Кеј 13-ти ноември – Kurir.mk

Започната санација на пешачка патека на Кеј 13-ти Ноември

Тале Кристо — Wed, 06 Apr 2022 13:35:37 +0000

Екипите на ЈП Улици и патишта Скопје денес по налог на Град Скопје почнаа со санирање на пешачката патека која се наоѓа помеѓу А1 и црквата „Пресвета Богородица“ на Кеј 13-ти Ноември. Патеката е со должина од 40 метри и широчина од 1,70 метри, почетните работни позиции на патеката е отстранување на оштетената површина со бехатон плочи, а потоа површината ќе се тампонира, ќе се поставуваат рабниците и ќе се постават новите бехатон плочи. По уредувањето на оваа пешачка патека екипите продолжуваат со санација и на останатите пешачки патеки на градските сообраќајници согласно планот за работа од Град Скопје, информираат од претпријатието

Пожар избувнал на кеј „13 Ноември“, за среќа нема повредени лица

Магдалена Андонова — Wed, 29 Sep 2021 15:11:14 +0000

На 28.09.2021 во 19.38 часот во СВР Скопје било пријавено дека на кеј „13 Ноември“ настанал пожар во помошна просторија. Од екипа на Бригадата за противпожарна заштита Скопје пожарот бил изгаснат, а повредени лица нема. Увид извршила екипа од СВР Скопје.

Денеска дел од Кејот 13-ти Ноември ќе биде без вода

Магдалена Андонова — Fri, 16 Apr 2021 05:37:35 +0000

Поради дефект на затворач ф-80 милиметри на Кеј „13-ти Ноември“ во Скопје, во близина на мостот Око, денеска ќе има прекин во водоснабдување на корисниците на дел од кејот. Водоснабдувањето ќе биде прекинато во 09:00 часот и прекинот ќе трае до завршување на активностите за отстранување на дефектот, соопшти ЈП „Водовод и Канализација“ – Скопје. (МИА)

Комисија за локална самоуправа на ВМРО-ДПМНЕ: 1.44 милиони евра пари на Скопјани за реконструкција на Кеј 13-ти ноември

Тале Кристо — Fri, 19 Feb 2021 14:01:29 +0000

Продолжува недомаќинското работење на Петре Шилегов. Скоро 1,5 милиони евра ќе се потрошат за реконстрикција на Кеј 13-ти Ноември, реагират од Комисија за локална самоуправа на ВМРО-ДПМНЕ. Според проектот ќе се врши партерно уредување на кејот, на потегот од хотелот „Холидеј ин“ до зградата на „Телеком“. Предвидено е отстранување на старите и оштетени плочки, клупите, корпите за отпадоци, канделабрите, како и крајните жардиниерите кои се еден вид ограда. Издрадба на улица од Холидеј ин до зградата на Телеком останува а ветувањата за комплетна пешачка зона се заборавени од Шилегов. Се отстрануваат и летните тераси од средишниот дел кој важеа за главно место за уживање посебно во летниот период. Дали со ова Шилегов и СДСМ сакат да ги избркаат Скопјани од централното градско подрачје, нешто што континуирано го прават во изминатите 3,5 години. Зошто се прави сега оваа реконструкција не е познато но треба да се земе во предвид дека под оваа траса треба да поминува подземната сообраќајница од Владата до Комплексот банки за која потребно е целосно откопување на овој простор и повторно враќање во првобитна состојба. Оваа реконструкција е времен карактер а финансиските срадства можеше да се потрошат на пример за булеварот Борис Трајковски од Пинтија до Драчево. Скопјани остануваат без омиленото место за пиење кафе, ручек и вечерно дружење. Како визуелно ќе изгледа ќејот останува тајна а граѓаните и вистинската стручна јавност повторно остануваат неконсултирани, стои во Фејсбук објавата на комисијата.