казнен налог – Kurir.mk

Казнен налог за уништување извршителски печат во Гостивар

Магдалена Андонова — Wed, 20 Oct 2021 14:03:05 +0000

Основното јавно обвинителство Гостивар до надлежниот суд поднесе Предлог за издавање казнен налог против едно лице за кривично дело – Симнување или оштетување на службен печат или знак од член 389 став 1 од Кривичниот законик. Обвинетиот, на 19 јули симнал службен печат од овластено службено лице – извршител за осигурување на моторно возило Мерцедес, попишано поради неплатен долг кон една банка. Печатот бил ставен на возилото по поднесено барање за извршување и пресуда од 2009 година од Основниот суд Гостивар. Јавниот обвинител предложи на обвинетиот за стореното да му биде изречена условна осуда со утврдена казна затвор од три месеци.

Казнен налог за прекршување на полицискиот час за државјанин на Албанија

Тале Кристо — Wed, 20 May 2020 13:41:06 +0000

Основното јавно обвинителство Гостивар поднесе Обвинителен предлог против едно лице, државјанин на Република Албанија, заради сторено кривично дело „непостапување според здравствените прописи за време на епидемија“, соопштија од ОЈО Гостивар. – Обвинетиот 25-годишник, на 16 мај во 04:15 часот, за време на полицискиот час, бил затекнат како се движи со коњ во селото Велебрдо од каде се упатил кон местото викано Долно Маало, пред џамијата. Притоа бил забележан од полициски службеници од ПО Ростуше, информираат од ОЈО Гостивар. Освен ова, гостиварското Обвинителство денеска за истото кривично дело поднесе предлози за издавање казнени налози против уште 16 лица. Сите биле затекнати како се движат на различни локации за време на полицискиот час, со што ја прекршиле Одлуката за забрана и посебен режим за движење на територијата на Република Македонија. За нив обвинителството предложи парични казни од 100 дневни глоби.

Казнен налог за шест велешани не го почитувале полицискиот час

Тале Кристо — Fri, 03 Apr 2020 12:31:29 +0000

Основното јавно обвинителство во Велес во текот на денешниот ден до велешкиот Основен суд поднесе предлози за издавање казнен налог против шест лица за сторено кривично – Непостапување според здравствените прописи за време на епидемија, информираат од Јавното обвинителство. -Обвинетите постапиле спротивно на Одлуката за дополнување на Одлуката за забрана и посебен режим за движење на територијата на Република Северна Македонија и за време на полицискиот час биле затекнати од страна на полициските службеници како се движат пеш или со автомобил по улиците низ градот, велат од обвинителствоо. Надлежните јавни обвинители предлагаат на обвинетите за стореното кривично дело да им се изречат парични казни во висина од 40 дневни глоби во износ од по 20 евра, односно вкупни казни од 800 евра во денарска противвредност.

казнен налог – Kurir.mk

Казнен налог за уништување извршителски печат во Гостивар​

Казнен налог за прекршување на полицискиот час за државјанин на Албанија

Казнен налог за шест велешани не го почитувале полицискиот час

Казнен налог за уништување извршителски печат во Гостивар