

Приведен криминалец баран со потерница за казна затвор

Ивана Ефремовски — Wed, 05 Apr 2023 18:53:53 +0000

На 05.04.2023 од страна на полициски службеници од криминалистичката полиција на СВР Битола од ул. “Паца Ванчова" во Битола по распишана потерница по наредба од Основен суд Битола, приведен е П.Д.(36) од Битола. Тој бил баран за издржување на казна затвор во траење од 3 години и 6 месеци во Казнено поправна установа Затвор Битола. Лицето е предадено на казнено поправната установа за издржување на казната.

Приведен скопјанец, осуден на 15 години казна затвор

Катерина Бојаџиева — Thu, 08 Dec 2022 18:09:29 +0000

Денеска (08.12.2022) во 17.20 часот во скопската населба Хиподром, полициски службеници од Оперативен тим потраги при СВР Скопје го лишиле од слобода Е.Л.(31) од Скопје. Тој бил осуден на 15 години казна затвор за сторени кривични дела по член 236 и член 242 од Кривичниот законик, а бил баран по централна потерница по наредба на Казнено-поправната установа Затвор Идризово за доиздржување затворска казна од пет години и пет месеци. Лицето ќе биде предадено во Казнено-поправната установа Затвор Идризово за доиздржување на казната.

Приведено лице за издржување на казна затвор

Катерина Бојаџиева — Fri, 02 Dec 2022 10:49:26 +0000

На 01.12.2022 во 10.15 часот во гостиварско Беловиште, полициски службеници од СВР Тетово - ОВР Гостивар го привеле М.А.(23) од гостиварско Падалиште. Тој се барал за издржување на затворска казна по наредба од Основен суд Гостивар. Лицето било спроведено во Казнено-поправната установа Затвор Тетово за издржување на казната.

Белорусија: Шеф на политичка партија, американски адвокат и уште три лица осудени на повеќегодишни затворски казни

Магдалена Андонова — Mon, 05 Sep 2022 17:19:26 +0000

Пет лица, меѓу кои и шеф на политичка партија, како и американски адвокат, осудени се денеска во Белорусија на повеќегодишни затворски казни поради „обид за државен удар“. Белорускиот претседател Александар Лукашенко во април 2021 година изјави дека го спречил обидот планиран од САД, претставувајќи го како „обид за атентат“ врз него и неговото семејство. Според белоруската организација за одбрана на човекови права, Вјасни, меѓу осудените се политикологот и литературен критичар Александер Федута, шефот на партијата Народен фронт, Ригор Кастусев и адвокатот Јури Зјанковиќ, кој има и американско државјанство. Зјанковиќ е осуден на 11 години затвор поради организирање и водење екстремистичка група. По 10 години затворска казна добија Федута и Кастусев затоа што се прогласени за виновни за вршење заговор да „преземат власт преку неуставни мерки“. Другите се осудени на две и пол години затворска казна. Еден од сведоците во процесот беше и Роман Проташевиќ, опозиционен новинар уапсен во мај 2021 година, кога Белорусија пренасочи комерцијален авион што леташе над нејзина територија. Тој изјави дека учествувал преку видео – врска на состаноци со обвинетите за наводниот заговор. Според Александер Федута, „планот за државниот удар“ го покренал официр од белоруската тајна служба КГБ, кој се инфилтрирал во групата. – Верував во заговорот затоа што сакав да верувам. Чесен човек не можеше да спречи да биде огорчен поради тоа што се случува во земјата, се изјасни тој во судот, признавајќи дека „учествувал“. Случајот доби јавност неколку месеци по големите демонстрации поради повторниот избор на Александар Лукашенко за претседател, на изборите во август 2020 година, што многумина ги сметаат за лажни. Властите жестоко ги задушија протестите и ја натераа опозицијата на егзил во странство. (МИА)

Приведено лице од скопско за издржување казна затвор од две години

Катерина Бојаџиева — Wed, 03 Aug 2022 11:47:33 +0000

Денеска (03.08.2022) во 12.30 часот на улица „Илинденска“ во Тетово, полициски службеници од Оперативен тим потраги при СВР Скопје го лишиле од слобода З.С.(56) од с.Бојане, скопско. Тој бил баран по централна потерница на барање од Основен кривичен суд Скопје за издржување казна затвор од две години, за сторено кривично дело по член 418 од Кривичниот законик. Лицето ќе биде спроведено во казнено-поправна установа за издржување на казната.

Апелација ја зголеми казната на возачот кој ја прегази Викторија кај „Сити Мол“

Магдалена Андонова — Tue, 12 Jul 2022 12:34:51 +0000

Апелација му ја зголеми казната на четири години затвор на возачот Јордан Ѓоргиев кој смртоносно ја прегази Викторија Николова на пешачкиот премин на раскрсницата кај „Сити мол“. Од судот потврдуваат дека казната е зголемена за една година, од првичната изречена која беше три години затвор. Причините за зголемување на казната за една година, детално ќе бидат образложени во пресудата, која треба да биде јавно објавена. - Одредени се четири години затворска казна, велат од Апелација. Претходно, Кривичен суд одреди тригодишна затворска казна за возачот Јродан Ѓоргиев. Судијката Љубинка Башевска ја изрече казната по само едно рочиште, на кое обвинетиот ја призна вината. Возачот останува во затворот во Шутка. Според судијката, Ѓоргиев не се придржувал на прописите за сообраќајот, не обрнал внимание на пешаците, а возел и со недозволена брзина. Сообраќајката во која загина 24-годишната Викторија Николова, а нејзиното момче Леонид Даов беше повреден се случи на 20 јануари на раскрсницата кај „Сити мол“. Возачот Јордан со брзина од 67,3 километри на час, што е за 17,3 километри на час поголема од максимално дозволената, удри во двајцата пешаци кои поминувале улица. Според обвинението, возачот не обрнал внимание дека семафорите се исклучени, со тоа, иако бил должен, тој не ги пропуштил пешаците.

Приведено лице во Скопје за издржување казна затвор од една година

Дарко Андоновски — Thu, 07 Jul 2022 11:36:14 +0000

Денеска (07.07.2022) во 11.05 часот на улица „Злетовска“ во Скопје, полициски службеници од Оперативен тим потраги при СВР Скопје го лишиле од слобода Н.Д.(58) од с.Морани, скопско. Тој бил баран по Централна потерница од Основен кривичен суд Скопје за издржување казна затвор од една година, за сторено кривично дело по член 261 од Кривичниот законик. Лицето ќе биде предадено во казнено-поправна установа за издржување на казната.

На територија на СВР Тетово приведени 110 криминалци барани со потерници, во првите шест месеци од 2022

Дарко Андоновски — Wed, 06 Jul 2022 11:49:13 +0000

Во изминатите шест месеци од оваа година, полициските службеници на Секторот за внатрешни работи Тетово привеле 110 лица кои со судски наредби се барале за издржување затворски казни, претежно на тетовското подрачје, а во последните два месеци и на гостиварското. Најголемиот број од нив, соопштија денеска од МВР, биле спроведени во Казнено-поправната установа Затвор „Тетово“ во Тетово, а биле осудени на затворски казни за имотни деликти, „неовластено производство и пуштање во промет на наркотични средства, психотропни супстанци и прекурсори“ и за други кривични дела.

Приведен тетовец осуден на казна затвор

Дарко Андоновски — Tue, 05 Jul 2022 09:19:27 +0000

На 04.07.2022 околу 21.00 часот во Тетово, полициски службеници на СВР Тетово го привеле Н.Е.(50) од Тетово. За него била издадена судска наредба, со која се барал за издржување на затворска казна. Тој бил спроведен во Казнено-поправната установа Затвор Тетово за издржување на казната.

Приведен 22-годишен скопјанец за издржување затворска казна

Тале Кристо — Wed, 01 Jun 2022 15:01:53 +0000

Денеска (01.06.2022) во 09.30 часот на подрачјето на Бит Пазар, полициски службеници од Одделението за криминалистички работи Центар и Бит Пазар го лишиле од слобода А.Е.(22) од Скопје. Тој бил баран по судска наредба за издржување на затворска казна за сторено кривично дело „тешка кражба“ по член 236 од Кривичниот законик. Лицето ќе биде спроведено во казнено-поправна установа за издржување на казната.