кејт мери брнс – Kurir.mk

Брнс: Македонија има два клучни проблеми – Прв и најголем е корупцијата!

Ристе Здравков — Wed, 01 Jun 2022 07:01:11 +0000

Амбасадорката на САД во земјава, Кејт Мери Брнс, во своето вечерашно гостување во „Емисија 200“ на Алсат, нагласи два сегмента во државата коишто бараат посебно внимание и ангажман од власта. -Има некои области во Северна Македонија коишто нѐ загрижуваат и причината поради која сме особено гласни за тие работи е дека сакаме да помогнеме и да бидеме поддршка. Две од нив се најважни. Под број еден е корупцијата. Тоа не е проблем којшто го има само во Северна Македонија…, но треба да биде приоритет, бидејќи демократските институции сѐ уште се во развој и нивно постојано поткопување со корупција е закана за идната безбедност, стабилност и просперитет на државата. -Втората работа, којашто заслужува внимание, е состојбата со младите. Нѐ загрижува фактот што младите се разочарани од можностите тука. Разочарани се кога не гледаат дека владата работи за граѓаните. Младите треба да бидат охрабрени да ја видат својата иднина тука, a борбата против корупцијата е моќен начин да се излезе во пресрет на нивната загриженост“, рече амбасадорката Брнс.

ВИДЕО: Американската амбасадорка правеше „РЕД ДОГ“ АЈВАР

Ристе Здравков — Tue, 12 Oct 2021 14:58:30 +0000

Во македонските домови веќе почна сезоната на подготвување ајвар, еден од највкусните специјалитети на балканската кујна кој води потекло од Македонија. Американската амбасадорка во нашата држава, Кејт Мери Брнз одлучи да ја испочитува оваа македонска традиција и заедно со нејзиниот сопруг подготви „Ред дог“ ајвар. Сезона на ајвар во резиденцијата на нашата амбасадорка со специјалниот “Ред Дог“ ајвар. Кои се вашите омилени традиции за храна? Се вели во Фејсбук статусот на Американската абмасада во Скопје.

АНАЛИЗА: Чистка пред генерална проба, Заев од денес тргнува во офанзива

Ристе Здравков — Mon, 19 Apr 2021 11:17:31 +0000

Циркузот во македонското собрание заврши, сега за сега, изгласан е петтиот пакет на мерки, за лица и фирми погодени од ковид кризата која го зафати светот, а тоа помина многу лошо, целата ситуација помина во НЕдемократска атмосфера, едни блокираат, други тераат инает, трети дигаа чалам. На крај ДУИ преку Талат Џафери, им се одмазди на СДСМ и ВМРО-ДПМНЕ, бидејќи сами тераа лидерска средба, а ДУИ тоа го смета за понижување. Носеа пратеници со скафандери, додека траеше 32-та седница еден од пратениците изиграваше циркузант, друг шеташе низ салата дерејќи се… кратко кажано, вчера имавме циркуз без пари на собранискиот канал. На крајот од денот се заврши, ДУИ си го доби своето со помош на СДСМ, бидејќи Заев и СДСМ мораа да си го платат долгот за понижувањето, ВМРО-ДПМНЕ со сите сили нападна поради „космонаутите“ во собранието, Апасиев и Левица повторно од говорницата испрати закани кон свотите колеги „космонаути“. А од денес почнува нова борба, Заев тргнува во една нова офанзива. Од денес Заев во СДСМ ќе прави голема чистка… генералка. Радмила Шекеринска и нејзиното крило во СДСМ се на неговиот „нишан“ . Зоран Заев е свесен дека доколку сака да опстане и комплетно да завладее во партијата мора да расчисти со Радмила Шекеринска и таканареченото скопско крило, кое има огромно влијание во СДСМ, многу повеќе од струмичкото и е проблем за Заев и неговите блиски соработници. Од денес Зоран Заев со сите сили ќе тргне против Шекериснска и нејзините, Дамјан Манчевски го тргна, изминатите денови му прави проблеми на Саша Богдановиќ, а Шилегов комплетно го игнорира, речиси сите градоначалници и функционери кои важат за блиски до Радмила Шекеринска се на „нишанот“ на Заев, а тоа има цел, на есен ни претстојат локални избори, избори да се биде или не за Зоран Заев. Заев тргнува од опашката, за после кога ќе треба „ да ја исече“ главата тоа да биде полесно од колку што изгледа. Но, Радмила Шекеринска не е наивна и далеку е од неискусен политичар, Радмила Шекеринска е политичар кој 30 години опстојува на политичката сцена, таа ги „преживеа“ Киро Глигоров, Бранко Црвенковски, Хари Костов, Владо Бучковски, а сега треба да му се спротистави на Зоран Заев. Тоа дека Радмила Шекеринска не е наивна и добро плива во политичките води цели 30 години покажуваат неколку нејзини средби во време кога е нападната. Две средби за брзо време со Кејт Мери Брнс, ако се сеќавате на онаа средба на Криволак и дента кога САД донираа опрема во АРМ се типичен пример за тоа како Радмила Шекеринска хирушки прецизно знае кога и се наближува некаква опасност. Но, да не заборавиме дека СДСМ треба да избере и ново раководство, потпретседателските места од 5, Заев ги намали на 3, Радмила Шекеринска по се изгледа ќе ја загуби оваа позиција, па така според пишувањата на медиуми блиски до СДСМ, на тие места се планираат најлојалните сопартијци на Заев, Оливер Сапсовски и Венко Филиче, третиот нека остане изненадување, но како сега стојат работие во СДСМ, Радмила Шекеринска веќе нема да биде на оваа висока партиска функција. Да заклучиме, едниов е полн како брод, тазе избран за претседател на партијата, а другава е со силни меѓународни врски и пријатели. Едно е сигурно, Зоран Заев од денес почнува офанзива против Радмила Шекеринска, а прашање е дали нејзините пријатели ќе му се спротивстават на Заев во „нападот“ кој го планира.

Средба на Царовска со Брнз: САД ги поддржува реформите во образованието

Ристе Здравков — Wed, 30 Sep 2020 15:56:05 +0000

Министерката за образование и наука Мила Царовска, денес имаше прв работен состанок со амбасадорката на САД во Северна Македонија, Кејт Мери Брнз и со претставници од УСАИД. На состанокот, амбасадорката Брнз истакна дека Амбасадата на САД продолжува да биде важен стратешки партнер во унапредувањето на образовниот систем во Северна Македонија и посочи дека Амбасадата на САД е подготвена да го продолжи и унапредува силното партнерство и да даде поддршка на реформските процеси во образованието. На средбата министерката Царовска ја информираше амбасадорката и останатите присутни, за сите актуелни теми поврзани со стартот на учебната година во услови на Ковид-19, но и за други тековни активности на министерството.

Кејт Мери Брнс заедно со сопругот во хуманитарна акција

Ристе Здравков — Fri, 11 Sep 2020 11:34:04 +0000

Американската амбасадорка во Македонија Кејт Мари Брнс донираше крв во рамките на традиционалната акција која 12 години се одржува во знак на сеќавање на жртвите на терористичките напади во САД во 2001. Таа кажа дека медицинските сестри се во фокусот на одбележувањето на 19-годишнината од нападите врз Њујорк и Вашингтон, со што се оддава признание за нивната посветена и храбра работа во пандемијата на коронавирусот. „Овој ден го посветуваме на медицинските сестри за нивната служба во 2020. Тие имаат клучна улога не само по терористички напади, во воени и кризни подрачја, туку, годинава, и во справувањето со пандемијата на ковид-19. Тие прават многу повеќе од давање медицинска помош“, кажа Брнс. Амбасадата на САД и Црвен крст на Град Скопје првпат ја организираа оваа крводарителска акција во 2009 година. Таа почна денеска и ќе трае до следниот петок.

Груби-Брнс: Спроведување на реформите, со акцент на сегментот правда

Ристе Здравков — Thu, 10 Sep 2020 10:57:43 +0000

Вашингтон ќе продолжи да ја поддржува Република Северна Македонија во спроведувањето на неопходните и многу важни реформи насочени кон владеењето на правото и функционирањето на институциите на непристрасен и независен начин, изјавила американската амбасадорка Кејт Мари Брнс на денешната средба со првиот вицепремиер Артан Груби. Брнс, како што соопштија од кабинетот на Груби, исто така кажала дека Северна Македонија треба да го одржи единството за да ја искористи можноста за членство во Европската унија. Брнс му пренела на Груби дека САД се подготвени да ги продлабочат билатералните односи меѓу двете земји и зајакнување на понатамошното зголемување на директните инвестиции од САД и соработката во областа на дигиталната економија во согласност со сигурносните стандарди на НАТО. Груби, пак, истакнал дека Владата останува посветена на спроведувањето на реформите, со посебен акцент на сегментот правда, а ја истакнал важноста на мрежата 5Г и стратешката соработка со САД во овој процес и кажал дека тоа ќе биде приоритет на Владата.

Рејчл Галовеј и Кејт Мери Брнс на планинарење по повод Денот на независтноста

Ристе Здравков — Sun, 06 Sep 2020 10:38:53 +0000

Под мотото "Ние сме НАТО", а по повод Денот на независноста 8-ми септември, на падините на Бистра во тек е планинарска тура на која учествуваат министерката за одбрана Радмила Шекеринска, како и неколку амбасадори во земјава. Целта на планинарењето е запознавање со природните убавини на Македонија, а дипломатите меѓудругото ќе имаат можност да го пробаат традиционалното сирење и да се запознаат со процесот на негова подготовка. Како што рече министерката на првата пауза од пешачењето, инспирација за настанот е тоа дека сите височини се достижни ако се има план, слично како и со освојувањето на планинските врвови. Потенцирајќи ги природните убавини на Македонија, пак, амбасадорките на САД и на Британија Кејт Мери Брнс и Рејчл Галовеј најавија продолжување на соработката на сите полиња и зацврстување на партнерството. Планинарењето се одвива во соработка со Асоцијацијата на интернационални водичи и Здружението за заштита и спасување на планина.

Донација од САД, ИЈЗ доби најсовремена опрема во Институтот каде се прават тестовите за коронавирусот

Ристе Здравков — Fri, 21 Aug 2020 09:19:47 +0000

Со донација од амбасадата на САД, Институтот за јавно здравје доби кабинет со најсовремена опрема. Лабораторијата на Институтот каде се прават ковид тестовите доби биосигурност ниво 3, со што е единствена во нашата земја. „Во лабораторијата на ИЈЗ, од почетокот на пандемијата немаше ниту еден инфициран вработен здравствен работник и строго се придржуваат до сите стрикни протоколи. Благодарение на амбасадата на САД ќе имаме кабинет со биосејфти ниво 3 во делот на микробиологијата. Тоа ќе биде уште едно зајакнување и уште еден чекор напред во квалитетот на здравствената услуга која се дава и во технологијата за работа. Во оваа лабораторија, во која беа извршени првите тестови за коронавирусот и кон која, беше најголемиот притисок од пациенти од целата држава, започнаа да прави по 20 тестови на ден, а сега се прават и по 1.200 тестирања“, рече министерот. Амбасадорката Кејт Мари Брнс рече дека дополнителните капацитети добиени со ова реновирање доаѓаат како резултат на неверојатната соработка меѓу Канцеларијата за соработка во одбраната на Соединетите американски држави, Министерството и Институтот. „Работевме заедно, чекор по чекор, за да обезбедиме навремени одлуки за клучни проекти што ќе помогнат во подобрувањето на можностите за тестирање на оваа земја. Горда сум што можеме да ги видиме резултатите од научната соработка помеѓу Институтот и Центрите за контрола на болести во САД, за обезбедување обука и опрема, како овде денес така и во дневните извештаи од Министерството за здравство“ рече Брнз.

Амбасадорката Брнс пресече: Избори треба да има ама кога ќе дозволат условите

Ристе Здравков — Wed, 20 May 2020 20:28:20 +0000

Во актуелниот политички контекст, „360 степени“ ги праша за став Амбасадата на САД и Делегацијата на Европската Унија во Македонија Дискусијата треба да продолжи за државата да може да организира избори и да продолжи целосно да се справува со последиците од ковид-19, велат од Делегацијата на ЕУ Потребни се целосно овластена влада и функционален парламент веднаш штом дозволат условите, вели амбасадорката на Соединетите Американски Држави, Кејт Брнс, во одговор на прашањето од „360 степени“ за коментар на „целата ситуација околу изборите, која може да прерасне во нова политичка криза“. Брнс вели дека техничката влада има ограничен мандат и дека требаше да биде на власт во ограничен период пред избори. „Од перспектива на САД, разумно е да се очекува избори да се одржат веднаш штом дозволат условите, имајќи ги на ум здравјето и благостостојбата и на гласачите и на членовите на избирачките одбори. Ние не предвидуваме нова политичка криза. Моментално има техничка влада. Оваа влада требаше да биде на власт во ограничен период пред да се одржат избори. Невидена меѓународна пандемија принуди одлагање на оригиналниот датум се додека условите дозволат изборите да се презакажат. Техничката влада има ограничен мандат и нема функционален парламент. Потребни се целосно овластена влада и функционален парламент веднаш штом дозволат условите“, вели американската амбасадорка.

Ги разбира ли полиглотот Заев пораките на амбасадорката Брнс и на целиот дипломатски кор во Македонија?!

Ристе Здравков — Fri, 31 Jan 2020 10:54:42 +0000

Последниот период „корупција“ стана заеднички именител во вокабулоарот на амбасадорскиот кор во државата. Пораката е иста, само јазиците се различни, англиски, француски, германски, факт кој не би требало да биде проблем за полиглотот, екс премиер. Ова доаѓа по само три години откако Зоран Заев на власт дојде со загубени избори и на крајно сомнителен начин. Од тогаш почна со своите исто така сомнителни изјави, честопати зачинети со гафови и неразбирлива симболика во нив. Една таква изјава е дека судството ќе го отворел како пупка?! Па откако ја даде таа изјава, тогашниот премиер Заев, три пати аболиран во кариерата, сам се назначи за претседател на советот за судски реформи, па откако ги виде реакциите на јавноста се повлече. Оттогаш па до денес, секојдневно излегуваат нови афери за корупција кај луѓе блиски до заевата влада, но и за членови на неговото семејство. Последни се аферите за сканалдозниет доделувања лиценци во бизнисот со медицинска марихуана. Италијанскиот весник „Ла Верита“ објави серија скандали поврзани со Зоран Заев и луѓе блиски до него, бизнисмени кои претпеле штета од истите јавно излегоа и обвинија за рекетирање и корупција и најтазе е вчерашното интервју за амбасадорката на САД во Македонија, Кејт Мери Брнс, која јасно и гласно вчера му порача на Зоран Заев дека корупцијата и невладеењето на правото се главни проблеми во државата. „Корупцијата предизвикува огромна загриженост. И борбата со корупцијата е толку клучна затоа што тоа е број еден препорака за позитивната иднина на оваа земја, за нејзиниот развој, за се што се надева да постигне. Мислам дека многу е важно да се препознае дека независно дали се работи за корупција на високо ниво во форма на поткуп на високи службеници или ситна корупција која граѓаните ја чувствуваат на дневна основа, кога чувствуваат дека треба да платат за да го запишат детето во одредено училиште, за да добијат работа или фер третман во болници. Сите овие форми на корупција ја изобличуваат економската ситуација и креираат недоверба во општетсвото. Затоа, неопходно е сите партии, властите на сите нивоа, но и целото општество да се обединат и да се поттикне сеопфатна дебата за кроупцијата, а тука улога играат и медиумите, но и да се обединат во акцијата да се справат со корупцијата како одговор од целото општество, и да осигураат, бидејќи никој не е имун, дека секој има своја улога“, рече Брнс. Но дали Заев ги разбира овие пораки? Дали Зоран Заев е свесен дека овие пораки доаѓаат од САД? Но ова не се први предупредувања од САД и падот од 13 места во новиот извештај на Транпаренси Интернешнал не е случаен. Индексот на Транспаренси Интернешнал се базира на експертски анализи за корупцијата во јавниот сектор земени по неколку фактори како – дали владини лидери во дадена држава се сметаат за одговорни заради корупција или се неказнети, дали јавните институции одговараат на потребите на граѓаните, дали се смета дека поткупот доминира во одделна држава. Ако добро се погледне овој извештај, ќе забележиме дека земји како Косово, Перу, БиХ, Кувајт, Тринидат и Тобаго, Колумбија, Виетнам и Етиопија се далеку повисоко од нас. А доколку малку имаме познавање за дел од овие земји, ќе знаеме дека важат за земји во кои владее криминалот и корупцијата, а дел од нив се земји во кои се произведува разновидни дроги како кокаин, хероин и марихиана, проституцијата и трговијата со луѓе е на највисоко ниво. Такви земји во моментов се пред Македонија во овој извештај. Се поставува прашањето, за какви реформи зборуваше Зоран Заев, ако Македонија добива вакви извештаи? Тука не смее да се заборават и пораките од Германија и Франција, односно нивните амбасадори во земјава, Томас Герберих и Кристиан Тимоние, каде и двајцата повикаа за поголема борба против криминалот и корупцијата. – За граѓаните на Македонија е многу важно да има владеење на правото. Гледаме колку луѓе ја напуштаат земјата, тоа го гледам актуелно секое утро кога доаѓам во германската амбасада. Го гледам големиот ред пред амбасадата, ги гледам сите оние коишто поднесуваат барање за добивање на работна виза. Мислам дека освен плата и поголем животен стандард, им недостига и правната сигурност. Тоа е реформа која што треба прва да се спроведе, изјави германскиот амбасадор Томас Герберих. – Прашањата за добивање на датумот кај нас се вртат околу две прашања. Прво, повторно да се види извештајот за напредокот на земјата од областа на човековите права и правната држава и втората точка е тој конкретен Закон за јавно обвинителство. Тој е многу важен затоа што со него би можело да се даде можност да се третираат и стари и нови предмети кои што ја трујат политичката клима. Многу е важно големите политички партии да успеат да се договорат за тоа прашање, посочи францускиот амбасадор Тимоние. И покрај ваквите опомени и пораки, заевата влада остана глува. Напротив, наместо ситуацијата да се подобри, истата се влошува секојдневно. Дипломатскиот кор е едногласен, корупцијата во Македонија е на највисоко ниво, граѓаните не се чуствуваат безбедни, а среќата се решени да си ја бараат во западноевропските земји. Во овој контекст, паралелно со предупредувањето за корупцијата до актуелната власт е и изјавата на Брнс во која таа повика на мирен трансфер на власта по изборите. Пораката е повеќе од јасна. Логиката вели дека доколку СДСМ победи, не може да има никаков трансфер, власта останува иста. Дали со констатацијата за корупцијата, амбасадорката, всушност, даде индиректно појаснување зошто актуелната власт веќе нема да биде на Илинденска бр.2, паралелно повикувајќи и предупредувајќи ги Заев и партијата да не прават проблеми и мирно да го изведат трансферот кој следува по изборите. Потврда на Брнс се и повеќето анкети на јавно мислење во последниот период, кои укажаа на лошиот рејтиг на СДСМ, освен една анкета нарачана лично од нив, која со наводното минимално водство на владејачката номенклатура, се протолкува како алатка за намалување непокојот кај сопственото членство. Ристе Здравков