Кеандре Кук е избран за МВП на колото во АБА лигата

Бошко Тасиќ — Thu, 09 Feb 2023 05:38:22 +0000

Новото засилување на МЗТ Скопје Аеродром, Кеандре Кук, е избран за најдобар играч на 18. коло во АБА лигата. Кошаркарот од САД дебитираше во СЦ „Јане Сандански“ и беше најдобар играч на МЗТ Скопје во победата над Цедевита Олимпија. Кук одигра 24 минути, забележа 26 поени, имаше пет скока и една асистенција. Челниците на лигата му го дадоа признанието за МВП на оваа рунда, што може да е голема мотивација за Кеандре Кук.

Мекиќ го напушти МЗТ Скопје, Американецот Кук негова замена

Ивана Ефремовски — Mon, 09 Jan 2023 11:59:11 +0000

Македонскиот кошаркарски првак МЗТ Скопје Аеродром го донесе во своите редови Американецот Кеандре Кук на местото на репрезентативецот Адем Мекиќ, кој доби дозвола да го напушти клубот поради трансфер во странство. -Адем Мекиќ од денеска и официјално не е член на МЗТ Скопје Аеродром, откако му беше одобрено барањето за раскин на договорот поради желба првпат во кариерата да се проба во клуб надвор од Македонија. Станува збор за кошаркар „израснат“ во нашиот клуб, со кој дојде до пет шампионски титули и три трофеи во Купот на Македонија, поради што му излеговме во пресрет и му посакавме среќа во обидот да ја почне интернационалната кариера, соопшти клубот од Аеродром. Неговото место во ростерот ќе го пополни 25-годишниот Кук, кој потпиша договор со МЗТ Скопје до крајот на сезоната, а во редовите на македонскиот шампион доаѓа од францускиот прволигаш АДА Блус. Тој денеска треба да пристигне во Скопје, а дебито во сино-белиот дрес се очекува за следниот понеделник на гостувањето во Белград против Партизан, во рамки на 15 коло во АБА лигата. (МИА)

Кеандре Кук – Kurir.mk

Кеандре Кук е избран за МВП на колото во АБА лигата

Мекиќ го напушти МЗТ Скопје, Американецот Кук негова замена