казнени налози – Kurir.mk

Парични казни за непочитување на полицискиот час во Скопје

Ивана Ефремовски — Fri, 07 May 2021 12:09:29 +0000

Основното јавно обвинителство Скопје поднесе предлози за издавање казнени налози против седум лица за кривично дело – Непостапување според здравствените прописи за време на епидемија од член 206 став 1 од Кривичниот законик. Спротивно на прописите со кои се определени мерки за заштита и спречување на ширењето на коронавирусот, обвинетите биле затекнати при непочитување на полицискиот час. Имено, за време на определената забрана за движење на населението, тие се движеле на различни локации во градот, без да поседуваат дозвола за тоа. Јавните обвинители му предложија на Основниот кривичен суд Скопје за сите обвинети да определи парични казни од по 100 дневни глоби со поединечна вредност на дневната глоба од 20 евра во денарска противвредност.

Казнени налози за 13 лица за непочитување на здравствените прописи

Магдалена Андонова — Mon, 13 Jul 2020 14:20:07 +0000

Основното јавно обвинителство – Скопје денеска поднесе девет предлози за издавање казнени налози против вкупно 13 лица кои сториле кривично дело „непостапување според здравствените прописи за време на епидемија“ од член 206 став 1 од Кривичниот законик. – Обвинетите не го почитувале полицискиот час кој бил во сила, односно биле затекнати како се движат без да поседуваат дозвола, спротивно на Одлуката за забрана и посебен режим за движење на територијата на Република Македонија, информираат од ОЈО. Скопското Основно јавно обвинителство на Основниот кривичен суд – Скопје му предложил за сите обвинети да изрече парични казни од по 100 дневни глоби, при што висината на една дневна глоба да биде определена на 20 евра во денарска противвредност. (МИА)

Казнени налози за седум лица од Битола за непочитување здравствени прописи во епидемија

Тале Кристо — Tue, 26 May 2020 15:26:55 +0000

Основното јавно обвинителство – Битола денеска до Основниот суд во Битола поднесе пет предлози за издавање казнени налози против седум лица. Во текот на вчерашното деноноќие лицата биле затекнати во движење без поседување на соодветни дозволи. – Со своите дејствија седуммината обвинети сториле кривично дело -Непостапување според здравствените прописи за време на епидемија предвидено и казниво по член 206 став 1 од Кривичниот законик. Обвинителството му предложи на судот сторителите да ги огласи за виновни и да им изрече парични казни во висина од по 100 дневни глоби, а секоја дневна глоба да биде во износ од 20 евра во денарска противвредност., соопштија од ОЈО.

Казнени налози за 23 лица во Скопје заради непочитување на полицискиот час

Тале Кристо — Thu, 21 May 2020 08:13:32 +0000

Основното јавно обвинителство Скопје поднесе предлози за издавање казнени налози против 23 лица за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите не постапиле согласно Одлуката за забрана и посебен режим за движење на територијата на Република Македонија и за време на полицискиот час биле затекнати како се движат на различни локации. За сите нив, јавен обвинител до надлежниот суд достави предлог да им се определи парична казна од по 100 дневни глоби со износ на секоја дневна глоба од 20 евра во денарска противвредност.

ОЈО Штип: Казнени налози за шест лица заради непочитување на полицискиот час

Тале Кристо — Tue, 19 May 2020 13:34:20 +0000

Надлежен јавен обвинител од Основното јавно обвинителство Штип, денеска до штопскиот Основен суд поднесе предлози за издавање казнени налози против шест лица заради непочитување на полицискиот час, информираат од ОЈО Штип. – На лицата им се става на товар дека не ги почитувале мерките за забрана за движење и во време на полициски час, две лица без дозвола се движеле низ Пробиштип, едно лице за време на забраната за движење било надвор од својот дом во Штип, додека тројцата скопјани биле забележани со патничко моторно возило на магистралниот пат Штип -Велес во непосредна близина на населбата „Три чешми“, соопштија од штипско Обвинителство. Со дејствијата обвинетите го сториле кривичното дело „непостапување според здравствените прописи за време на пандемија“. Обвинителството му предложи на Основниот суд Штип на обвинетите да им биде изречена парична казна во висина од по 500 евра во денарска противвредност, односно по 50 дневни глоби, при што висината на една дневна глоба да изнесува 10 евра.

Казнени налози за 13 правни и 18 физички лица во Битола

Тале Кристо — Tue, 19 May 2020 12:07:49 +0000

Постапувајќи по кривичните пријави доставени од страна на Државниот пазарен инспекторат против 13 правни лица и 13 физички лица – како одговорни лица – управители на правните лица, како и четири кривични пријави против пет лица поднесени од страна на Министерството за внатрешни работи, Основното јавно обвинителство Битола до Основниот суд Битола поднесе предлози за издавање казнен налог заради сторено кривично дело „Непостапување според здравствени прописи за време на епидемија“ од чл.206 од Кривичниот законик. – Во текот на месеците март и април 2020 година тринаесетте обвинети како одговорни лица – управители на правни лица не постапиле според Одлуката за мерки за спречување на внесување и ширење на коронавирус COVID-19 донесена од Владата на Република Македонија со која се забранува работа на кафетерии, барови, клубови, казина и спортски обложувалници и истите се затвораат за посетители, не постапиле по истата и дозволиле објектите да работат. При контрола од државни пазарни инспектори било констатирано дека обвинетите даваат угостителски услуги на лица, со што одговорните лица – управители на правните лица сториле кривично дело „Непостапување според здравствени прописи за време на епидемија“ од чл.206 ст.1 од КЗ, а со дејствијата на одговорните лица – управители на правните лица правното лице сторило кривично дело „Непостапување според здравствени прописи за време на епидемија“ од чл.206 ст.2 в.в. ст.1 од Кривичниот законик, стои во соопштението од ОЈО. Обвинителството поднесе предлози за издавање казнен налог спрема обвинетите и на Основниот суд Битола му предложи на управителите на правните лица, како и на и на петтмината што биле затекнати за време на полициски час како се движат без да поседуваат дозвола, да им се изрече парична казна во висина од по 100 дневни глоби при што вредноста на една дневна глоба да се определи во висина од по 20 евра во денарска противвредност. Воедно на правните лица да им биде изрече парична казна во износ од по 100.000 денари.

Струшко обвинителство поднесе казнени налози против две лица за непочитување на полицискиот час

Тале Кристо — Tue, 12 May 2020 12:42:42 +0000

Основното јавно обвинителство Струга поднесе предлози за издавање казнени налози против две лица, обвинети за кривично дело – Непостапување според здравствените прописи за време на епидемија, соопштија од ОЈО Струга. -Двајцата обвинети се товарат дека не ја почитувале Одлуката за забрана и посебен режим за движење на територијата на Република Македонија, донесена од Владата со цел да се спречи ширење на заразна болест. За време на полицискиот час, едниот се движел на регионалниот пат Струга-Дебар, а другиот бил затекнат на локален пат во селото Велешта, соопштија од обвинителство. За секој од обвинетите надлежниот јавен обвинител предложи парична казна од 100 дневни глоби, при што вредноста на една дневна глоба да биде одредена на 30 евра во денарска противвредност.

Казнени налози за две лица од Штип за непочитување на полицискиот час

Тале Кристо — Thu, 07 May 2020 12:52:30 +0000

Oсновното јавно обвинителство Штип поднесе предлози за издавање казнени налози против две лица кои во одделни кривично-правни настани го сториле кривичното дело „непостапување според здравствените прописи за време на епидемија“. За стореното кривично дело обвинителството му предложило на судот на секој од обвинетите да им изрече парични казни од по 50 дневни глоби, секоја од нив во висина од 10 евра во денарска противвредност. Обвинетите, како што соопшти Јавното обвинителство, пеш или со возила се движеле низ градот, во временски период кога во сила бил полицискиот час, со што не ги почитувале донесените одлуки на Владата за спречување на ширењето на заразната болест предизвикана од коронавирусот.

Казнени налози за пет лица од Битола поради прекршување на полицискиот час

Ивона Петрова — Mon, 27 Apr 2020 08:57:09 +0000

Основното јавно обвинителство Битола поднесе предлози за издавање казнени налози против пет лица кои во одделни кривично правни настани го сториле кривичното дело – Непостапување според здравствени прописи за време на епидемија, соопштија од ОЈО Битола. -Четворица од обвинетите на 25 април 2020 година, не ги почитувале мерките со кои се определува забрана за движење на населението на територијата на Република Северна Македонија па се движеле со возило низ градот за време додека во сила бил полицискиот час, информираат од обвинителство. Истовремено од обвинителство истакнуваат дека петтиот обвинет имал вербална расправија со лице кое живее на друга адреса во градот, па со намера да продолжи со расправијата отишол до домот на другиот битолчанец, каде бил затекнат од полициските службеници. За стореното, обвинителството на надлежниот суд му предложи на сите обвинети да им изрече парична казна во висина од 100 дневни глоби секоја од нив во висина од по 20 евра во денарска проиввредност.

Казнени налози против 34 скопјани за непочитување на полицискиот час

Тале Кристо — Mon, 27 Apr 2020 08:39:47 +0000

Основното јавно обвинителство Скопје поднесе 31 предлог за издавање казнени налози со кои се опфатени вкупно 34 лица обвинети за кривичното дело непостапување според здравствените прописи за време на епидемија од член 206 став 1 од Кривичниот законик. Како што соопшти денеска Обвинителството, обвинетите не ја почитувале одлуката за забрана и посебен режим за движење на територијата на државата и за време на полицискиот час биле затекнати надвор од нивните домови без да поседуваат соодветни дозволи за движење. Надлежните јавни обвинители на Основниот кривичен суд Скопје му предложиле за секој од обвинетите да изрече паричнa казнa во висина од 100 дневни глоби, а вредноста на една дневна глоба да биде определена на 20 евра во денарска противвредност.