казујоши миура – Kurir.mk

Највозрасниот фудбалер во светот, Миура, ќе игра и следната сезона

Тале Кристо — Wed, 12 Jul 2023 17:51:28 +0000

Највозрасниот активен фудбалер во светот, 56-годишниот Казујоши Миура, го продолжи договорот со Оливеиренсе и за следната сезона, соопшти денеска португалскиот второлигаш. Миура од февруари годинава настапува за Оливеиренсе како позајмен фудбалер од Јокохама, а во завршницата на минатата сезона постави рекорд како највозрасен фудбалер кој настапувал во португалската лига. Сопствениците на јапонскиот прволигаш Јокохама од лани се мнозински акционери во Оливеиренсе. Највозрасниот фудбалер во светот својата импозантна кариера ја почна во бразилски Сантос, по што настапуваше и за Палмеирас, Коричиба, Верди Кавасаки, Џенова, Висел Кобе, Динамо Загреб и Сиднеј.

Педесетипетгодишниот Миура потпиша за нов клуб

Тале Кристо — Tue, 11 Jan 2022 16:02:50 +0000

Јапонската фудбалска ѕвезда Казујоши Миура и официјално ја продолжи својата кариера, потпишувајќи на 55-годишна возраст договор со четвртолигаш, каде тренер е неговиот повозрасен брат. Миура симболично во знакот на бројот 11 кој го носи на својот дрес стави потпис на едногодишен договор со екипата Сузука Поинт Гетерс на 11 јануари во 11:11 часот Јапонската фудбалска легенда идниот месец ќе го прослави својот 55 роденден, а неговата желба е да продолжи да игра фудбал до 60-та година од животот. Највозрасниот фудбалер во светот својата импозантна кариера ја почна во бразилски Сантос, по што меѓу другите настапуваше и за Палмеирас, Коричиба, Верди Кавасаки, Џенова, Висел Кобе, Динамо Загреб и Сиднеј Неговиот нов клуб Сузука се прослави во 2019 година кога стана првата јапонска екипа која за тренер доведе жена во името на Мила Мартинез од Шпанија.

Миура не запира и на 54. години – Ме бараат осум клубови

Тале Кристо — Wed, 22 Dec 2021 16:38:03 +0000

Легендарниот 54-годишен јапонски фудбалер Казујоши Миура објави дека нема намера да ја заврши својата кариера, наведувајќи оти за неговите услуги на теренот сè уште постои голем интерес. Миура, кој во родната земја е познат под прекарот „Кралот Казу“ обелодени дека дури осум јапонски клубови го бараат неговиот потпис за следната сезона, јавија локалните медиуми. – Ќе биде тешко да се одлучам за кого ќе играм, изјави Миура, кој годинава ја одигра својата 36. сезона во професионалниот фудбал. Иако неговиот досегашен клуб Јокохама испадна во втората јапонска лига, а Миура одигра само еден првенствен и три куп натпревари, јапонскиот фудбалски ветеран наведе дека пред него сега е нов предизвик во кариерата. – Сакам да ја донесам вистинската одлука. Моите чувства кон фудбалот и моите стремежи воопшто не се променија откако станав професионален фудбалер во Бразил во 1986 година. Ниту страста не е промената, додаде Миура. Најворазниот фудбалер во светот својата импозантна кариера ја почна во бразилски Сантос, по што меѓу другите настапуваше и за Палмеирас, Коричиба, Верди Кавасаки, Џенова, Висел Кобе, Динамо Загреб и Сиднеј.

Највозрасниот фудбалер на светот Миура потпиша нов договор

Магдалена Андонова — Mon, 11 Jan 2021 15:37:33 +0000

Легендарниот јапонски фудбалер Казујоши Миура, кој на 26 февруари ќе го прослави својот 54 роденден, го продолжи за уште една година договорот со прволигашот Јокохама. Миура минатиот септември постави нов светски рекорд како највозрасен фудбалер, појавувајќи се на теренот во дресот на јапонскиот прволигаш Јокохама со 53 години, шест месеци и 28 денови. Новиот договор „Кралот Казу“, кој на својот дрес го носи бројот 11, го потпиша денеска, на 11 јануари, во 11 часот и 11 минути. -Мојата страст за играње фудбал само се зголемува, изјави Миура при потпишувањето на новиот договор со членот на јапонската Прва лига. (МИА)