кеј 13 ноември – Kurir.mk

Угостителите од скопскиот кеј велат дека на градот му е само да ја изгради улицата низ шеталиштето

Магдалена Андонова — Sat, 16 Jan 2021 15:17:50 +0000

Угостителите кои на скопскиот кеј имаат објекти бараат град Скопје поради пандемијата да не ги урива нивните летни бавчи и оценуваат дека улицата која ќе води кон Телеком го сече кејот на два дела и ќе предизвика големи проблеми за безбедноста на гостите, пренесува Телма.мк Планот на градоначалникот Шилегов да направи улица не е добар, велат тие, додека Шилегов уште вчера изјави дека хаосот на кејот мора да се реши, улицата му е оставена во наследство од претходникот Трајановски, а кејот треба да се реновира и претвори во шеталиште за граѓаните. На фотографијата горе е планот за кејот, со жолта боја е планираната улица која се наоѓа до одобрените бавчи. Угостителите пак не се против реновирањето кое ќе ги остави без деловен простор, но сметаат дека треба да биде после пандемијата. За планот добиле известување пред неколку дена. Извор: ТЕЛМА

Се шетал со марихуана среде центарот на Скопје- полицијата веднаш го лишила од слобода

Дарко Андоновски — Sun, 24 Nov 2019 09:12:44 +0000

На 23.11.2019 во 13.15 часот на ул.Кеј 13-ти Ноември, полициски службеници од СВР Скопје го лишиле од слобода Д.Р.(26) од Скопје, затоа што при извршен преглед кај него била пронајдена марихуана. По целосно документирање на случајот, против него ќе биде поднесен соодветен поднесок, информираат од МВР.

Одреден 30 дневен притвор: Маж заработи кривична пријава за убиство во центарот на Скопје

Матеја Петровски — Sat, 18 Aug 2018 09:19:02 +0000

Надлежен обвинител од скопското обвинителство постапувајќи по кривичната пријава поднесена од МВР, донесе наредба за истрага против едно лице за кривично дело „Убиство“ од член 123 ст.1 од Кривичниот законик. Осомничениот на 3 август 2018 година, околу три часот по полноќ, во алкохолизирана состојба дошол на Кеј „13 Ноември“, пред монтажниот објект – тезга за продажба на книги и списанија каде во тој момент престојувало сега починатото лице и започнал да тропа по прозорците. Откако лицето му отворило, осомничениот започнал да се расправа и без никаков повод и причина физички го нападнал оштетениот удирајќи го во повеќе наврати со тупаници и клоци по телото и главата. -Од ударите лицето се здобило со нагмечување на мозочната маса и истото со брза помош било пренесено во Ургентниот- хируршки центар – Скопје. Поради влошување на состојбата повредениот е пренесен на Клиниката за неврохирургија каде му била извршена интервенција и е задржан на Клиниката за анестезија, реанимација и интензивно лекување. На 11 август оштетениот им подлегнал на повредите, а дежурен обвинител издаде Наредба за обдукција, пишува во соопштението на Обвинителството. -Вчера во попладневните часови напаѓачот е лишен од слобода. Надлежниот јавен обвинител ценеше дека се исполнети законските основи за определување на мерката притвор за осомничениот и достави Предлог до Основниот суд Скопје 1 – Скопје. Судијата на претходна постапка го прифати предлогот на обвинителството и на осомниченото лице со Решение му изрече мерка притвор во времетраење од 30 дена, се додава во соопштението на Обвинителството.