Кејт Бланшет – Kurir.mk

ФОТО: Кејт Бланшет во фустан кој е синоним за префинетост

Ивона Петрова — Fri, 24 Feb 2023 10:56:19 +0000

На 76-тото доделување на филмските награди на Британската академија (БАФТА), кое се смета за вовед во Оскарите, победи римејкот на антивоениот класик „Ништо ново на запад“, кој зборува за ужасите од Првата светска војна. Кејт Бланшет ја доби наградата за најдобра актерка во филмот „Катран“. Најдобрата главна актерка блесна на црвениот тепих во елегантен црн фустан на француската модна куќа Maison Margiela, дизајниран од Џон Галијано. Фустанот ја следеше нејзината силуета, а особено впечатлив беше отворениот грб што ја направи целата комбинација многу префинета. Црниот фустан од свила и кадифе го искомбинирала со бисерна огрлица од модната куќа Луи Витон. Уште еден впечатлив детал е сината лента на фустанот што неколку актери ја носеа во знак на солидарност и поддршка за бегалците и раселените луѓе ширум светот. Кејт Бланшет ја обликуваше косата во елегантна пунџа, а природната убавина ја истакна со лесна шминка.

Светската филмска елита доаѓа на фестивалот во Венеција, меѓу нив Кејт Бланшет и Пенелопе Круз

Магдалена Андонова — Tue, 26 Jul 2022 20:48:35 +0000

Овогодинешниот 79. филмски фестивал во Венеција од 31 август до 10 септември ќе биде домаќин на мноштво познати личности. Во трката за престижниот Златен лав за најдобар филм на овогодинешната Мостра, ќе се натпреваруваат 23 филма. Овогодинешниот фестивал е замислен како „прозорец отворен кон светот“, рече уметничкиот директор на Мостра, Алберто Барбера, во онлајн презентацијата, особено осудувајќи го притворот на тројца филмаџии во Иран. Во конкуренција ќе биде филмот на еден од нив, Џафар Панахи, кој мора да одлежи шестгодишна казна за „пропаганда против режимот“. Името на филмот е Kherst Nistu (Мечките не постојат). Франција годинава е особено добро застапена со дури пет филмови во конкуренција. Тие се Les enfants des autres (Деца на другите) од Ребека Злотовски со Вирџини Ефира во главната улога, Двојката од Фредерик Вајсман, Les Miens (Мојот), семеен филм на Рошди Зем, Атина на Ромен Гаврас за бунт во предградијата и Сент Омер Омер на Алис Диоп, првиот филм за чедоморство. Францускиот режисер и писател Флоријан Зелер им понуди улоги во неговиот филм Le fils (Синот) на актерите Хју Џекмен, Лора Дерн и Ентони Хопкинс. Ниту годинава нема да недостигаат ѕвезди на црвениот тепих на Лидо. Шпанската актерка Пенелопе Круз е протагонистка на италијанскиот филм The Immenity на Емануеле Криалезе, додека Австралијката Кејт Бланшет го игра диригентот на оркестарот во филмот TAR на Тод Филд. Овогодинешниот фестивал ќе го одбележи и враќањето на Дарен Аронофски со филмот Кит со Брендан Фрејзер во главната улога. Уште едно големо режисерско име - Мексиканецот Алехандро Инариту, на Мостра ќе биде претставено со „многу личен“ филм, како што го претстави Барбера: „Бардо, лажна хроника на некои вистини“. Долгоочекуваниот Bones and All на Италијанецот Лука Гвадањино има холивудска екипа, од Тимоти Шаламе до Клое Севињи. Британската актерка Тилда Свинтон се појавува во „Вечната ќерка“ на Џоан Хог, а Колин Фарел глуми во „Бенши на Инишерин“ на Мартин Мекдона. Филмот Русокоса на Ендрју Доминик, инспириран од животот на Мерлин Монро со Ана де Армас во насловната улога и Адриен Броди, несомнено ќе привлечат внимание, а честа да го отвори натпреварувачкиот дел ќе ја има филмот на Ноа Баумбах Бела врева со Адам Драјвер и Грета Гервиг..

ВИДЕО: Орландо Блум и изјави љубов на славната актерка

Даниел Василев — Wed, 20 Jun 2018 19:03:55 +0000

Американскиот актер Орландо Блум ги изненади сите кога се реши да проговори за времето кое го поминал со Кејт Бланшет за време на снимањето на филмовите „Господар на прстените“. Орландо Блум и Кејт Бланшет се сретнаа на снимањето на филмот „Господар на прстените“ во 1999. година, кога неговата кариера одеше во нагорна линија. Двајцата секојдневно снимаа сцени во Нов Зеланд, а актерот во емисијата „The late late show# откри дека многу му се допаѓала Бланшет. -Не можам да мислам... Толку многу се вљубив. Ти беше мојата најголема симпатија, рече Орландо, додека Бланшет остана затекната од ова признание. -Не те препознав, зашто првиот пат кога те видов имаше коса како Фабио Ланцони (познат италијански манекен). И тогаш те видов и се прашав кое е ова слатко момче од актерска школа? Не собрав два со два..., објасни Кејт. Блум потоа додаде дека постојано ја прател со поглед и ја шпионирал од другата страна на собата. Иако е јасно дека некогаш еден на друг си се допаѓале, Орландо и Кејт се дружат веќе 18 години, а Блум е во врска со пејачката Кети Пери. Во меѓувреме, Кејт се омажи за австралискиот драмски писател Ендру Аптон со кој има четири деца.

Кејт Бланшет претседател на жирито на Канскиот фестивал

Ивона Петрова — Thu, 04 Jan 2018 10:38:17 +0000

Австралиската актерка Кејт Бланшет, добитничка на два Оскара, ќе претседава со жирито на 71. Меѓународен филмски фестивал во Кан, што се одржува од 8 до 19 мај, соопштија организаторите. Блашнет е една од предводничките на борбата против сексуалното вознемирување. Таа заедно со актерките Натали Портман и Мерил Стрип ја формираа Фондацијата „Готово е“ (Time'Up) за помош на жртвите од сексуално злоставување. Австралиската актерка е 12. жена која ќе претседава со жирито на Канскиот фестивал, четири години по новозеландската режисерка Џејм Кемпион.